Yiɣi chaŋ yɛligu maŋamaŋa puuni

Dan Botwe

Pahimi soya
Diyila Dagbani Wikipedia
Dan Botwe
Tuma
E-Class

Daniel Kwaku Botwe (doɣim dabisili February 26, 1958)[1] nyɛla Ghana siyaasa nira.[2] Ŋuni n nyɛ jintori zaŋti Okere yaɣili din be Eastern Region, Ghana. [3]O daa nyɛla Minister for Information ni National Orientation, tingbani zuɣulana John Agyekum Kufuor saha. O daa lahi nyala ŋun nyɛ Minister for Regional Reorganization and Development ni Minister of Local Government, Decentralizatiin and Rural Development Nana Akufo-Addo tuuli [4]ni o buyi nam ni.[5]

Tuuli Biɛhigu ni Karim Baŋsim Bobu

[mali niŋ | mali mi di yibu sheena n-niŋ]

Dan Kwaku Botwe nyɛla bini daa doɣi so silimin goli February 26, 1958, Eastern Region, Ghana. O nyala ŋun yina tiŋ yuli booni Abiriw Akuapem .[1] O daa chaŋ la Presbyterian Primary ni Middle Schools din be tiŋ yuli booni Mabang, Ahafo- Ano District, Ashanti Region. O daa nyala o GCE Ordinary level shahira gbaŋ Kumasi Academy ni o GCE Advanced level shahira gbaŋ yuuni 1977, Achimota School. O daa lahi chaŋ Kwame Nkrumah University of Science and Technology, nti niŋ Bachelor of Science degree in compiter science.[6]

Yuuni 1985, Botwe daa nyala Ghana Cocobod nim ni kpiɣi so tuma ka o nyɛ ŋun lihiri bi computernima zuɣu. O daa tum la ni hali ni yuuni 1993, saha shɛli o ni daa kpe o maŋ tuma ni. Danmaud Limited din be Ankara n daa piigo ka o leegi bi director.[6]

O ni daa be KNUST, O daa nyala bini pii so ka o leegi Ghana gbaŋ ŋmara zaŋti National Union of Ghana Students ( NUGs) yuuni 1982 hali ni yuuni 1983. O piibu maa daa nyala din be saha shɛli soojanima gomnanti ni daa be Ghana, Provisional National Defence Council. Di ni daa kuli niŋ ka o zabri ka lahi toɣisiri wuhiri gomnanti ni daa gbibi shɛm maa daa chami ka bi nya ka o nyala fitina lana. Bi daa yiho Ghana nti pahi Ghana shɛb zuɣu n tahi Ivory Coast.[2] O daa ti labi na Ghana nti leegi computer analyst Ghana cocoa board yuuni 1985 hali ni yuuni 1993 poi ka daa naan yi kpe ʒɛn toli tuma ni.[7]

Botwe daa nyɛla ŋun zani ka di New Patriotic Party gbaŋ ŋmara yuuni 1998.[8] O daa kpaŋ o maŋ pam tingban zuɣulan John Kufuor piibu ni yuuni 2000 Ghana piibu piibu la saha. [2]O daa lahi nyɛla ŋun tum tuma pam ti party maa, kamani o daa leegi National Treasure zaŋti New Patriotic Party bipola, ka lahi leegi Director of Operations and Research, National Headquaters.[8][2] Tingban zuɣulam Akufo-Addo daa buɣisi mi ni o nyɛla ninvuɣ' kpɛŋ, ka dama o daa kpaŋ o maŋ yihi New Patriotic Party yihi nam kalinsi ni, ka bi kana nam ni yuuni 2001.[9]

Dan Botwe daa nyɛla ŋun zani bo jintori kuɣu Okere yuuni 2008 dini daa niŋ ka yaɣili maa jintora, Brandford Kwame Daniel Adu, daa sheegi. Botwe daa nyala ŋun nya kalinli 11,974 kalinli 19,684 puuni ka di daa yiɣisi kobigi puuni vaabu 60.8% din daa leego jintora. O daa kuli lahi dimi pa taba yuuni 2012, 2016 ni 2020.[2]

