Joseph Cudjoe (politician)

Joseph Cudjoe (politician)
Tuma

E-Class

Joseph Cudjoe nyɛla Ghana siyaasa nim la yino ŋun bi seventh Parliament of the fourth Republic of Ghana n-ti Effia jintɔri kuɣ yaɣili din be Western tiŋgbani yaɣili la. O zami n-ti wɔbigi paati.

O Bihigu Piligu Mini O Shikuru

Cudjoe dɔɣim dabisili n-nyɛ silimin gɔli October da baa ayi yuuni 1964. O yila tiŋ yuli booni Effia din bi

Western tiŋgbani yaɣili la Ghana. O n-nyɛla o Bachelor of Science degree laasabu malibu ni shikuru shɛli din yuli booni Kwame Nkrumah University of Science and Technology la ni, Kumasi ka daa lahi n-nyɛ o MBA in Finance University of Ghana dundɔŋ puuni.

O Tuma

Joseph Cudjoe daa pili la o tuma laasabu malibu karimba tali ni shikuru shɛli din yuli booni Archbishop Porter Girls Secondary shikuru la ni silimin gɔli January yuuni 1995 zaŋ hali ni silimin gɔli October yuuni 1995. Cudjoe daa lahi n-nyɛla lecturer n-zaŋti Takoradi Technical University yuuni 1995 hali ni 2000. Di nyaaŋa o daa lahi n-tuɣ Eno International, LLC nima ni ka o daa n-nyɛ Financial Analysis& Planning Manager yuuni 2000 hali ni 2001.O daa niŋ la Senior Consultant SEM International Associates silimin gɔli April yuuni 2002 zaŋ ni silimin gɔli October yuuni 2003, di nyaaŋa ka o daa n-daa kpalim n-nyɛ general manager SEM International LTD silimin November yuuni 2003 hali ni silimin gɔli March yuuni 2004 .Yuuni 2004 hali ni silimin gɔli December yuuni 2012, Cudjoe n-daa lahi n-nyɛ Investment Manager for Ghana Cocoa Board.

O Siyaasa Tali

Cudjoe n-kpɛ la Ghana jintɔri duu silimin gɔli January da baa ayopɔi dali la yuuni 2013 n-ti Effia jintɔri kuɣ yaɣili n-zaŋti wɔbigi paati. Bɛ daa lahi piigi o mi yuuni 2016 Ghana piigi piibu la ni n-zaŋti Effia jintɔri kuɣ .

O Maŋmaŋ Bihigu

O n-nyɛla dolo dolo nira ka mali paɣa ni bihi ata.