Godwin Nikoi Kotey
| Godwin Nikoi Kotey | |
|---|---|
| 1965 | |
| O ya Tiŋgbaŋ | Ghana |
| Kpibu shee | 2012 |
| Education | |
| Shikuru shɛli o ni chaŋ | Ghanatta Senior High School (en)  |
| Bala yɛlibu, sabbu bee buɣisibu | Silmiinsili |
| Tuma | |
| Tuma | sinii kpɛrikpɛrita ni kpɛrikpɛrita |
Godwin Nikoi Kotey (1965–2012) daa nyɛla Ghana kpɛrikpɛrita, sinii yaara, karachi, kpɛrigu sasabira, ni darato ŋun mali nuu tabisɔŋ pam zaŋ chaŋ sinii kpɛribu biɛhigu ŋɔ dubu ni lebigi polo.[1]
O ni daa pili shɛm
[mali niŋ | mali mi di yibu sheena n-niŋ]Godwin Kotey daa pili o nuuni baŋsim la Ghana talivisa puuni, din daa nyɛ luɣ'shɛli bɛ ni daa paɣiri o kpaŋmaŋa pam shɛli polo la. O daa pilila o tuuli tabi sɔŋ luɣ'shɛli polo bɛ ni boli Ghana Broadcasting Corporation’s production Anane - Alahiʒibisi chaŋ chirigi shɛli din daa niŋ la. Lala o tuuli kpaŋmaŋa ŋɔ daa nyɛla o ni daa zaŋ shɛli n nɔ n kpe diema ni yiɣijam tumu puuni ka di daa che ka o yirina talivi siniinima yaabunima puuni ka di daa ti che ka o kpalim n bɔhim kpɛrigu kpɛribu di puuni .[2]
Karachi tali
[mali niŋ | mali mi di yibu sheena n-niŋ]O daa chaŋla shikuru shɛŋa bɛ ni boli Tema Senior High School mini Ghanata Secondary School la. O ni daa nimaani o daa chaŋla shikuru shɛli din nyɛ bɛ ni boli shɛli University of Ghana ka tuɣi o bɔhimbu bɛ ni boli shɛli degree la puuni, ka daa lahi n tuɣi n niŋ bɛ ni boli shɛli masters la gba ti ni mi shɛli theatre arts la puuni ka daa naain paai yunivasiti shɛli bɛ ni boli University of Southern Illinois la ni n ti niŋ bɛ ni boli shɛli PhD la.[1][3]
O Karachi tali puuni sɔŋsim
[mali niŋ | mali mi di yibu sheena n-niŋ]Kotey daa kpaŋ o maŋa n sɔŋ shikuruti shɛŋa o ni daa chaŋ maa pam di bahi bahindi yunivasiti shɛli bɛ ni boli University of Ghana's School of Performing Arts la. Yuuni 1989 la puuni, o ni daa na nyɛ di shikuru bia saha shɛli la, o daa nyɛla ŋun darati kpɛrigu shɛli bɛ ni daa boli Witness for the Prosecution la, sinii shɛli ninvuɣ'galim ni daa paɣi shɛli yibuna dali ka di daa lahi nyɛla bɛ ni daa pii shɛli ka di zani n ti shikuru maa lala yuuni maa ni kpɛrigu. Lala tum'shɛli o ni daa kpaŋ o maŋa n tum ŋɔ daa nyɛla din sɔŋ n wuhi ni o mali daritatali baŋsim, dinbɔŋɔ nyɛla saha shɛli o ni ku tooi n kuli tam shɛli o Karachi tali puuni. Dinbɔŋɔ nyaaŋa ka o daa ti lebi karimba kpema lala shikuru maa puuni ka daa mali nimmɔhi pam ni o wumsi din dahinshɛli kpɛrikpɛritiba ŋɔ viɛyɛlinga n ti Ghana nima.[4][5]
Tuma
[mali niŋ | mali mi di yibu sheena n-niŋ]Godwin daa nyɛla karimba n be bɛ ni boli shikuru shɛli University of Ghana la puuni ka daa nyɛ ŋun wuhiba bɛ ni boli shɛli Performing Arts la. Bin din gbaai yuuni 1997 la mini yuuni 1997 la ni, o daa nyɛli ŋun darati bɛ ni boli talivisa teesa shɛli Smash TV la ni Taxi Driver la mi yuuni 1999 puuni. Yuuni 2008 la mi ni o daa nyɛla bɛ ni boli so creative director la ŋun yoori ka lahi yiɣisiri laɣingu n ti bɛ ni boli shɛba 2008 Africa Cup of Nationsla.[6]
