Radia Adama Saani
| Radia Adama Saani | |
|---|---|
| unknown value, unknown value | |
| O ya Tiŋgbaŋ | Ghana |
| Education | |
| Bala yɛlibu, sabbu bee buɣisibu | Silmiinsili |
| Tuma | |
| Tuma | chief executive officer (en)  |
Radia Adama Saani nyεla daabi kuɣinli ŋun be Dagbaŋ ka su tuma du' shɛli din yuli booni Moon Touch Travel Limited.[1][2][3][4]
Piligu
[mali niŋ | mali mi di yibu sheena n-niŋ]Bε daa dɔɣila Radia la yuuni 1987.[5] Gushɛɣu tingbani ni. O ba yili nyεla Wulehi, ka o ma yili mi nyε Gushegu. Amaa daliri n-daa niŋ ka o ba yi Wulehi n-chaŋ ti ʒini Gushɛɣu. Ni maani ka o daa nyε Radia Adama ma (Hajia Ayi Abukari) m-bo o ka o lεbi o paɣa. Radia Adama Saani ma yili polo, o yabidoo n-nyε Gushenaa Zakali ni Kariga Kɔrinaa Mahami. O ba yili polo mi, o nyεla Wulehi Limam yili bia. O ba n-daa nyε Sani Iddi, ŋuna n-daa nyε wulεhi polo jintɔra (former mp for Wulensi Constituency). Ŋuna n-daa lahi nyε fukumsi kpambal' paa zaŋ ti gɔmnanti tuma du' shɛli din su kom mini ya miɛbo tuma yaɣili (Deputy Minister for Water Resources Works and Housing). Yaha, ŋuna n-daa lahi nyɛ gɔmnanti fukumsi kpambala (District Chief Executive) n-zaŋ ti Bimbila piibu-piibu yaɣili.[6]
Biɛhigu
[mali niŋ | mali mi di yibu sheena n-niŋ]Radia Adama Saani nyɛla ŋun tuma mini o baŋsim bobu zuɣu che ka o go n-gili tinduya pam. Dizuɣu che ka o wumdi tinduya ni bala kamani Silimiinsili(English) Laribu (Arabic) n-ti pahi French.[3] Radia mali nimmohi pam o tuma polo. O dii ka zonim' pam.[6]
Shikuru Mini Tuma
[mali niŋ | mali mi di yibu sheena n-niŋ]Radia Adama Saani nyεla ŋun daa chaŋ primary shikuriti dibaata, lala shikuruti maa n-nyε; Tishigu Anglican primary shikuru, Gushegu L/A primary shikuru n-ti pahi Holly Child primary Shikuru din be Accra la.
Radia Adama Saani daa nyεla ŋun tuɣi o shikuru bɔhimbu chaŋ Universite Abdel-Malek Essaadi, din be Morocco tingbani ni n-ti bɔhim "Tourism" ka dee di "Diploma" mini "Degree" shahira gbana.[3] Di nyaaŋa ka o daa labi yiŋa na n-ti tum n-ti o tingbani yuun’ muni sunsuuni (national service scheme) yiɣirigu paaki din be Ankara ka bɛ booni li Ghana Airport Company Limited la.[3]
Dimbɔŋɔ nyaaŋa, Kenyan airline nima (Kenyan Airlines) daa nyεla ban kpuɣi o ni o tum bε sani. Radia daa lahi kpuɣi napɔŋ chaɳ Sheffield University din be Silimiin' tiŋa (UK) n-ti karim dee "Masters in Hospitality and Tourism Management" shahira gbaŋ.[1][3]
Saha ŋɔ, Radia Adama Saani n-nyε ŋun su Moontouch Travel Limited.[1][2][3][4]
Radia Adama Saani nyɛla ŋun mali yidana ni bi' yino.[6]
Kundivihira
[mali niŋ | mali mi di yibu sheena n-niŋ]- 1 2 3 https://www.graphic.com.gh/business/business-news/ghana-news-moontouch-ceo-to-moderate-8th-africa-students-youth-summit-in-morocco.htmlMoontouch ceo to moderate 8th africa students youth summit in Morocco. Retrieved December 16th, 2019.
- 1 2 https://thebftonline.com/11/06/2020/covid-19-presents-best-opportunity-for-a-ghanaian-national-airline-moontouch-ceo/
- 1 2 3 4 5 6 Kojo Fletcher. Moon Touch CEO to Host Africa Students Youth Summit. Retrieved 13/12/19.https://www.modernghana.com/news/973551/moon-touch-ceo-to-host-africa-students-youth-summi.html
- 1 2 Radia Adama Saani. COVID-19: An Opportunity for a Ghanaian National Airline- Moon Touch CEO. Retrieved 03/06/20.https://www.modernghana.com/news/1006686/covid-19-an-opportunity-for-a-ghanaian-national.html
- ↑ my northern achiever, a sagani TV program
- 1 2 3 https://www.youtube.com/watch?v=WHPXmjyv4L0&t=1645s