Saeed Abubakari Zakaria

E-Class

O Piligu

Shaik Alhaji Imaam Saeed Abubakari Zakaria nyɛla Musulinsi baŋda ni toondana. O lahi nyɛla kpem' zaŋ ti Anbariya karimzɔŋ karili la, ni di yaɣayaɣa zaa din be Ghana pulini. O nyɛla bɛ ni daa dɔɣi so Gambaaga. O ba Abukari mini o ma Samata n-daa dɔɣi o. Tɔ amaa, ka Afa Anjura daa lee wumsi o.

Shikuru Baŋsim

Afa Saeed daa bi niŋ katari ni shikuru chandi amaa, ka lee dee Mahamadia karim baŋsim venyɛla. O pilila karim bohimbu Afa Anjura sani pɔi, ka naan kpuɣi napɔŋ chaŋ Laribu tingbani ni ( Kingdom of Saudi Arabia) 1970s n-daa ti karim yaligi o baŋsim. O daa deei shɛhira gbaŋ (BA in Islamic Law and M.A in Islamic theology)

O Biɛhigu

O ni daa naai o baŋsim bɔbu Yuuni 1985, o daa kpalimmi n-daa zaŋ o baŋsim maa n-wuhi niriba Madiina (KSA) tiŋgbani ni. Saudiya( Saudi Arabia) Gomnanti daa ti zaŋ o tahi Kanada(Canada) ni o ti ŋmaai nangbankpeeni, ka lee limam, ka lahi wuhiri Muslinnim' karim n-zaŋ ti ninvuɣ'shaba ban daa mali nangbankpeeni ni taba sahakam. O nimaani paabu daa ŋmanila lahaʒibu. O ni daa paai, o daa gahi nuu boli salo maa n-daa tooi laɣim lala niribi ŋɔ nangbanyini Musulinsi daadiini ŋɔ ni. O daa kuli gbibi ba yuuni 1997 hali ni 2007.

O Tuma

Yuuni 2004, (22 December, 2004) dini daa niŋ ka o daalifa ŋun daa nyɛ Ambariya toondani la ( Afa Anjura) daa kani, ka bɛ daa gahi nuu boli o ka o daa kuna n-daa ti tuɣi luɣishɛli o daalifa maa ni daa zani maa. O daa taɣi dee piiri shali bɛ ni daa pii maa ka daa labina Tamale n-daa ti dee lala talahi ŋɔ n-lee toondana ni kpɛma zaŋ ti Ambariya Muslinnima ni Ambariya yaɣa zaa Ghana puli n. Afa Saeed kamani ti ni kuli boli o shɛm maa, o malila paɣaba ayi ka mali bihi ayopɔi ban bɛ bi nyavuyani.