Yiɣi chaŋ yɛligu maŋamaŋa puuni

Takoradi Technical University

Pahimi soya
Diyila Dagbani Wikipedia

Takoradi Technical University nyela gomnanti karimbikura karinzoŋ din be Sekondi-Takoradi,[1][2] din nye tiŋzuɣu zaŋti Western Region, Ghana. Takoradi Technical University nyela gomnanti ni daa kpa sheli ka di nye karinzoŋ din yen leri baŋsim din jendi tuun baŋsim polo, ka daa ti pa zaŋli pahi State Tertiary Education System la zuɣu.[3][4]

Yuuni 2016, Ghana zali zaanibi daa nyela ban saɣiti ni di lebigi polytechnics dibaayobu universitinima. .[5]

Takoradi Technical University nyela bini daa kpa karinzoŋ sheli silimin goli September, yuuni 2016 di daa niŋ ka bi saɣiti ni di lebigi Takoradi Polytechnic, nti pahi polytechnics dibaanu zuɣu Technical University.[6] Takoradi Technical University (dini daa mi sheli takoradi Polytechnic) nyela din daa be Ghana Education service, Ministry of education gbunni tum silimin goli April yuuni 1954 ka daa nye gomnanti karinzoŋ. Lala saha ŋo, karinzoŋ ŋo daa kuli wuhirila baŋsim din jendi nuuni tuma ka di nyela Royal society of Arts ni City and Guilds din be London, United Kindom ka bi zaŋ bi maŋ tabili. amaa yuuni 1990, Ghana Education Service daa nyela ban deegi karinzoŋ maa shahira gbana tibu.[6]

Dini daa kuli niŋ ka taɣibu taɣibu niŋdi Ghana baŋsim bohimbu yaɣili la, bin sheli din daa pili yuuni 1980s, Takoradi Technical Institute ni karinzona anu daa nyela bini duhi sheli ni di pahi Ghana karimbi kura karinzona ni (Ghana Tertiary Education System) , Polytechnic Act 321 (PNDC Law 1993) ka bi daa dumba n niŋ lala taɣibu ŋo. Lala zaligu ŋo daa wuhiya ni polytechnics ni wuhiri baŋsim din yen ti che ka bi karimbihi tooi deegi Higher National Diploma (HND) shahira gbana , binsheli din daa pili yuuni 1993/1994. Lala taɣibu ŋo daliri daa nyami ni polytechnics ŋo ni soŋ si n yeligi karimbikura karim baŋsim bohimbu shee, din yen che ka niribi pam tooi bo baŋsim.[6]

Gomnanti daa nyela din saɣiti ni di lebigi polytechnics ŋo sheŋa universitinima yuuni 2016. Lala ŋo zuɣu Takoradi Polytechnic Council daa taɣi karinzoŋ maa yuli chaŋ "Takoradi Technical University". Takoradi Technical University nyela din mali karinzona ata: Effia Kuma (Takoradi), Butumagyebu (Sekondi), ni Akatakyi (Agona-Nkwanta). Bi karinzoŋ din be Akatakyi maa m galisi gari karinzona maa zaa, ka di palo paagi acre 152.3.[6]

TTE Technical Training Group

[mali niŋ | mali mi di yibu sheena n-niŋ]

TTE Technical Training Group, din nye UK karinzoŋ din wuhiri baŋsim zaŋ jendi oil and gas yaɣili , daa yihi lahabali na wuhi ni bi mini Tullow Oil din be Ghana tingbani ni la nyeka ban gbini kpalan mihi, din yen che ka bi tooi pili karinzoŋ ka di niya nye ni di wuhi baŋsim oil and gas yaɣili din yen che ka niribi tooi tum di tuma. ŋun daa nye zuɣulana zaŋti Ghana baŋsim bohimbu yaɣili (Minister of Education), Professor Jane Naana Poku-Agyemang ŋun lihi ka bi pili karinzoŋ din daa ku ariziki kamani $6 million n zali Takoradi Polytechnic ni di le Ghana karimbihi baŋsim lala yaɣa maa silimin goli 21 June 2013. The centre, ka bi daa pii yuli bolli "Jubilee Technical Training Centre", lala karinzoŋ ŋo Oil Jubilee Partners, Tullow Ghana Limited, Anadarko WCTP Company, Kosmos Energy, Ghana National Petroleum Company, ni Sabre Oil/Gas Holding Limited n daa ku ariziki niŋ di mebu ni.

