Andrew Egyapa Mercer

Andrew Egyapa Mercer
Tuma

E-Class

Andrew Egyapa Mercer ( doɣim dabisili 25 May 1973) nyɛla Ghana looya ni siyaasa nira. O nyɛla ŋun pahi New Patriotic Party ni. Ŋuni n nyɛ jintori zaŋti Sekondi yaɣili din be Western Region, Ghana.

Tuuli Biɛhigu ni Karim baŋsim Bobu

Andrew Kofi Egyapa Mercer nyɛlla bini daa doɣi so Sekondi din be Western Region, Ghana, ka o ba daa nyɛ James Mercer, Ghana Lawyer. O daa chaŋla Chapel Hill Preparatory School din be Takoradi, ka tuɣi n chaŋ Adisadel College, Cape Coast, luɣi shɛli o ni daa nya o GCE O level, ni GCE A level shahira gbana.O daa lahi chaŋ University of Ghana, ka daa yina ni BA in Humanities ni Bachelor of Laws. O daa karimmi Ghana School of Law ka daa ti pa leegi Lawyer, dini daa niŋ ka o nya nasara bi zahim bu la saha..

Tuma

Egyapa Mercer daa pilila tuma Messrs. Acquah- Sampson and Associates, Looyanima tuma shee din be Accra yuuni 2004. O daa lahi chaŋ n ti tum ti First Atlantic Bank din be Accra yuubi 2007. O ni daa be First Altlantic Bank, o daa nyɛla ŋun bo jintori tali primaries zaŋti NPP Sekondi ka daa bi nya Nasara, ka Papa Owusu- Ankomah daa di o. O daa chala tuma maa ka kpa Messrs. Mercer and Company, din daa be Accra.

Siyaasa Biɛhigu

Egyapa Mercer daa kpɛla party namanama ni yuuni 2011 dini daa niŋ ka o yina n bori Sekondi Constituency NPP parliamentary primaries. O mini niribi a yi n daa bori nam maa, Owusu Ankomah ni Kweku Sam Amoah. Owusu- Ankomah daa luho ka dinam maa. O daa lahi zaniya yaha yuuni 2016.Dini daa niŋ ka ŋun gbibi nam maa Owusu- Ankomah daa bilahi yina ni o ti bo nam maa, dama di daa kuli nyala shɛli o ni di bunu n pa taba.Egyapa Mercer ko n daa yina ti bo nam maa.

Jintoribi piibu piibu

Egyapa Mercer daa nyala ŋun pili o maŋ zaŋ wuhi salo nam maa bobu zuɣu silimin goli 14 August 2016 Sekondi. Lala saha maa, niribi kaman Alan John Kyeremanten, daa nyala ban saɣisi niribi maa ni bi piigi Egyapa Mercer ni Nana Akuffo-Addo ka bi leegi bi jintora ni tingban zuɣulana. Poi ka silimin goli December yuuni 2016 piibu piibu maa daa paagi, binyara pam daa nyala bini niŋ di kuli yɛn che kabi zaŋ ba wuhi salo. Di puuni yini n daa nyɛ bi daa ba yɛltoɣa n ti ninvuɣ'shɛba ban yina bori n maa, Sekondi Methodist Park. Egyapa Mercer daa luhila Emmanuel Assifuah ŋun daa zani ti NDC , Daniel Essuman ŋun zaa zanti PPP ni Peter Arthur ŋun daa zanti CPP ka di jintori kuɣu maa. Egyapa Mercer daa nyala kalinli 16,849 din daa yiɣisi kobigu puuni vaabu 59.47%.

Jintora

Dini daa niŋ ka o nyɛ jintora, o daa nyala ŋun kuli tum viɛnyɛla n ti o yaɣipi maa nima ka daa pali alikawli shɛŋa o ni daa loba saha shɛli o ni daa bori nam maa. Lala ŋo puuni shɛŋa n nyɛ, o daa bo computernima ni di kpatuɣa din daa liɣiri daa yiɣisi US$ 4, 000 n ti Sekondi Library. Din yɛn soŋsi bohimbu ni wuhibu yaɣii maa.

O daa lahi soŋ yo Ghana Football Association sam shɛŋa din daa doli Sekondi Eleven Wise , ban nyɛ Division 1, ka di nyɛla o daa bola liɣiri din kalinli yiɣisi GH₵ 5, 000 ; boli yuunibi gba daa soŋ yo GH₵ 1,300.