Ibrahim Issaka Abukari
E-Class
Dr. Ibrahim Issaka Abukari nyɛla tabibi baŋda ka lahi nyɛ vihirovihiro (research fellow) n-zaŋ ti Western Sydney University.[1] O nyɛla Dagbana ka yi Dagbaŋ na.
Piligu[mali niŋ | mali mi di yibu sheena n-niŋ]
Bɛ dɔɣila Ibrahim Issaka Ankara ka o lee zooi Naya tingbani ni. O ba yi la Tinkurugu din miri Tampiŋ la ka o ma mi yi Dagbandabba fɔŋ din be Tamale la na. O ma ba n-daa nye Wurishe Naa Buɣili.
Ibrahim Issaka malila paɣa yino ni bi' yino ka lee wubisi bihi pam.
Shikuru baŋsim bɔbu[mali niŋ | mali mi di yibu sheena n-niŋ]
Issaka daa pilila shikuru Ankara. O daa paala karim duri ayi (P.2) ka daa labi Naya n-ti tuɣi o shikuru Balogu Primary School. O ni daa siɣisi nimaani ka daa lahi chaŋ Balogu Middle School n-ti naai 1967 yuuni. Karim duri ayi (Form 2) ka o daa be ka daa sabi "Common Entrance" n-daa di nasara ka bɛ tahi o Ghana College din be Tamale ka bɛ pa booni li Ghana Senior High (GHANASCO) la. O karim yaa daa dalim la tabibi (Pure Science) baŋsim polo GHANASCO maa.
O ni daa naai GHANASCO, o daa chaŋla Kwame Nkrumah University of Science and Technology din be Kumahi (Kumasi) la n-ti karim n-dee "Bsc. Physics" shahira gbaŋ.
1988 yuuni, bɛ daa gahi nuhi boli Issaka karimzɔŋ karili din be Silimiin' tiŋa ka di yuli booni Abideen University ni o ti niŋ o "masters" ka laɣ' pooli zuɣu daa che ka o daa bi tooi chaŋ. To amaa o daa ti bahi nya World Bank sɔŋsim n-daa chaŋ University of New Castle din be Australia la n-ti karim yuma ata ka dee o "masters" shahira gbaŋ.
Din nyaaŋa o daa lahi kpuɣi napɔŋ chaŋ Western Sydney University n-ti niŋ o PhD, baŋsim yaɣili din yuli booni Public Health la.[2][3]
Tuma[mali niŋ | mali mi di yibu sheena n-niŋ]
O nyɛla ŋun daa ŋmɛri bolli pam o ni daa chani shikuru, hali o namin ŋme n-ti RTU.
Dr. Ibrahim ni daa naai "university", o daa niŋla o "national service" GHANASCO n-daa wuhiri laasabu malibu (Maths) mini "Physics". O "national service" maa nyaaŋa o daa lahi chaŋla Saudia n-ti tum King Fahad University of Petroleum Minerals; o daa sɔŋdimi niŋdi vihisi (Research Assistant) lala university maa puuni, "Physics Department" ni. O daa tumi la nimaani yuma a shɛm ka kpuɣi napɔŋ labina Ghana n-ti wuhi shikuru shɛli be nyɔŋ polo ka bɛ booni li St. Mary's Secondary School, yuma ayɔbu(6).
Dr. Ibrahim ni daa naai o "masters" University of Newcastle o daa tumi la "engineering consultancy" tumadu' shɛli ni Silimiin-tiŋa maa kamani chira ashɛm pɔi ka naan tuɣi o PhD.
O ni daa naai o PhD bɛ daa kpuɣi o tuma lala "university" maa "School of Science and Health" ni ka o daa tum ni yuma ayɔbu ka che tuma (retired) ka labina Ghana.[3]
Dr. Ibrahim na kuli nyɛla vihirovihiro (research fellow) zaŋ ti Western Sydney University din be Australia la.[1][2][3] To amaa o lee kuli tumdi tirila Western Sydney University ŋɔ yɔli (ka bi deeri yɔri).[3]
Dr. Ibrahim lahi nyɛla ŋun niŋ vihigu n-yihi gbana (articles) pam na.[1][4][5]
Kundivihira[mali niŋ | mali mi di yibu sheena n-niŋ]
- ↑ 1.0 1.1 1.2 abukari ibrahim issaka (English). scholar.google.
- ↑ 2.0 2.1 Abukari Issaka Ibrahim (English). linkedin.com.
- ↑ 3.0 3.1 3.2 3.3 My Northern Achiever [S2E20] https://www.youtube.com/watch?v=3MTBB7AIZyo. Retrieved on 10th October, 2020.
- ↑ https://bmjopen.bmj.com/content/bmjopen/7/10/e014145.draft-revisions.pdf
- ↑ https://bmjopen.bmj.com/content/7/10/e014145