Duko

tiŋa, tiŋkpaŋa
Dunia yaɣili	Africa
Tiŋa	Ghana
Din be shɛli polona	Savulugu Municipal District
Wakati luɣili	UTC±00:00
Tiŋgbaŋ yaɣili calinli	9°33′46″N 0°49′57″W

E-Class

Duko nyɛla tiŋ' shɛli din be Savelugu Municipal Assembly, Northern Region, Ghana tingbani puuni.

Taarihi[mali niŋ | mali mi di yibu sheena n-niŋ]

Duko nyɛla Savelugu Na bia so ni daa pili tiŋ sheli. Lala nabia ŋɔ yuli n daa booni Diko. Tinkpamba yɛlya ni lala na bia maa daa nyɛla Naa ni yu so pam ka di zugu che ka o je din dam di o. Lala ŋɔ zuɤu daa che mi ka bia ŋɔ gba je puuni chandi ka o ma suhu daa bi yu lala. Di daa ti kɔŋ tim o ma sani ka o daa taagi dabsi shɛli nturi nabia ŋɔ o ni je kɔbu shɛm ka kari ti o n tahiri puuni ni o ti ko. Niŋsim daa bi paligi Naa gba suhu ka o daa yina n ti taagi n zabi nabia ŋɔ zuɤu n daa kahigili nti sokam ni o bi niŋ yɛda ni nabia maa ti pa chaŋ puuni ti ko. Ni maa ka so kam daa pili booni nabia ŋɔ "Di Ko". Lala hali ka o daa ti saɤi o zuɤu ka Naa daa che ka o labi Savelugu nudirigu polo n ti ʒini ka be zaŋ "Diko" nti lala tiŋ palli ŋɔ yuli. Anashaarasili ka bɛ zaŋ taɤi bolili "Duko" maa.

Tarisi[mali niŋ | mali mi di yibu sheena n-niŋ]

Duko nyɛla di yohi tarisi ni Yilonaayili nudirigu zuɤu, Kanshegu zaŋ kpa nu zaa polo, Nyoglo zaŋ kpa wuliŋluhili-nuzaa, Tamale International Airport zaŋ kpa wuliŋluhili-nudirigu polo, ka Tumahi mi be Wuliŋpuhili polo.