Accra Brewery Limited

[mali niŋ | mali mi di yibu sheena n-niŋ]

Bi ni daa bori ni bi le karimbihi nuuni baŋsim, nti pahi bini daa kuli bori ni bi gbini daabilim kpalanmihi la, Accra Brewery Limited daa nyela ban mini Takoradi Polytechnic gbaai sawaara.[7][8] Saawara ŋo daa nyami ni bi yen saɣi mi deegi karimbihi ka bi tooi bo baŋsim bi tuma duu maa ni , ka lala ŋo daa nye din yen be sunsuni yuma anahi.[9]

Jaashehi ni Kpaŋmaŋ Pina

[mali niŋ | mali mi di yibu sheena n-niŋ]

National SLB PetroChallenge 2024

[mali niŋ | mali mi di yibu sheena n-niŋ]

Takoradi Technical University (TTU) daa nyela ban di yuuni 2024 National SLB PetroChallenge compateesa sheli bini daa niŋ Ankara la, Ghana.[10] Karinzona pia n daa be lala compateesa ŋo ni, di puuni sheŋa n nye: University of Ghana, University of Mines and Technology (UMaT), Kwame Nkrumah University of Science and Technology (KNUST), ni University of Cape Coast. Karimbi ban daa zani ti Takoradi Technical University n daa nyeSolomon Ayissah, David Nana Doffour Mensah, ni Jacob Kwabena Amoeku ka bi daa yina karinzoŋ maa Oil and Natural Gas Engineering Department, ka daa kuli gbirigi baŋsim hali n ti kpiɣi jaasheei maa.

Lala karimbihi ŋo daa nyela bini ti sheba shahira gbana, nucheeni bansi, ka lahi ti ba soli ni bi tum tuma SLB (Schlumberger) yuma ayobu, ni din pahi pahi. Compateesa ŋo daa nyela din zahim karimbihi baŋsim oil and gas yaɣili.[10] Karinzoŋ maa kpema (Vice-Chancellor), Rev. Prof. John Frank Eshun, daa nyela ŋun puhi ka paɣi karimbihi maa, bini kuli kpaŋ bi maŋa n bo yuli vielli nti karinzoŋ maa.

Best Regional Polytechnic

[mali niŋ | mali mi di yibu sheena n-niŋ]

Takoradi Polytechnic daa nyela ban di Best Regional Polytechnic di yi kana Science and Education ka di nye Europe Business Assembly (EBA), n daa piiba ni bi di lala jaasheei ŋo.[11] Ŋun su EBA lahibali wuligibu, Anna Gorobets daa ti lahablali wuhi ni lala kpaŋmaŋ pini maa daa nyela din wuhiri karinzoŋ maa kpaŋmaŋa di yi kana wuhibu ni karimbu polo, bi vihisi , bi ni kuli lahi wuhiri tiŋduya baŋsim yaɣa , nti pahi bi soŋsim zaŋ kpa Ghana baŋsim bohimbu yaɣili lebigimsim polo.Lahabali maa daa lahi wuhiya ni karinzoŋ maa kpema nyela bini yen ti so kpaŋmaŋ pini.[12]

Best in Examination Ethics

[mali niŋ | mali mi di yibu sheena n-niŋ]

