Tamale Teaching Hospital
| Tiŋa | Ghana  |
|---|---|
| Dini be shɛli | Tamale |
| Tiŋgbaŋ yaɣili calinli | 9°23′36″N 0°49′25″W |
| Ŋun su li n-nyɛ | gominanti |
| Lahabaya dundɔŋ din mali dihitabili | http://tamaleteachinghospital.org/, http://www.tth.gov.gh/ |
E-Class
[1] nyɛla bɔhimbu ni wuhibu ashibiti din be northern region Dagbaŋ, Ghana Tudu yaɣili. Ghana tingbani puuni ashibiti kara ni, dini n-do buta zuɣu. Di nyɛla ashibiti shɛli Ghana tudu yaɣa anu maa zaa ashibtinima ni tiriti wuhiri barinima n-tahiri shɛli di yi ti niŋ ka bɛ ka barilim ŋɔ yaa bee di baŋsim. TTH ashibiti ŋɔ nyɛla din be Ghana tudu yaɣili kilomita ayi wɔɣilim (2 km) m-be tiŋ' sunsuuni nudirigu yaɣili polo ka ʒi Tamale fɔŋ yuli booni Dohinnaayili. Di nyɛla ashibiti shɛli din mali niŋgbina vihibu maʒina. Ka lahi mali baŋdiba ban tibiri dɔriti balibu balibu ni. Di gbinila kpalanzuya ni University for Development Studies (UDS) din be tudu yaɣili ŋɔ n-lɛri karimbikura baŋsim din jɛndi dɔɣitɛ tali mini awurabatali polo. Ashibiti kara ata Ghana, Korle Bu Teaching Ashibiti mini Komfo Anokye Teaching ashibiti nuhi ni yi.
Taarihi[mali niŋ | mali mi di yibu sheena n-niŋ]
Ashibiti ŋɔ nyɛla ashibiti shɛli bɛ ni daa yoogi yuuni 1974[2][3]. Tamale Regional Hospital n-daa nyɛ bɛ ni booni ashibiti ŋɔ yu' shɛli lala yuuni ŋɔ.[4] Di daa kpami ni di bɔri alaafee n-tiri salinima ban be ti tudu yaɣili dibaata din nyɛ Tamale yaɣili, Waa yaɣili ni Boliga yaɣili (Northern Region, Upper West and Upper East).
Dariza Pahabu[mali niŋ | mali mi di yibu sheena n-niŋ]
2005 yuuni ka tudu yaɣili dundɔŋ ni gɔmnanti du' zuɣu (Northern Regional Coordinating Council) daa gbuni kpalanzuya ni Ghana alaafee bɔmma yaɣili (Ghana Health Service) ka bɛ daa pahi ashibiti ŋɔ dariza m-paai bɔhimbu ni wuhibu ashibiti zaa shee. Dariza ŋɔ pahibu daa che ka Ashibiti ŋɔ nya zaashee din pahiri dibaata Ghana ashibitinima din wuhiri karimbihi. Lala ŋɔ daa niŋmi ni di kpaŋsi bɔhimbu ni wuhibu zaŋ ti UDS alaafee yaɣili karimbihi.
Di Kpamba[mali niŋ | mali mi di yibu sheena n-niŋ]
Tamale Teaching Hospital ni be kpeensheba nuuni nyɛla piniyini ka bɛ daa zaŋ ba wuhi salo silimiingoli February biɛɣ' pihita ayi ka yuuni 2019.
Di kpamba n-nyɛ Mr. Mahmoud Hamid (kpuglana), Dr. David Zawumya Kolbilla, Prof. Francis A. Abantanga, Mr. George A. Atampugre, Dr. Abass Adam, Mrs. Dangnikuu Evelyn-Eda. Ban pahi n-nyɛ Mr. Kuuri Karim, Pham. Hamid Abdulai, Nana Agyei Mensah, Justice Eric Baah and Clara Tia Sulemana.
Kundivihira[mali niŋ | mali mi di yibu sheena n-niŋ]
- ↑ Tamale Teaching Hospital (en-US).
- ↑ Tamale Teaching Hospital (en).
- ↑ Healthcare - ADK Consortium.
- ↑ Martina Bugri (15 May 2020). Tamale Teaching Hospital receives more support to aid in Covid-19 fight. Myjoyonline. Retrieved 19 September 2020.