Ibrahim-Tanko Amidu

Diyila Dagbani Wikipedia
Ibrahim Tanko Amidu
Doɣam dabsili17 August 1970
Akwatia
TumaSTAR Ghana Foundation
AdiiniMusulinsi
BalliDagbamba

E-Class

Ibrahim-Tanko Amidu nyɛla zuɣulana (CEO) zaŋ ti Ʒe-N Gama Zuɣu Tumaduu (NGO) yuli booni STAR Ghana Foundation[1] nima. O lahi nyɛla tinsi lɛbiginsim baŋda.[2][3][4][5]

O nyɛla bɛ ni daa dɔɣi so silimiin' gɔli August, yuuni 1970. Bɛ ni daa dɔɣi o ka zaŋ yu' shɛli ti o nyɛla Ibrahim-Tanko ka o ba yuli lee booni Amidu ka o ma mi yuli booni Azara. O ba daa nyɛla piringa (Policeman) n-yi Pusiga na, ka daa mali paɣiba ata m-pahi Ibrahim-Tanko ma zuɣu paɣaba anahi.

Piligu mini Shikuru Baŋsim[mali niŋ | mali mi di yibu sheena n-niŋ]

Bɛ daa dɔɣila Ibrahim-Tanko Akwatia tingban' ni, Silimiin' gɔli August biɛɣu pia ni ayopɔi(17) dali. O daa pilila shikuru chandi la Takoradi ka daa tuɣi shikuru chandi Kpalugu. O daa chaŋla ninsarinsi shikuru (Secondry School) la Navrongo.

O daa lahi chaŋla University of Ghana n-daa ti karim baŋsim yaɣi' shɛli bɛni ka bɛ booni li "Bsc in Administration". Yuun' bihi sunsuuni ka o daa lahi labi n-daa ti niŋ o "Masters".[2][3][4]

Ibrahim-Tanko lahi mali shɛhira gbaŋ din jɛndi salinima biɛhigu tuma (Certificate in Human Resource Management), shɛhira gbaŋ din yi University of Ghana Business School la ni na. O lahi mali "Post-graduate Diploma in NGO Management" shahira gbaŋ ka di yi Arhus University of Architecture din be Denmark la.[3]

Daŋ[mali niŋ | mali mi di yibu sheena n-niŋ]

Ibrahim-Tanko Malila paɣa yino.

Tuma[mali niŋ | mali mi di yibu sheena n-niŋ]

Ŋuna n-nyɛ zuɣulan' zaŋ ti Ʒe-Ngama Zuɣu tumadu yuli booni STAR Ghana la. Poi ka o chaŋ STAR-Ghana ŋɔ, o tumla Ʒe-Ngama Zuɣu tumadu' shɛli bɛ ni booni VSO Ghana la. Ŋuna n-daa nyɛ di Ghana zaa zuɣulana (Country Director). O namin lahi nyɛ Tudu Yaɣili zuɣulana (Northern Ghana Program Director) n-ti Ʒe-Ngama Tumadu' shɛli din yuli nyɛ Care International.[2][3]

Pini Gahinda (Awards)[mali niŋ | mali mi di yibu sheena n-niŋ]

Ibrahim-Tanko daa nyɛla Institute of Directors Ghana nim ni daa ti so pin' gahindili (Honorary Fellow) pirimla o kpaŋmaŋ zaŋ chaŋ o tuma polo.[3][5]

Kundivihira[mali niŋ | mali mi di yibu sheena n-niŋ]

  1. Agboklu, George. STAR Ghana Foundation launches Citizenship Strategy to encourage citizen activism (en).
  2. 2.0 2.1 2.2 Ibrahim-Tanko Amidu conferred Honorary Fellow of the Institute of Directors Ghana (English). star-ghana.org (9 May 2019).
  3. 3.0 3.1 3.2 3.3 3.4 Ibrahim-Tanko Amidu (English). independent.academia.edu.
  4. 4.0 4.1 Past Corporate Executives in Residence (English). star-ghana.org (2016/2017).
  5. 5.0 5.1 Coffey’s Ibrahim-Tanko Amidu wins award for leadership in social accountability (English).