Yɛltɔɣataɣimalisi - Kpuŋ Naa

Diyila Dagbani Wikipedia

Kpuŋ Naa[mali niŋ | mali mi di yibu sheena n-niŋ]

Saa kuya ka doo taai duŋ.

Ka o ti chuu ka doo che kuŋ.

Dama sinsi ni ʒebahisi pali kom.

Ka doo nini pali tarigi gɔm.

Dama faashee ka o su kom.

Doo ni anyaŋgalashe.

Saa kom di pun biɛrila shee.

Bɛ na bɔm ŋun yɛn su li shee.

Di yi pa doo dede Kpuŋ Naa,

Ŋuni yaha?

Pɔmpi noya doori kom,

ka doo nyɛ yaɣi-yaɣi.

N ti fooi,

ka doo bahi lari wɔɣi-wɔɣi.

Mɔɣili bihim kom mari-mari,

Ka wɔɣirili mɔri-mɔri.

Ka mɔɣili ti vuui,

Ka wɔɣirili vuhi fuu.

Di yi pa doo dede Kpuŋ Naa,

Ŋuni yaha?

Kikaa wari daaya,

Ka ko'suli chaŋ Saafa.

Sanzali niŋ kirikiri,

A doo ŋun pali-pali ni.

Ko'kpɔɣu miiya gam-gam,

Ka doo baɣiya lari musi-musi.

Di yi pa doo dede Kpuŋ Naa,

Ŋuni yaha?

Kavuni!

N kuli zaŋ n nyɛvuli pa kom subu zuɣu?

Ka bɛ ti che ma sua ka di lim?

Ka bɛ ti ŋme ma malifa ka di kpe?

M bi nyali n gɔm ni.

Doo n-tiri a lahabali maa.

Di yi pa doo dede Kpuŋ Naa,

Ŋuni yaha?

Ka bɛ yɛli viɛlim?

Bo ka doo yiri viɛlim?

A yi ti wum viɛlim,

Paɣa n nyɛ viɛlim.

Doo ŋun tumi yaa,

Ka o bie.

Ka kuhim.

N ŋuhim.

N tɔm nyɔ.

Ka fiha.

Doo na kuli tiri a lahabali.

Di yi pa doo dede Kpuŋ Naa,

Ŋuni yaha?

M ba!

A dimaŋ' biɛɣu neeya.

A nam saɣila a ko.

Nɔm balim ka tiŋ' maai.[1]

Kundivihira[mali niŋ | mali mi di yibu sheena n-niŋ]