Garissa University College

Garissa University College

university college, university

Pahi la	Moi University
Di pilli ni	2011
Tiŋa	Kenya
Din be shɛli polona	Garissa
Tiŋgbaŋ yaɣili calinli	0°26′56″S 39°39′43″E
Lahabaya dundɔŋ din mali dihitabili	http://www.guc.ac.ke

Garissa University nyɛla tiŋgbani maa univɛrsiti din be Garissa, Kenya. Tiŋgbani zuɣulan Uhuru Muigai Kenyatta daa ti uniɛrsiti maa "charter" silimiin goli October biɛɣ'pishi ni ata dali yuuni 2017.

Taarihi

Garissa University nyɛla bɛ ni daa piligi shɛli yuuni 2011 ka daa nyɛ collagɛ zaŋ n-ti Moi University, di daa be la Garissa Teachers Training College ni daa na be.

Shikuru maa karimbu shee nyɛla bɛ ni daa piligi shɛli yuuni 1996, ka daa na nyɛ bɔhimbu shee zaŋ n-ti teacher training college kurili. Di nyaaŋa di daa nya karimba nima yuuni 2006.

Din daa nyɛ tuuli mini kɔŋko public post-secondary shikuru bɛ ni saɣi n-ti ni di niŋdi univɛrsiti degree bɔhimbu yaɣa North Eastern Province. Shikuru maa nyɛla din mali bɔhimbu yaɣa din jandi shikuru zaŋ n-ti baŋsim bobu, information science n-ti pahi arts and social sciences.

Tiŋgbani zuɣulan Uhuru Kenyatta nyɛla ŋun daa ti Garissa University "Charter" silimiin goli October yuuni 2017.

Vice-Chancellor zaŋ n-ti univɛrsiti ŋɔ nyɛ Prof. Ahmed Warfa, Deputy Vice-Chancellor Principal (Finance & Administration) nyɛ Prof. Nganga Stephen Irura n-ti pahi Deputy Vice-Chancellor (Academics) nyɛ Prof. Hussein A. Golicha. Univɛrsiti maa nyɛla din mali karimba nima ban kalinli yiɣisi pisopɔin ni anu.

2015 attack

Main article: Garissa University College attack

Silimiin goli April dabaa ayi dali yuuni 2015, malifa ŋmɛriba nyɛ ban daa ŋmɛ Garissa University ka daa ku shikuru bihi ban kalinli yiɣisi kɔbigi ni pihinahi ni anii ka niriba pihinii yini ka bee ban daa gari lala kalinli ŋɔ daa nya daŋsi. Ninvuɣ shɛba daa liri shikuru ŋɔ nyɛla bɛ ni daa mali dihitabili ni bɛ yina la Al-Shabaab ka di daliri nyɛla din niŋ ka shikuru maa daa kpaɣiri shikuru bihi niŋdi shikuru maa ka bɛ zaa so pa musulimi shikuru bihi amaa ka shikuru maa be musulim nima tiŋgbani ni. Lala niriba nyɛla ban daa kpaɣi Dolodolo shikuru bihi amaa ka daa chɛri shikuru bihi shɛba ban nyɛ musulim nima. Dabisili din daa doli na maa, tiŋgbani maa mini lala yaɣili maa toondan nima nyɛla ban daa yina n-ti yɛli ni bɛ na chɛli wuhibu mini bɔhimbu shikuru ŋɔ ni ka bɛ niŋ vihigu ni lala liribu maa. Lora nima nyɛla bɛ ni daa bo ni bɛ labisi shikuru bihi maa bɛ tiŋsi ni amaa shikuru bihi maa pam nyɛla ban daa yɛli ni bɛ ku lahi labina univɛrsiti maa ni.

Shikuru bihi ban kalinli yiɣisi kamani kɔbisiyobu ni pihinu zaŋ n-ti univɛrsiti ŋɔ nyɛla bɛ ni daa zaŋ pahi Moi University shikuru din be Eldoret. Jacob Kaimenyi, Kenya shikuru baŋsim bobu gbaŋ sabira nyɛla ŋun daa kpaŋsi shikuru bihi ni bɛ labina Garissa shikuru ŋɔ ni din daa niŋ ka bɛ daa labi yo li silimiin goli May dabaa anu dali yuuni 2015 ka daa m-bo ban yɛn guli ba. Shikuru bihi pam nyɛla ban daa zaɣisi ni bɛ ku lahi labina. Governor zaŋ n-ti Homa Bay County, Cyprian Awiti nyɛla ŋun daa yɛli ni o yɛn ti la KSh. Tɛmplet:Shilingi shikuru bihi pinaayobu ban daa bi kpi ŋɔ pina din yɛn chɛ ka bɛ tam din daa niŋ maa ka labi shikuru Eldoret.

External links

• Garissa University College Website
• Website of the former Garissa Teachers Training College Archived 2021-04-17 at the Wayback Machine

Tɛmplet:Kenya-university-stub