Anabi Mohammadu Yiɣisibuna

Anabi Mohammadu ( tiligimisim ni naani bɛ o zugu ) daa nyɛla pɛkpara. O daa gulila o yiŋ nim binkobiri hali ni yili shaŋa gba, domi o daa mali la hali shɛli salo pam ni saɣi ti. Ti toondana mohammadu daa nyɛla ŋun gbubi yɛlimaɣli, ka salo zaa niŋ yɛrida ni ŋuna. O daa mali bɛhasuma kamani yɛlimaɣli, suhidoo ni nambo zobo ni salinima. Lala behisuma ŋɔ n chɛ ka daadama nim daa niŋ naani ni ŋuna hali ti zaŋ bɛ binkobiri gulibu niŋ o gulibu ni maa.

O Biɛhigu

Hali o behisuŋ ŋɔ zugu bɛ daa pa o la yupaa n booni o ni " Al- Amen" kadi gbuni nyɛ yerida nira. O daa mali nambo zobo ni jilima n zaŋ chaŋ so kam sani. Saha kam o daa kuli bobi la o maŋa ni tiha din chɛ ka bunidaanima ni yaanima nahin di faranima ni naanidaabi tingbani yaangi zugu.

Ti toondana ŋɔ ni daa ti paagi yuuni pishi o daa borila so shɛŋa din yɛn n chɛ ka vɛbobo mini zoolinsi zaŋ chɛŋ ninvuŋ gbarima ŋɔ sani yiŋ ka furi tingbani yaangi zugu. Ti toondana Anabi mohammadu ( tiligimisim ni naani bɛ o zugu ) zahinli daa niŋ yɛlimaɣli ka dama bɛ daa kpa laɣa shɛli bini daa boli " Hilf - alfudul" ka bɛ niiya nyɛla bɛ tuhi n kari mushiiba ni zoolinsi shɛli bunidaanima ni yaanima ŋɔ ni mali n nahindi faranima ni nandaanima tingbani yaangi zugu. Makka dundo kara kamani Quraish, Umayyad ni Banu Tamin n daa zaŋ bɛ kpalaŋ zuya n ga taba n kpali.

Bɛ daa kpuɣi ti toondana ŋɔ gba n niŋ lala laŋ shɛli din kana n-ti pali o niiya ŋɔ ni, laŋ n gu ŋɔ niribi zaa daa kpuɣila alikawali ni bɛni tumi bɛ yaa ni bɛ baɣsim tariga ŋa n yɛn chɛ ka laŋan gi ŋɔ nyɛ nasara ni niiya shɛli zugu bɛ ni kpali. Anabi mohammadu ( tiligimisim ni naani be o zugu ) daa kpaŋ o maŋa laɣi gi ŋɔ ni ka salo zaa saŋ tili,ka laŋ gi ŋɔ daa tumi n nyɛ nasara ni daliri shɛli zugu bɛni kpali.