Ʒitalli Suurili

Ʒitalli Suurili

surah

Pahi la	Alikuraan
Japan zuliya (yuli kana) sabbu ni	ぎょうけつ
Yɛltɔɣ'kpani	سورة العلق, سورة إقرا
Siɣili-lana yuli	embryo
Be lɛbigili zuliya nima ni	96. The Clot, Q31204766, Q131599999
Balli tuma bɛi balli yuli	Quranic Arabic
Described at URL	https://referenceworks.brill.com/display/entries/QCO/a814.xml, https://referenceworks.brill.com/display/entries/QCO/a815.xml
Tuma ŋɔ maa zaa bɛla URL maa ni	https://quran.com/96
Nahingbaŋ	sūrah Makkiyyah

 

 From Wikidata

Ʒitalli Suurili

Ʒitalli Suurili (Al-Alaq ٱلْعَلَق)

Suurili ŋɔ maa wuhirila so’ shεŋa din yɛn gu ninsalinim’ buna, ni di ni tu kamaata ni Muslimnim’ be ni taba bɛ sunsuuni, n-ti pahi bɛ mini ninvuɣu shεba ban pa Muslinnim’ shεm.

Aaya nima

1. (Yaa nyini Annabi)! Karimmi ni a Duuma So Ŋun nam yuli.
2. O namla ninsala ni ʒitalli.
3. Karimma! Yaha! A Duuma n-nyɛ Ŋun tibigi.
4. Ŋuna n-nyɛ Ŋun baŋsi (ninsala) ni alkalimi.
5. O (Naawuni) baŋsila ninsala binshɛɣu o ni ʒi.
6. Haifa! Achiika! Ninsala nyɛla ŋun kpahiri yεɣiri tariga.
7. Domin o nyaya ka o mali buni zuɣu.
8. Achiika! Labbu shee nyɛla a Duuma (Naawuni) sani.
9. A nya ninvuɣu so ŋun mɔŋda.
10. Dabli (Annabi Muhammadu), o yi ti yɛn puhi jiŋli.
11. Di ni bɔŋɔ, O (dabli maa) yi bela dolisigu zuɣu?
12. Bee ka o puhi (niriba) ni wuntia?
13. Di ni bɔŋɔ, a nya ka o (Abu Jahli) yi labisi ʒiri niŋ (Annabi noli ni), ka lԑbi biri?
14. Di ni bɔŋɔ, o bi mi ni Naawuni nyari (o ni niŋdi shɛli maa zaa)?
15. Haifa! O (Abu Jahli) yi bi chɛ o ni niŋdi shɛli maa, achiika! Ti ni gbaagi o o gbetaa zuɣu.
16. Ʒiri ni tuumbiɛrilana gbetaa.
17. Dinzuɣu, o bolimi o ʒisheenima (o sɔŋdiba).
18. Ni baalim, Ti (Tinim’ Naawuni) gba ni boli Zabaaniyanima (Bana n-nyɛ Malaaika shɛba ban guli ʒahannama buɣum).
19. Haifa! (Yaa nyini Annabi)! Di doli o, ka zaŋ a gbiεɣu ŋmε tiŋgbani ni (A jεma shee), ka miri a Duuma Naawuni.