Naa Dataa Tuu
E-Class
Naa Dataa Tua nyɛla tu' titali m-be Naya(Yendi) mini tiŋa yuli booni Kuɣu sunsuuni. Zamani shɛli ha, Yani kpamba yi daa zilisi doo ka o laɣira bee m-bɔri Ndan Yaa Naa paɣa, bɛ yɛn zaŋ o mi chaŋ lala tua maa gbuni n ti ŋma o zuɣu.
Di yuli ŋɔ daliri[mali niŋ | mali mi di yibu sheena n-niŋ]
Naa dataa tua nyɛla ti' kurili din yuui pam. A yi chaŋ di gbuni, di malila tiyɔ' titali di zuɣusaa zaŋ ti siɣi di gbunni, ka kuɣ' titali do di gbuni.
Daliri din che ka bɛ ti booni tua ŋɔ naa dataa tua ka bo kuɣili din bi yoli ŋɔ n-sɔŋ di gbunni maa ni nyɛ shɛm m-bɔŋɔ. Yaa Naa daa yi ʒini Yani gbandi zuɣu, niriba tiri o la paɣiba. Napaɣiba gba daa yi kpe daa n ti nya paɣasaribil' viɛlli bɛ gbaari o mi kuli nti ti Naa, ka o gba leei napaɣa. Lala zuɣu daa min' che ka Yaa Naa mali paɣiba hali n ti miri kɔbiga. Bɛ galisim ŋɔ zuɣu daa min che ka dab' shɛba ban bi su bɛ tooni sɔɣiri bɔri napaɣiba maa. Bɛ daa yi ti gbaai so ka o bɔri napaɣa, bɛ zaŋdi o mi n-chaŋ lala tua maa gbuni n ti zaŋ o zuɣu pa kuɣ'titali maa zuɣu n-zaŋ sua che n-ŋmaai li. Bɛ daa yi ŋmaai zuɣu ŋɔ bɛ zaŋdi li mi m-bahi tua maa yɔɣu maa ni, di kpalimbu shee m-bala.