Yɛltɔɣataɣamalisi:Da'nyuri gonaate

Che soli ka dari mɔɣu

Bi ʒi kom ka laana

Ʒɛhiri ka ku lu

Chɛbisi yiŋa nyamm

Ka ku kuli nyamm

Ban chani ni naɣichiinsi

N-ti bilindi kuni ni ansarisi

Bihi ayaayaasinkeeke

Paɣaba salankpaŋ dibiga

Doobia Gumachuɣu blaa

A dimaŋa biɛɣu neeya

Nomi balim ka tiŋa maai

Yɛlimaŋli zaniya kɔŋ ŋun yɛri li

Nyini n-na bi lu koliba ni

Dundɔŋ mahi kpi kpi

Nyini n-na kpari tabili

Tiŋa mahi bomm

Nyini n-na ʒee gɔm

Nyini n-nya yɛltɔɣa m-bɔriti li ka kom

Saɣingu shee ka a yuli yi bi boli

A yaannima ni kpahi a gom ni

A yi ʒili daadam ʒili

ŋun suuri o kani

Di yi pa Naawuni

Daŋ ninchɔɣingu

Mani n-kpa n turi ni filiŋ

Doobia Binchɛra mali dali

A dimaŋa biɛɣu neeya

Nɔmi balim ka tiŋa maai

Haʒi chandi zaniya ka di puli

Dama nimaani a ku tooi kuli

Sampoa kpe a surigu ni

Nyini m-bala Dagapaɣa suɣuli ni

Ŋun kpe a gaɣili ni

O kpaai kpam n-niŋ buɣum ni

Bɛ luhiri a kura tibitibi

Ka a pilindi ba zilima bibibibi

Sabaayili doo taachi

ŋun luhi ma bi yi

Ni luhi so ŋuna, a yo karo

Kpukpariga chinchini

Ku tooi mili ku tooi gɔbi

Doobia Daabiliya

A dimaŋa biɛɣu neeya

Nɔmi balim ka tiŋa maai