Yuuni 2012, Takoradi Polytechnic daa nyela Exam Ethics Marshals International (EEMI), (tuma duu din lihiri zahindi aadalichi zaŋ jendi karimbihi zahimbu polo), ni daa piigi sheba ni bani n gaŋdu di yi kana zahimbu aadalichi polo. Karinzoŋ maa kpema Reverend Professor Daniel Agyapong Nyarko, gba daa yela bini ti so kpaŋmaŋ pini Exam Ethics Master Marshal , zaŋ jendi o kpaŋmaŋa karimbihi zahimbu sheei.[13]

Takoradi Polytechnic nyela bini daa pu sheli ka di do tuuli polytechnicnima ni zaa Ghana, lala ŋo n daa pahi buyi bini kuli doni lala maa. ka di nyela duniya yaanga zuɣu ban puri karinzona Webomatics n daa pu lala pubu ŋo. Karinzoŋ ŋo daa nyela din daa lahi labi doni tuuli polytechnicnima ni Ghana yuuni 2012 ka daa doni buta gban sabila tingbana zaa, ka di nyela Auchi Polytechnic ni Yaba College of Technology zuɣu ka bi daa paya.

Yuun pihiyopoin chuɣu puhibu

[mali niŋ | mali mi di yibu sheena n-niŋ]

Takoradi Technical University (TTU) ban pili bi yuun pihiyopoin chuɣu puhibu silimin goli April 18, 2024, din daa wuhi ni bi yuun pihiyopoin n bala ka bi leri karimbihi baŋsim Ghana di bahi bahandi nuuni tuun baŋsim.[14][15] Chuɣu maa puhibu ni, bi daa zaŋ bi karinzoŋ nahingbaŋ n wuhi salo, ka di nyela bi karimbi kuro Prince Asamoah Williams n daa bom lala nahingbaŋ maa, din wuhiri karinzoŋ maa zoosim, baŋsim ni lebigimsim ʒileli ni. Karinzoŋ maa zuɣulana Rev. Prof. John Frank Eshun, daa wuhi karinzoŋ maa kpaŋmaŋa ni bi niyanima , ka daa lahi yeli ni nangbanyini kuli nyela din soŋ pam ka karinxoŋ maa ti paagi di ni paa sheli maa.[16]

  1. ↑ Polytechnics - GHPOLY. Retrieved 10 August 2011.
  2. ↑ TTU (en-US).
  3. ↑ TTU (en-US).
  4. ↑ emmakd (2024-02-24). Takoradi Technical University admits 7,244 new students (en-US).
  5. ↑ Parliament passes Technical University Bill. Retrieved 4 August 2016.
  6. 1 2 3 4 Historical Background And Current State - Takoradi Polytechnic.
  7. ↑ MOdernGhana (2013-07-19). ABL signs MoU with Takoradi Poly.
  8. ↑ ABL signs MOU with T'Poly - MyJoyOnline (en-US) (2013-07-18).
  9. ↑ graphic online (2013-07-18). ABL signs MoU with Takoradi Poly.
  10. 1 2 TTU wins National SLB PetroChallenge competition - MyJoyOnline (en-US) (2024-11-08).
  11. ↑ Takoradi Poly nominated as best regional polytechnic in Science and Education - MyJoyOnline (en-US) (2013-09-06).
  12. ↑ Dogbevi, Emmanuel (2013-09-09). European Business Assembly nominates Takoradi Poly for award (en-US).
  13. ↑ Dogbevi, Emmanuel (2013-06-30). Takoradi Poly receives award for upholding best exams ethics (en-US).
  14. ↑ TTU unveils 70th anniversary logo (en-US) (2023-11-21).
  15. ↑ GNPC Foundation joins TTU to launch 70th anniversary (en-US) (2024-04-22).
  16. ↑ Musah, Arafat (2024-04-18). Takoradi Technical University launches 70th anniversary celebration (en-US).
Di yila "https://dag.wikipedia.org/w/index.php?title=Takoradi_Technical_University&oldid=97106"