Presby Senior High School, Tamale

educational institution, high school, public institution, boarding school
Di pilli ni	2002
Tiŋa	Ghana
Din be shɛli polona	Tamale metropolitan
Dini be shɛli	Tamale

Presby bɛɛ Presbyterian Senior High School yɛla shikuru karimzɔŋ din bɛ Tamale^[1].

Di Taarihi[mali niŋ | mali mi di yibu sheena n-niŋ]

Presby bee Presbyterian senior school nyɛla shikuru shɛli din be Tamale. Di nyɛla shɛli din kpa yuuni 2002, kadi nyɛla bɛni booni choochi shɛli Co-operation of Presbyterian Church of Ghana la mini Oikonomous Foundation of the Netherlands sababiyanima ni puuni ka di kpa.

Yuuni 2000, lala Presbyterian Church of Ghana ŋɔ nti pahi Tamale Unity Congregation daa tum bɛ bakɔi waɣinli tunshɛli bɛni boli "revival service" la bɛ asɔri duu puuni. Rev. Thomas Boakye nti pahi Pasita so ŋun zani ti bɛ lala yaɣili maa n-daa nyɛla Mr. Chr. Hammik, ŋun yi "Dutch Reform Bookshop" din nyɛ din be Ankara la ni oti kɔhi Baabuli (Bible) mini nolini baŋsim kundu din nyɛ asɔri dini ntiba. Mr. Hammik daa lahi kpa "Oikonomous Foundation "din nyɛ asɔri ʒɛngama laɣingu din nyɛ din bori sɔŋsim ntiri tunshɛŋa ŋan tumdi asɔri duri puuni.^[2]

Lala Presbyterian church of Ghana ŋɔ nti pahi Tamale Unity choochi daa bi bo yɔm ni bɛ bɔhi n-bo sɔŋsim n-ti kariŋ bi kpamba shikuru. Yaha, bɛ yubu zanchaŋ bɛ suhigu daa bɛ niŋ yɔmyɔm dini daa leei ka bɛ laasabu maa daa galisi la zuɣu. Di saha ka bɛ daa gbaai ni bɛ tuui m-me Juniya Haai Shikuru kadi zani bɛ ni booni shikuru du kuri sheli la "dilapidated old school" la. Lala choochi shɛli dini pum boli la kpaŋ di maŋa n-zaŋ bɛ ni daa tiba sɔŋsim shɛŋa maa n-tum tuma ka yuli tuma maa ni di viɛnyalinga saha, kamani Oikonomous Foundation ni daa pun dihi ba tabili ni bɛ ni zaŋ bɛ nina n-kpa lala shikuru bihi kura la kariŋ zɔŋɔ mebu.^[3]

Disa ka bɛ dihi nuu ni laɣi shɛli zuɣu din laasabu yisi shiiri miliyɔŋ kɔbisi nahi ni pihi nii (₵480,000.000) ni di zaŋ m-me lala shikuru bihi kura kariŋ zɔŋɔ maa n-zali Tamale Presby J.S.S poloni.^[4]

Lala nim ŋɔ daa kpa laɣingu ni ninvuɣi shɛba ni bi pili shikuru maa yuuni 2002. Lala niri bi ŋɔ n-nyɛ ; Mr. Kwame Britwum, Chairman, Mr. John Ali, Secretary, Mr. Samuel Yeboah, Mr. Paul Ansong, Dr. Paul Aryee, Mr. William Sekyere, Treasurer, mini Mrs. Louisa Britwum. Bɛ daa lahi kpa laɣingu bihi shɛŋa n-niŋ laɣingɔ shɛli bɛ ni daa pun kpa la puuni. Lala laɣim bihi maa n-nyɛ ; Finance, Administration mini Academic laɣinsi.^[5]

Rev. Thomas Boakye, ŋun daa nyɛ P.C.G, Tamale Urban District mini Northern Presbytery nim zaa kpɛm ŋɔ daa nyɛla ŋun suhi karimba nim zaa kpɛma ni o ti lala shikuru ŋɔ. Rev. Stephen Alando nti pahi Northern Presbytery ʒii daambolo n-daa zaŋ shikuru maa toon' tali suhigu ŋɔ nti ti General Assembly Council of the Presbyterian church of Ghana. Choochi nim ŋɔ daa piigi Rev. Edith Osafo -Affum, ka o daa leei shikuru maa karimbanima zaa toon' daan' tuuli.^[6]

Shikuru ŋɔ daa nyɛla din yoogi bee m-pili ni nimɔhi pilibu silimiin goli Okutoba beɣu pishi ni ata, yuuni 2002 (23rd October, 2002). Dura ayi mini ofisi (office )daa nyɛla bɛ ni ti shɛba kadi nyɛla bɛ J.S.S. sababiya ni. Shikuru ŋɔ daa pili mi ni bihi pihinii ni anu (85 students ). Bɛ daa nyɛla dabba pihinu ni anu (55boys ) nti pahi paɣiba pihita (30girls) ni bɛ pili Genera Arts mini Business. Regional mini Municipal Directorate nti pahi Ghana Education Service daa nyɛla ban sɔŋba ni karimbanima ata nti pahi ninvuɣi yino ŋun gbubi HND ni bɛ ti wuhi shikuru ŋɔ ni.^[7]