O sɔŋsim kpɛrigu shee mini sinii puuni
[mali niŋ | mali mi di yibu sheena n-niŋ]Kotey daa mali kpaŋmaŋa kpɛrigu shee mini sinii puuni pam Ghana tingbani ni. O ni daa di nasara talivisa zuɣu n naai, o daa nyɛla ŋun daa pahi bɛ boli shɛba Abibigromma nima la zuɣu, ban nyɛ the University of Ghana's resident theatre company la ni n bɔhim o nuuni baŋsim. O ni tum tum'shɛŋa siniinima puuni shɛŋa n-nyɛ yuli shɛŋa ŋan be polo ni kamani pirim'kpema, Sodom mini Gomorrah, n ti pahi I Sing of a Well. O ni daa zaŋ o darata tali n kpehi binpala shɛŋa sinii ni n-nyɛ, Scent of Danger, din daa nya daa pam, din sababi daa che ka o di pin'gahindili luɣ'shɛli bɛ ni boli African Film Festival (FESPACO) din daa niŋ Burkina Faso tiŋa puuni yuuni 2001 la ni, ka daa ti lahi bahi n duhi o yuli n chaŋ bɛ boli so talented filmmaker la.[7]
Filmography
[mali niŋ | mali mi di yibu sheena n-niŋ]O siniinima.[8]
- Police Officer
- I Sing of A Well
- Taxi Driver
- The Scent of Danger
- Etuo Etu Bare
- Sodom and Gomorrah
- Shoe Shine Boy
Pina
[mali niŋ | mali mi di yibu sheena n-niŋ]- O daa nyɛla ŋun di pini o sinii ŋɔ ni, The Scent of Danger bɛ ni boli shɛba African Film Festival nima la sani Burkina Faso tiŋa ni – FESPACO yuuni 2001 la puuni.[3]
- Yaha, o daa nyɛla ŋun di pin'gahindili o TV series Taxi Driver la puuni.
Falli mini o biɛhigu ni daa chaŋ shɛm
[mali niŋ | mali mi di yibu sheena n-niŋ]Kotey kpaŋmaŋa daa nyɛla din yi o sinii puuni mini kpɛrigu kpɛribu shee n du ga. Ŋuna n daa lahi nyɛ ŋun mali darata tali baŋsim n yoori ka yiɣisiri yuuni 2008 la kaɣinsi n ti African Cup of Nations nima ban daa be Ghana la, luɣ'shɛli polo o ni daa wuhi o baŋsim balibu balibu. O tuma nyɛla ti ni teeri shɛli yɛla ka din nyɛ o ni zaŋ o nuuni baŋsim mini Karachi tali n zaŋ dolisi niriba pam kpɛrigu puuni. Kotey daa na nyɛla ŋun daa na kuli n tabiri n sɔŋdi kpɛrigu hali ka n ti daa kani yuuni 2012 la ni. Ka daa che tuma shɛli ti ni ku tooi n tam la bahi.[9][10]
O kum
[mali niŋ | mali mi di yibu sheena n-niŋ]Dɔro shɛli bɛ ni boli cancer - leukemia la n daa nyɛ o ni daa zaŋ shɛli n chabisa dunia saha shɛli bɛ ni daa bo tibu n ti o United States n naai.[11]
Kundivihira
[mali niŋ | mali mi di yibu sheena n-niŋ]- ↑ 1.0 1.1 Godwin Nikoi Kotey (1965-2012) - Find A Grave... (en).
- ↑ Take A Bow Godwin Kotey (2012).
- ↑ 3.0 3.1 Actor Godwin Kotey laid to rest (en).
- ↑ Take A Bow Godwin Kotey (2012).
- ↑ Ghanaian Actor Godwin Kotey is Dead (2012).
- ↑ Online, Peace FM. Ghanaian Actor And Producer Godwin Kotey Is Dead.
- ↑ Ghanaian Actor Godwin Kotey is Dead (2012).
- ↑ Godwin Kotey (en-US).
- ↑ Ghanaian Actor Godwin Kotey is Dead (2012).
- ↑ Take A Bow Godwin Kotey (2012).
- ↑ Ghanaian actor Godwin Kotey is dead (en-US) (2012-03-06).