Bɛ Yi Ti Nyɛhi Wuntaŋ' Neesim Suurili

Diyila Dagbani Wikipedia
Jump to navigation Jump to search
Bɛ Yi Ti Nyɛhi Wuntaŋ' Neesim Suurili
sura
Yuli kana (Japan zuliya) sabbu niつつみかくす Mali niŋ
Be lɛbigili zuliya nima ni81. The Folding Up, Q31204749 Mali niŋ
Tuuli ballilaribanchi Mali niŋ

Bɛ Yi Ti Nyɛhi Wuntaŋ' Neesim Suurili (At-Takweer ٱلتَّكْوِير)[1]

Suurili ŋɔ maa wuhiya ni Chiyaama yiɣisibu nyɛla yɛlimaŋli, ka Alkur’aani nyɛ yɛlimaŋli ka yi Naawuni sani na, di bi pahi shɛli, di mi bi booi shɛli.

Aaya nima[mali niŋ | mali mi di yibu sheena n-niŋ]

Aaya nima:[2]

  • 1. Bɛ yi ti nyɛhi wuntaŋ’ neesim.
  • 2. Yaha! Saŋmarsi yi ti gabi taba ni.
  • 3. Yaha! Bɛ yi ti wurim zoya.
  • 4. Yaha! Bɛ yi ti chɛ laakumbaɣa bahi (ka so bi lahi guli ba).
  • 5. Yaha! Bɛ yi ti laɣim mɔɣuni biŋkobri luɣuyini.
  • 6. Yaha! Bɛ yi ti chɛ ka teeku kom taai ni buɣum.
  • 7. Yaha! Bɛ yi ti laɣim nyɛvuya ni di nimgbina.
  • 8. Bɛ yi ti bɔhi bipuɣimbila so bɛ ni daa pi ni o nyɛvuli.
  • 9. Taali dini zuɣu ka bɛ daa ku o.
  • 10. Yaha! Bɛ yi ti chɛ ka ninsalinim’ tuuntumsa gbana yεɣili luɣuli kam.
  • 11. Yaha! Bɛ yi ti shi sagbana (kamani bɛ ni shiri biŋkobgu shɛm).
  • 12. Yaha! Bɛ yi ti pɔbsi ʒehiimi buɣum.
  • 13. Yaha! Bɛ yi ti vuui Alizanda miri na.
  • 14. Nyɛvuli ni baŋ di ni kana (Chiyaama) ni shɛli.
  • 15. M-po saŋmari shɛŋa ban chana, ka labri na.
  • 16. Ka di nyɛla din zɔra, ka sɔɣira.
  • 17. Ni yuŋ, di yi ti surgi.
  • 18. Ni bekaali, di yi ti neei.
  • 19. Achiika! Di (Alkur’aani) nyɛla tuun’ so ŋun mali jilma yɛltɔɣa.
  • 20. Yaalana, ŋun mali jilma Al’arshi lana sani.
  • 21. O nyɛla bɛ ni doli so nimaa ni (Alizanda), yɛmbahiga lana.
  • 22. Yaha! Yi zo (Annabi Muhammadu) maa pala yinyaa.
  • 23. Yaha! Achiika! O (Muhammadu) nya o (Malaaika Ziblila) zuɣusaa polo yεɣu ni.
  • 24. Yaha! O pala biɛmlana ni din sɔɣi.
  • 25. Yaha! Di (Alkur’aani) pala shintaŋ so bɛ ni narim la yɛltɔɣa.
  • 26. Dizuɣu, ya ka yi chana?
  • 27. Di (Alkur’aani) pa shɛli naɣila teebu n-zaŋ ti binnamda.
  • 28. Ni ninvuɣu so ŋun bɔri ni o zani n-tuhi yi puuni.
  • 29. Yi mi ku tooi yu shɛli (ka di niŋ), naɣila Naawuni, binnamda Duuma yi yu li.

Kundivihira[mali niŋ | mali mi di yibu sheena n-niŋ]

  1. Bachigahinda Din Be Dagbanli Kur'aani Puuni. The Noble Qur'an: Translation of the Meanings (Dagbani language).
  2. Translation of the Meanings of the Noble Qur'an - Dagbani translation, by Muhammad Baba Gutubu.