Ŋuni n daa nyɛ ŋun kolindi vaari yɛltoɣa zaŋti jintoribi ban bi galisi jina duu Ghana 6th Parliament yuuni 2013 hali ni 2017[8]. O ni daa nyɛ jintora, o daa kpaŋ o maŋ ti o yaɣili lɛbigimsim. O daa nyɛla ŋun kpiɣi alikawli ni o soŋ Dreams FC, Ghana Premier League boli ŋmeri team ban daa ŋmɛri bi bolli Dawu, tiŋ shɛli din daa be o yaɣili maa.[10]

Botwe daa nyɛla ŋun zani ni o leegi New Patriotic Party toondana yuuni 2007. Bi daa kpala lala piibu piibuŋo ni bi nya ŋun yɛn zani John Agyekum Kufuor zaani dini daa niŋ ka o saha paagi ni o yi nam ni. Niribi pinaayobu n daa pahi n zani. Piibu piibu maa daa nyala din niŋ Ankara silim goli 22 December 2007.[11] Botwe daa yɛliya ni party maa toondaan' tali maa borila nin kpɛŋ. [11] O daa nyala ŋun koŋ nam maa nti Nana Akufo- Addo.[8]

Minister of Information

[mali niŋ | mali mi di yibu sheena n-niŋ]

Yuuni 2006 hali ni yuuni 2007, Botwe daa nyɛla Minister of Information, saha shɛlj John Agyekum Kufuor ni daa be nam ni.[12][13]

Minister for Regional Reorganisation

[mali niŋ | mali mi di yibu sheena n-niŋ]

Silimin goli January yuuni 2017, tingbani zuɣulana Akufo-Addo daa nyɛla ŋun piigi botwe ni o lergi Minister zaŋti Ministry of Regional Reorganization and Development, din yɛn soŋdi ka bi piri Ghana yaɣa.[9]

Silimin goli May yuuni 2017, President Nana Akufo-Addo daa nyɛla ŋun boli Dan Botwe pahi ministernima pishiyinika shɛb'zuɣu ban yɛn be o cabinet. Lala yuya ŋo daa nyɛla bini zaŋ ti Ghana jina duu ka jina duu kpɛma Rt. Hon. Prof.Mike Ocquaye daa boli li wuhi jintoriba.[14]Lala cabinet minister ŋo daa wuhimi ni o yɛn pahila ninviɣ'shɛba ban yɛn miri Nana Addo n soŋ do ka o gbaari shaawaranima.[14]

Dan Kwaku Botwe nyɛla ŋun mali paɣa ni bihi ata. O nyɛla dolodolo nira.[8]

  1. 1 2 Dan Botwe, Biography.
  2. 1 2 3 4 5 MPs (en-US).
  3. ↑ vibeghana.com.
  4. ↑ 2nd Ministerial list out: Akufo-Addo creates new ministries, re-aligns old - MyJoyOnline.com (2017-07-31).
  5. ↑ https://www.graphic.com.gh/news/politics/no-dce-has-been-sacked-yet-dan-botwe.html
  6. 1 2 MPs (en-US).
  7. ↑ MPs (en-US).
  8. 1 2 3 4 5 ghananewsagency.org.
  9. 1 2 2nd Ministerial list out: Akufo-Addo creates new ministries, re-aligns old - MyJoyOnline.com (2017-07-31).
  10. ↑ http://ghanasoccernet.com/mp-for-okere-constituency-hon-dan-botwe-pledges-support-for-premier-league-newcomers-dreams-fc
  11. 1 2 Presidency not retirement package – NPP Dan Botwe (en-US) (2007-09-17).
  12. ↑ Archive copy.
  13. ↑ :: Radio Recogin ::.
  14. 1 2 Arts Minister Catherine Afeku makes it to Cabinet | Entertainment 2017-05-31 (2017-07-31).
Di yila "https://dag.wikipedia.org/w/index.php?title=Dan_Botwe&oldid=93041"