Alaafee n-nye baŋsim

E-Class

Dahinshɛli karimba daa yɛli o karimbihi ni bɛ paagi o bolli paaki ni na ka bɛ diɛm diɛma. Wuntaŋ na bi bii amaa ka luɣilikam tula. Bihi maa baɣa ka tulim maa ni. Bɛ suhu paligiya ka bɛ pili guuri ginda ka yiɣiri jɛmda. Di saha ka bɛ karimba yɛli, "Bihi, zuŋɔ ti yen diemila diema ayi. Yi shɛba yɛn ŋmɛla bolli". Bihi maa shɛba niŋ'daa ŋmɛrimi ni bɛ piligi bolli maa ŋmɛbu. Karimba maa ŋun yeli, "Bihi! Ban bɔri ni bɛ ŋmɛ bolli ni tooi pili pumpɔŋɔ. Ban mí bɔri ni bɛ ŋmɛ nuu ni bolli kpalimmi n sani." Bidibisi mini bipuɣinsi maa zaa wum diɛma maa nyaɣ'sim. Bidibisi ayi ban baɣa daa ka diɛma maa ni ka bɛ chaŋ n ti sɔɣi mɔri ni m-bori moonsi Karimba ŋun boli ba ka yɛli," Bihi! Pahimi Ya yi taba maa ni n-diɛm! Shikuru nyɛla baