Ŋmantambo

Diyila Dagbani Wikipedia
Yiɣi chaŋ yaɣa shɛli Yiɣi chaŋ vihigu ni

Kpamba ban be yɛlikura tooni mi ni nira ku tooi yɛli Ŋmantambo ka bi yɛli Shitɔbu yɛltɔɣa dama bɛ daa nyɛla mabito Naa. Dimbɔŋɔ maa zuɣu ka kpamba yɛri ni Nanumba mini Dagbamba nyɛla ŋmani ni di bɔɣili maa. Saha shɛli Na Shitɔbu ni daa zaŋ Yani kparigu n-ti o Zuu Nyaɣisi, di daa bi niŋ Ŋmantambo nyaɣisim amaa ka o daa leei niŋ suɣulo. Dagbankpamba ni yɛri ni "Ʒim bela puli ni ka bɛ tiri mari" la zuɣu. Ni Shitɔbu daa zaŋ o nuu n-tiri ka yɛli ni Ŋmantambo ni o chami n-ti ʒini o nuu zuɣu n-su Kpunkpaamba mini Nawulinima ban daa be ni. Daliri maa daa nyɛmi ni Ŋmantambo ku tooi ʒini Nyaɣisi tingbani maa ni ka o su o. Naa Ŋmantambo daa shiri wum n-ti Shitɔbu ka daa yiɣisi ni o nyaaŋa lu soli.

Ŋmantambo ni daa ʒini shɛli maa daa mali tam pa ka o kuli kɔri nyari bindira viɛnyɛliŋga. O yi daa yi ko n-kpuɣi bindira o yihirila Naa Nyaɣisi mini Naa Shitɔbu bindira ka lee boli ŋa kabira mini kawambira ka kpamba zaŋ ŋa chaŋ n-ti ti ba.

Uyuni kam ka Ŋmantambo daa yi niŋdi lala, ka yuun' shɛli bindira ŋɔ daa na bi chaŋ ka Yani kpamba ʒiya n-guhirili.

Kundivihira[mali niŋ | mali mi di yibu sheena n-niŋ]