Ibrahim Mahama

E-Class

Ibrahim Mahama nyɛla Dabɡaŋ Looya biŋ ŋun lan yuui siyaasa puuni.O lan nyɛla ŋun be kparilim ni - n-ɡuli bin'ɡula ka mali puri. Silimiinsi kuku n-daa nyɛ o ba ka o yuli booni Konzulun ka sokam mi o Kobina. O ma n-daa nyɛ Aʒi Nabia Daamata.Morri.

Piligu

Bɛ daa dɔɣi o la tiŋa be Kumbuŋ yaɣili ŋɔ ka bɛ booni li Tibuŋ. Bɛ daa dɔɣi o mi yuuni 1935. Lawyer Ibrahima yaba (Zangbalunnaa Mahama) n-daa wumsi o ka daa diri la Tibuŋ ka ti looi Zangbalun.

Shikuru baŋsim

O daa pilla shikuru saha shɛli o ni daa niŋ yuun pia ni anu saha. Bɛ ni daa dɔɣi o bɛ daa bi zaŋ o tɔhi shikuru. Dahinyini ka o daa ti yali ni shee o gba chaŋ shikuru, ka daa dii vaai yiɣisi n-chaŋ Savelugu Local Authority Primary School n-daa ti zaŋ o maŋa ti karimbanima. Ka bɛ daa dahim mi o ka o karim anashaara bachibiɛlima(alphabets) mini kalinli din pili ndaam hali ni kɔbiga. O ni daa niŋ shɛm mili nyɛla o ŋahiba, Tibuŋ lana Ablai ŋun daa pun chani lala shikuru maa ni n-daa wuhiri o didaa yi ti niŋ daliri ka o kuli yiŋa. Ka bɛ daa zaŋ o ʒili du yini, n-nee beɣu zaŋ o kpɛhi dura ayi n naa lahi nee beɣu n-kpɛhi o dura ata. Duri ata din kpalim maa ka o daa zaŋ yuma ata n-chaŋ naai. O ni daa yi ni ka o daa naai chaŋ Yendi Middle school n-daa ti naai ni ka naan chaŋ Government Secondry School din pa lee Tamale Secondry School la. Yuuni 1960 ka o daa ʒini ka bɛ dahim mi o ka o daa di nasara, ka daa chaŋ University Of Ghana n-daa ti bohim looya tali. Yuuni 1966 ka bɛ daa boli o ka o ti lee looya.

Siyaasa Biɛhigu

Looya Ibrahim daa nyɛla tum tumda nti linjima siyaasa yaɣili din daa nyɛ National Liberation Council la(NLC). O daa lahi nyɛla jintora nti Tamale yaɣili ŋɔ yumaa ata. O daa lahi nyɛla ŋun nyɛ Tiŋgbaŋ zuɣulana nabiyɔŋ n-ti siyaasa yaɣili shɛli din daa nyɛ Social Democratic Party la yuuni 1979.