Ban Tɔhigiri Deeri Nyɛvuya Suurili

Diyila Dagbani Wikipedia
Jump to navigation Jump to search
Ban Tɔhigiri Deeri Nyɛvuya Suurili
surah
Zuliya wuhibuالنازعات Mali niŋ
Yuli kana (Japan zuliya) sabbu niひきはなすもの Mali niŋ
Siɣili-lana yuliangel in Islam Mali niŋ
Be lɛbigili zuliya nima ni79. Those Who Yearn, Q31204789 Mali niŋ
Balli tuma bɛi balli yulilaribanchi Mali niŋ

Ban Tɔhigiri Deeri Nyɛvuya Suurili (An-Naazi'aat ٱلنَّازِعَات)[1]

Suurili ŋɔ baŋsiri ti mi ni azaaba naɣisibu n-zaŋ kana tuumbetumdiba sani pala Naawuni chɛ ba mi, bee O tamila bɛ yɛla, Naawuni naɣisiri mi tiri ba ni O ti gbaai ba gbaari kpeeni.

Aaya nima[mali niŋ | mali mi di yibu sheena n-niŋ]

Aaya nima:[2]

  • 1. M (Mani Naawuni) po Malaaikanim’ ban tɔhigiri deeri (chɛfurinim’) nyɛvuya ni suli.
  • 2. Yaha! M-po Malaaikanim’ ban deeri ninvuɣu shɛba ban ti Naawuni yɛliamaŋli nyɛvuya ni baalim.
  • 3. Yaha! M-po Malaaikanim’ ban chani ka labri sagbana mini tiŋgbani sunsuuni.
  • 4. Yaha! M-po Malaaikanim’ ban kpaɣiri taba n-zaŋ chaŋ Naawuni ni puhi ba shɛli tumbu.
  • 5. Yaha! M-po Malaaikanim’ ban gbibi binnamda yɛligola.
  • 6. Dabsi’ shɛli din sɔhigiri binyɛra ni yɛn ti sɔhigira.
  • 7. Ka kikaa piɛbsibu (din pahiri ayi) doli di nyaaŋa.
  • 8. Dindali maa, ninvuɣu shɛba suhiri nyɛla din yɛn ti dam.
  • 9. Ka bɛ (ninsalinim’) nina ba tiŋgbani ni.
  • 10. Ka bɛ yɛra: “Di ni bɔŋɔ, ti nyɛla bɛ ni yɛn labsi shɛba ti tuuli bɛhigu la ni?
  • 11. Hali di yi niŋ ka ti yi leei koba din bursi bursi?
  • 12. Ka bɛ yɛli: “Din ŋuna, di labbu maa nyɛla ashaara dini.”
  • 13. Achiika! Di nyɛla tahigu yim zuɣu.
  • 14. Ka a nya ba (ninsalinima) ka bɛ ʒe tiŋgbani yaaŋa zuɣu.
  • 15. (Yaa nyini Annabi)! Di nibɔŋɔ, Annabi Musa lahibali ka a na?
  • 16. Saha shɛli o Duuma ni daa boli o biɛŋ din nyɛ kasi la shee.
  • 17. (Ka yɛli o): “Cham Fir’auna sani, dama o nyɛla ninvuɣu so ŋun kpahi yεɣi.”
  • 18. Ka yɛli o: “Di ni bɔŋɔ, a ku niŋ a maŋ’ kasi?”
  • 19. Ka n-dolsi a n-zaŋ kana a Duuma sani, ka a zo o dabɛm?”
  • 20. Ka o (Annabi Musa) wuhi o alaama titali (dina n-nyɛ o jaangbee la).
  • 21. Ka o (Fir’auna) labsi o ʒirilana, ka kpe Naawuni taali puuni.
  • 22. Din nyaaŋa, ka o lԑbi biri, ka be o tummbiɛri ni.
  • 23. Ka o laɣim o niriba, ka moli.
  • 24. Ka yɛli: “Mani n-nyɛ yi duuma so ŋun gari duma kam.”
  • 25. Ka Naawuni niŋ o azaaba ni o bahigu yɛltɔɣa ŋɔ maa mini tuuli dini la .
  • 26. Achiika! Ŋɔ maa puuni mali kpahimbu n-ti ninvuɣu so ŋun zɔri Naawuni.
  • 27. Di ni bɔŋɔ, yi (ninsalinim’) nambu n-kpɛm gari sagbana shɛli O (Naawuni) ni me ŋɔ maa?
  • 28. O (Naawuni) duhila di mee, ka chɛ ka di saɣisi.
  • 29. Ka zibgi di yuŋ, ka chɛ ka di wuntaŋ’ ne.
  • 30. Din nyaaŋa, ka o yɛrgi tiŋgbani.
  • 31. Ka O yihi di kom mini di biŋkobri ŋubbu shee di puuni na.
  • 32. Ni zoya, ka O (Naawuni) kpaŋkpa li.
  • 33. Ka di nyɛ nyεɣisim wumbu n-tin ya, ni yi biŋkɔbri.
  • 34. Dinzuɣu, mushiiba titali (Chiyaama yiɣisibu) yi ti kana.
  • 35. Dabsi’ shɛli ninsala ni yɛn ti teei o ni daa tum shɛli.
  • 36. Ka bɛ yihi ʒehiimi buɣum polo ni, n-zaŋ ti ŋun yɛn nya li.
  • 37. Amaa! Ninvuɣu so ŋun kpahi yεɣi.
  • 38. Ka gahim Dunia biɛhigu.
  • 39. Tɔ! Achiika! Ʒehiimi buɣum n-nyɛ o labbu shee.
  • 40. Amaa! Ninvuɣu so ŋun zo o Duuma (Naawuni) tooni zanibu, ka mɔŋ o maŋ’ suhuyurlim.
  • 41. Tɔ! Achiika! Alizanda n-nyɛ o labbu shee.
  • 42. (Yaa nyini Annabi)! Bɛ bɔhira n-zaŋ chaŋ saha (Chiyaama yiɣisibu), ni bondali ka di yɛn ti niŋ?
  • 43. Yapolo ka a yɛn nyɛ di baŋsim yɛli ba?
  • 44. Di baŋsim kpaliŋkpaa bela a Duuma (Naawuni) sani.
  • 45. Achiika! A nyɛla valsigulana n-ti ŋun zɔri li.
  • 46. Dabsi’ shɛli bɛ (chɛfurinim’) ni yɛn ti nya li, di yɛn ti ŋmanila bɛ na ʒin ʒinila Dunia puuni, naɣila dabsili puuni Zaawuni bee di Wuntaŋ’ palli.

Kundivihira[mali niŋ | mali mi di yibu sheena n-niŋ]

  1. Bachigahinda Din Be Dagbanli Kur'aani Puuni. The Noble Qur'an: Translation of the Meanings (Dagbani language).
  2. Translation of the Meanings of the Noble Qur'an - Dagbani translation, by Muhammad Baba Gutubu.