Yiɣi chaŋ yɛligu maŋamaŋa puuni

Ahmed Yussif Abubakari

Diyila Dagbani Wikipedia
Ahmed Yussif Abubakari
Tudu yaɣili ni Naya, 1947 (run 76/77)
O ya TiŋgbaŋGhana
Education
Bala yɛlibu, sabbu bee buɣisibuSilmiinsili
Tuma
Tumapolitician (en) Translate ni chief executive officer (en) Translate
O ni be paati shɛli niNew Patriotic Party

E-Class


Ahmed Yusif Abubakari nyɛla Dagbaŋ bilichini so bɛ ni dɔɣi Naya (Yendi). Niriba pam mi o la Alhaji kooms ka o nyɛ siyassa nira. Ŋuna n nyɛ Municipal Chief Executive n-zaŋti Naya (Yendi) piibu-piibu yaɣili.[1]

Ahmed Yusif Abubakari nyɛla bɛ ni daa dɔɣi so Jankuŋ din be Naya (Yendi). Niriba pam mi o la Alhaji Kooms. Gambariya daŋ ni ka o laamba daa dɔɣi o niŋ.

Alhaji Kooms ba yuli ndaa booni Ahmed (Naabeli) ka o ma yuli booni Azara. O bapira n daa wumisi o.

Alhaji Kooms nyɛla Dagbana ka lahi nyɛ Musulimi. O lahi nyɛla siyaasa nira zaŋti wabigu paati.

Shikuru baŋsim bɔbu.

[mali niŋ | mali mi di yibu sheena n-niŋ]

O daa nyɛla ŋun niŋ zaɣikurili zaa ka naan pili shikuru chandi, ka lala maa zuɣu daa che ka bɛ booni o bikuri Shikuru. Alhaji Kooms daa pili la Shikuru chandi yuuni 1969. Warikpomo Primary n-daa nyɛ Shikuru tuuli o ni chaŋ. O daa lahi tirisiya chaŋ Yendi Middle School. Alhaji Kooms ni daa naai lala Shikuru ŋɔ o daa lahi chaŋ Yendi Senior Secondary School(YESS) yuuni 1974 n-ti bɔhim "General Science" baŋsim. O ni daa naai YESS ŋɔ, o daa nyɛ nasara pam o zahimbu ni. Pirimla kum ni tahiri yɛla pam na zuɣu, Alhaji Kooms daa tarigi Shikuru tuɣibu kadama o ba daa nyɛla ŋun kani ka di zaya ni o labi yiŋa n-ti gbubi daŋ maa.

Alhaji Kooms, kamani niriba pam ni mi o shɛm nyɛla ninvuɣu so ŋun kpɛm wɔbigu (NPP) siyaasa yaɣili ni pam. Bɛ daa piigi o la piibu-piibu adaka kpɛma (Polong Station Chairman) zaŋ ti wɔbigu (NPP) siyaasa yaɣili yuuni 1979.

Ŋuni ka bɛ daa lahi piigi Unit Kɔmitii gbaŋ' ŋmara yuuni 1992 ka daa lahi tirisi tooni ti lee Yendi constituency gbaŋ' ŋmara. Alhaji Kooms ka bɛ daa zaŋ lee gamo tuhi ku tuma du' shɛli din yuli booni NADMO la kpɛma Naya yaɣili maa yuuni 2001. Bɛ daa lahi piigi o Naya (Yendi) yaɣili Municipal Chief Executive yuuni 2017 hali ni zuŋɔ.[2]

O bi'palitali ni tuma daa nyɛla foto yaabu. O daa pili lala tuma ŋɔ ka na biɛla Shikuru. Di daa nyɛla tuun' shɛli din sɔŋsi o mini o daŋ biɛhigu pam.

Alhaji Kooms daa lahi nyɛla ŋun tum tuma pam saha shɛli bɛ ni daa piigi o NADMO kpɛma. O tuma daa kpaŋsiya pam di ni daa niŋ ka bɛ zaŋ Yendi MCE tali n-ti o. ŋuna n-na nye Naya (Yendi) yaɣili gɔmnan-ti Fukumsi kpambala (MCE).

  1. Abdul Karim Naatogmah. Yendi MCE nominee confirmed (English). citifmonline.com. Retrieved May 10, 2017.
  2. Abdul Karim Naatogmah. MCE Nominee for Yendi Duely Confirmed (English). newsghana.com. Retrieved May 10, 2017.