Bekaali Suurili

Bekaali Suurili

surah

Pahi la	Alikuraan
Zuliya wuhibu	الفجر
Japan zuliya (yuli kana) sabbu ni	あかつき
Siɣili-lana yuli	foreglow, dawn
Be lɛbigili zuliya nima ni	89. The Daybreak, Q31204757
Balli tuma bɛi balli yuli	laribanchi
Tuma ŋɔ maa zaa bɛla URL maa ni	https://quran.com/89
Nahingbaŋ	Meccan surah

E-Class

Bekaali Suurili (Al-Fajr ٱلْفَجْر)

Suurili ŋɔ maa wuhirimi ni tibiginsim dolila ninsala iimaansili ni wuntia, amaa! Ka ni buni bee nam.

Aaya nima:

• 1. M (Mani Naawuni) po bekaali.
• 2. Yaha! M (Mani Naawuni) po yuŋ yuŋ pia.
• 3. Yaha! M (Mani Naawuni) po binjiɛhi, ni bingaŋsi.
• 4. Yaha! M (Mani Naawuni) po yuŋ, di yi ti yɛn chaŋ yεɣi.
• 5. Achiika! Di puuni mali pɔri n-zaŋ ti ninvuɣu so ŋun mali haŋkali?
• 6. Di ni bɔŋɔ, a bi nya a Duuma ni daa niŋ Aadunim’ (Annabi Hudu niriba) shɛm?
• 7. Bana n-nyɛ Iramanim’ ban nama daa galisi galisi.
• 8. Ka bɛ daa nyɛla bɛ ni na ʒin nam shɛba tatabo tiŋgbana ni.
• 9. Ni Samuudunim’ ban daa ŋmari tampima (ka di leeri yiya) yiliŋ ni.
• 10. Ni Fir’auna so ŋun nyɛ bandilana.
• 11. Bana n-nyɛ ban kpahi yεɣi tariga tiŋgbana ni.
• 12. Ka bɛ zooi tuumbiɛri tumbu di puuni.
• 13. Ka a Duuma kpaai azaaba balibu m-bahi bɛ zuɣu.
• 14. Achiika! A Duuma nyɛla Ŋun pa nina yuunda.
• 15. A nya ninsala, o Duuma yi dahimmi o ka tibgi o, ka niŋ o ni’ima shɛli, o yɛrimi: “Achiika! N Duuma shiri tibgi ma.”
• 16. Amaa! O yi ti dahimmi o ka chɛ ka bɛhigu kpɛm n-ti o, o yɛri mi: “N Duuma filim ma.”
• 17. Haifa! Chɛli gba! Yi bi tibgirila kpibga.
• 18. Yi mi bi kpaŋsiri ni nandana dihibu.
• 19. Ka yi diri fali liɣiri dibu din zooi.
• 20. Ka yi lahi yuri liɣiri yurlim din zooi.
• 21. Haifa! Bɛ yi ti dam tiŋgbani dambu ni yɛlimaŋli.
• 22. Ka a Duuma kana, ka Malaaikanim’ ti ʒe safu ni.
• 23. Dindali ka bɛ yɛn ti zaŋ ʒahannama buɣum na, dindali ka ninsala yɛn ti teei, ka yapolo ka teebu yɛn niŋ o anfaani.
• 24. Ka o yɛra: “M-baye, bo n-di niŋ ka n-daa daŋsi tuunsuma n Dunia ʒii puuni.”
• 25. Dindali maa, so n-kani yɛn tooi niŋ azaaba n-ti lahi paagi O.
• 26. So mi n-kani yɛn ba bandi n-ti lahi paagi O.
• 27. “Yaa nyini nyɛvuli shɛli din mali suhudoo!
• 28. Labmi a Duuma (Naawuni) sani, ka nyɛla ŋun niŋ yɛda, ni bɛ ni niŋ so yɛda.”
• 29. “Dinzuɣu, kpɛm N (Mani Naawuni) daba puuni”
• 30. “Ka kpe N Daalizanda.”