Zuɣu pinibu
Zuɣu pinibu nyɛla dahinshɛli din laɣimdi tira bee m-booni bia yuli[1][2]. Di nyɛla dabaa ayopɔin bee daba anii bia dɔɣim nyaaŋa[3]. Zuɣu pini nyɛla nyaɣisim ni yurilim so'shɛli laamba ni mali n niŋdi bia maraaba bee marihaabi n-kpɛhiri na daŋ puuni, ka di nyɛla bɛ yɛn gahila nuu m boli simnima ni dɔɣiriba zaa na ka be ti nya bɛ zuɣusuŋ maa n-sɔŋ ba.
Zuɣu pinibu nyɛla daliri n-yihiri yu' shɛli bɛ ni zaŋ ti bia maa polo. Dagbamba kali soli zuɣu bia yuli tibu ka bɛ zaŋ boli zuɣu pinibu. Zuŋɔ dabsili ŋɔ musulinsi adiini che ka ti booni li la suuna. Dagbamba kali soli zuɣu paga yi dɔgi, o dɔgibu maa naba dali ka bɛ pindi bia zuɣu bee ka bɛ tiri o yuli. Di dabisaanii dali m-bala. Bɛ yi nabi pini bia maa zuɣu bee m-bɔli o yuli, bɛ na booni o la saandoo o yi nyɛla doo bee saampaɣa o yi nyɛ paɣa.
Adiini yaɣa ʒuɣu pinibu
[mali niŋ | mali mi di yibu sheena n-niŋ]Musulinsi daadiini wuhi;
musulinsi puuni, bia yuli booni la daba ayopɔin dali ka yɛla o ba mini o ma ban laɣim gbaai yu'shɛli bɛ ni bɔra ni bɛ boli bia maa. Bi piirila yu' gahindili, ni din mali dede maɣ ina.
Zuɣu pinibu nyɛla musulinima ni booni shɛli Aqiqah[4]. Aqiqah nyɛla din niŋdi daba ayopɔin bayaan bia dɔɣim, din niŋbu ni bɛ kɔrigirila piɛɣu ka ŋmahi tari bɛ ʒiʒiinitaba mini dɔɣiriba ni nandaamba. Di yi bi tooi niŋ bee n-chirisi, din n tooi mali zali biɛɣu pia ni anahi dali, pishi ni yini bee biɛɣu pihita yini ka dali.
Dolodolo bee Yisa Masiya daadiini ;
Zuɣu pinibu bee bia yuli bolibu tooi zooya ka di niŋdi dolila babtism ceremony Dolodolo daadiini ni, balante catholic kali ni ta'ada ni[5]. Wulinluhili polo Roman Catholic Churchi Kpamli ni (Orthodoxy) bilɛri nyɛla bɛ ni tiri shɛba yuya n-doli bƐ kali dabaa anii dali be bɛhigu ni ka di nyɛla bɛ yɛn niŋ paati gahindili yiŋa bee asɔri duuni (Churchi duu).
Ayi lihi, Yisa Masiya nima dolila kaya ni ta'ada zaŋ ti tingbani shɛli bɛ ni doɣiba.
Di daafaaninima
[mali niŋ | mali mi di yibu sheena n-niŋ]- Di kpɛhiri bia maa o daŋ mini zilɛli puuni.
- Di che ka ti baŋdi ti ni nyɛ zuliya shɛba.
- Di tahiri nangbanyini na daŋ maa ni.
- Zuɣu pinibu sɔŋdi ka ti baŋdi taba.
- Di lahi sɔŋdi ka ti baŋdi ti ni yi shɛli na.
- Di kpaŋsiri suhudoo ʒilɛli ni
Kundivihira
[mali niŋ | mali mi di yibu sheena n-niŋ]- ↑ What is a naming ceremony | Home.
- ↑ Council, Birmingham City. Hold a naming ceremony (en).
- ↑ M. Ed., Loyola University-Maryland. Learn About Aqiqah--the Islamic Welcome for a New Baby (en).
- ↑ Learn About Aqiqah--the Islamic Welcome for a New Baby (en).
- ↑ ICGC Kings Temple | London - Naming Ceremony.