Gambee yibu (Tomo)

E-Class

Gambee yibu nyɛla din nyɛ Dagbamba kaya ni taada ni zaɣi yini shɛli ti ni ku tooi tam di yɛla Dagbaŋ. Ti yi yɛli ni kaya ni taada, ti yɛrila ti yaanima ni daa be biɛh’ shɛli ni ka zaŋ li ti bɛ yaansi hali ka di ti paai ti na. Gambee yibu nyɛla Dagbamba kaya ni taada la ni zaɣ’ yini shɛli ti ni ku tooi zaŋ bahi bee n-zo ka che shɛli. Saha taɣiya ka niriba pam bi lahi mi pakoli gambee yibu ni daa nyɛ shɛm ballee ti bi’ pola ŋɔ.

Kpamba wuhiya ni ʒɛmana ni taɣiri ka adiini balibu kpɛrina la zuɣu pa chɛmi ka pakoli gambee yibu dii bi lahi yɔli. Bɛ yɛliya ni Dagbamba pam nyɛla ban pa doli Musulinsi mini Dolodolo soli ka ŋɔ zuɣu che ka bihi pam bi mi gambee yibu ni nyɛ shɛli Dagbaŋ.