Ellen Rose Alemany
| Paɣa bee doo | Paɣa  |
|---|---|
| O ya Tiŋgbaŋ | America |
| Yumaŋli | Ellen |
| Daŋ yuli | Alemany |
| Doɣam dabsili | 27 Silimin gɔli December 1955 |
| Dɔɣim Tiŋa | New York |
| Tuma | banker |
| Ŋun kpuɣi o tuma | IBM |
| Shikuru shɛli o ni chaŋ | Fordham University, University of Bridgeport |
Ellen Rose Alemany nyɛla America daabiligu kpɛma. Ŋuni n-nyɛ daambolo ni kpɛma zaŋ ti CIT Group din pahi Banki kara pihinu din be United States maa. Alemany n-lahi nyɛ toondana, zaŋ ti CIT Banki, N. A[1]. Pɔi ka O daa kpe CIT, O daa nyɛla zuɣulana zaŋ ti RBS Americas, din daa n-nyɛ kpɛm n-lihiri Scotland Royal Banki daabiligu nima din be America zaa. Ŋun n-daa lahi nyɛ kpɛma n-zaŋ ti RBS Citizens Financial Group, Inc., RBS kparibɔɣu hali ka o daa che tuma silimiin' goli September, 2013[1].
Alemany daa bela CIT, Fidelity National Information Services, Operation HOPE, Inc., The Center for Discovery ni Partnership for New York City kpambi la ni. O daa pahi la ninvuɣu shɛba ban saɣisiri New York City kpambali ba zaŋ chaŋ Mayor Laɣiri nim maa dibu ni Board of Trustees zaŋ ti Conference Board[2].
Yuuni 2019, America Banki tuuntumdiba daa piila Alemany pubu din pahiri ayi zuɣu ni ŋun n-nyɛ paɣaba puuni Banki tuuntumdiba gɔnaate America zaa.[3]
O piligu ni shikuru baŋsim
[mali niŋ | mali mi di yibu sheena n-niŋ]Bɛ daa dɔɣi la Ellen Rose Alemany New York City tingbani. O ba ni o ma n-nyɛ William P. Luciani ni Lucy M. Luciani. O daa chaŋ la o bikura shikuru la Academy of Mount Saint Ursula High School din be Bronx, New York tingbani. O daa naai li yuuni 1973, Alemany daa chaŋ la University of Bridgeport n-ti niŋ yuma ata ka daa deei di shɛhira gbaŋ (Bachelor Degree in English Litiricha). Alemany daa go baŋsim zuɣu n-chaŋ Fordham University Graduate Shikuru of Business yuuni 1980[4] ka daa deei baŋsim yaɣili din jɛndi Laɣiri yɛltɔɣa (Finance) ka daa deei shɛhira gbaŋ din nyɛ daabiligu Master tali (Master's in Business Administration). O daa chaŋ mi n-ti naai Credit Training Program, Chase Manhattan Banki la ni yuuni 1981[5].
Yuuni 2011, Bryant University[6] daa ti o la Dɔkta tali.
O tuma
[mali niŋ | mali mi di yibu sheena n-niŋ]Citibank
[mali niŋ | mali mi di yibu sheena n-niŋ]Yuuni 1977 -1987, Alemany daa tumi dila Chase Banki. Yuuni 1987[7], o daa kpela Citibank ka daa deei kpamli bam kamani Commercial Business Group zuɣulana paa din kparibɔɣiri n-nyɛ CitiCapital, Commercial Markets Group ni Commercial Real Estate Group. O ni daa be Citibank, din daa n-nyɛ North America kɔmpeni din pahiri pubu buyi ban tiri "leasing" nima la, ŋuni n-daa nyɛ di zuɣulana.
Alemany daa di nama pam Citigroup's Global Corporate Bank puuni. Di shɛŋa n-nyɛ Customer Group Executive of North American Markets, Global Industry zuɣulana zaŋ ti Media and Communications, ni U.S. Industry zuɣulana zaŋ ti Consumer Products, pɔi ka be daa naan piigi o Citibank zuɣulana paa ni Customer Group Executive zaŋ ti Global Relationship Bank din be Europe la, London tingbani, yuuni 1999. O daa lan lԑbi chaamani ni zuɣulana zaŋ ti Citibank International plc, Citibank's European bank; Country Corporate Officer zaŋ ti United Kingdom; ka daa lan be Citibank toondaan nima, N.A.
CIT Group
[mali niŋ | mali mi di yibu sheena n-niŋ]Alemany daa daŋ mi n-che tuma ka daa lɛbi CIT Group toondana April 2016 ka daa lahi lɛbi Daambolo zaŋ ti May 2016. Alemany ni daa lɛbi toondana, o daa zaŋ la o zaɣa zaa n-niŋ kɔmpini maa laɣ' paŋbo ni ni laɣ' sɔŋbu laɣimbu. CIT daa dii kpuɣila o soli maa ka ti tooni hali ni wayyo.
Alemany jilima n-nyɛli hali ni zuŋɔ dɔmini o daa bo soya ka paɣaba pam daa nyɛ zaashee kara CIT puuni. Paɣaba ayi ko' n-daa be CIT toondaan nim maa ni Alemany ni daa deei di Daambolo tali maa. Saha bihi sunsuuni, zaŋ ti gbaai silimiin' goli September 2018, paɣaba anu zaa n-daa pun n-nyɛ toondaan tali m-pahi dabba ninvuɣ' pia zuɣu. Paɣaba maa daa nyɛ tuun' kara kamani kpɛma zaŋ ti tabibi ni kpɛma zaŋ ti laɣ' paŋbo ni di deebu nima. Pumpɔŋɔ, paɣaba yi pan vaai buta CIT tuuntumdibi ni.
O kpamli din pahi
[mali niŋ | mali mi di yibu sheena n-niŋ]Federal Advisory Council
[mali niŋ | mali mi di yibu sheena n-niŋ]Federal Advisory Council daa piila Alemany First District Representative ni bi saɣisiri be Federal Reserve System toondana nima. O daa niŋ la yuma ata kpamli ŋɔ ni.
Alemany daa lahi siɣi mi zani n-lԑbi laɣi' sɔŋda ni Kɔmitii nira n zaŋ ti Financial Services Roundtable, o daa lahi nyɛla kpɛma m pahi The Clearing House Payments Company kpambi maa ni. O daa lahi nyɛla kpɛma m pahi Depository Trust and Clearing Corporation ni The Equipment Leasing & Finance Association.
O ni be kpamli Shɛŋa ni
[mali niŋ | mali mi di yibu sheena n-niŋ]Alemany nyɛla kpɛma n-zaŋ ti Operation HOPE tum yuuni 2015. HOPE nyɛla ʒɛngama zuɣu laɣinsi la yini din kpuɣi niya ni di tuhi kari fara ka lahi kpiri biɛhisi din yɛn bo daabiligu nim din gahim n-ti sokam. Alemany kpaŋmaŋ ni o daa sɔŋsi ya ka be pili "Launch and Grow" din ku yɛn kpaŋsi paɣaba daabiligu ni bi toon-tibo.
Alemany lahi nyɛla Automatic Data Processing (ADP) kpɛma tum yuuni 2012. ADP pahi tuma du' zuɣu kara ban tiri daabiligu tuma duri yiko ka be sɔŋdi bi lahabaya pohim zuɣu sagbana puuni (internet cloud) zaŋ ti tuuntumdiba andunia zaa.
Alemany daa kpɛla CIT silimiin' goli January, 2014. CIT tumdila tuma din jɛndi Laɣiri yɛltɔɣa, laɣ' paŋda, laɣ' dibo saɣisigu zaŋ ti daabihi ni ban daabiligu na pɔra.
Yuuni 2014, Alemany daa pahila Fidelity National Information Services kpambi maa ni. FIS n-nyɛ andunia zaa toondaan nima ban tiri Banki ni laɣi yɔbu tabibi baŋsim.
Alemany mini Center for Discovery kpamba daa tum 2008. Yuuni 2002-2010, Alemany daa pahila kpamba zaŋ ti March of Dimes (NY Division)
O maŋmaŋa biɛhigu
[mali niŋ | mali mi di yibu sheena n-niŋ]Alemany yidan' n-nyɛ Joaquin "Jack" Alemany ka o mini o mali bihi ata. Bi bihi maa so yuli m-booni Jacqueline Alemany. Bihi ayi ban pahi maa n-nyɛ David ni Ellen Jr., ŋun n-nyɛ ŋmanalana maa.
Kpaŋmaŋa pina ni dariza doo pa nima
[mali niŋ | mali mi di yibu sheena n-niŋ]2007 - Bɛ daa piila Alemany m pahi Treasury and Risk's list din daa n-nyɛ 100 Most Influen-tial People in Finance (Bankers Redefining Their Role and Watching Their Backs).
2009 - Alemany yuli daa lahi pahi la Forbes Magazine la puuni din taachi daa nyɛ "One of the World's Most Powerful Women" bɛlima ni.
2011 - Ŋun n-daa lahi di Foreign Policy Association Corporate Social Responsibility Award.
2012 - Connecticut Women's Hall of Fame 2010 Honoree.
2012 - Alemany daa lahi deei la jilim' pariga Center for Discovery nim sani, ban daa nyɛ ʒɛngama zuɣu laɣinsi ban bɔri Alaafeei yɛltɔɣa ban daa bɔri bɛhisia shee n-tiri bihi ni ninkura ban nyɛ Naawuni Dahima pirinla o toondana tali zuɣu.
2013 - American Banker Lifetime Achievement kpaŋmaŋa pini. American Banker daa nyɛla Alemany kpaŋmaŋa, din zuɣu ka piigi o buwei (9) zuɣu n-zaŋ pahi bi yuuni kam piibu shɛli be ni daa booni "25 Most Powerful Women ban be Bank tuma nim ni".
2018 - Conference Board's Committee for Economic Development daa piila Alemany toondana ka daa ti o Peter G. Peterson kpaŋmaŋa pini
Kundivihira
[mali niŋ | mali mi di yibu sheena n-niŋ]- 1 2 https://www.sec.gov/Archives/edgar/data/1171825/000119312519097296/d680779ddef14a.htm#toc680779_7
- ↑ https://www.cit.com/about/us/our-leadership/ellen-alemany
- ↑ https://www.americanbanker.com/news/most-powerful-women-in-banking-2019-no-2-cit-groups-ellen-alemany
- ↑ Archive copy.
- ↑ https://www.finextra.com/news/announcement.aspx?pressreleaseid=7682
- ↑ Citizens Financial executive honored by magazine (English). The Day (October 09. 2011 12:01AM). Retrieved 12/05/2021.
- ↑ Ellen Alemany capitalizes on ‘around the corner, around the globe’ (English). www.bostonherald.com (01/03/2010). Retrieved 12/05/2021.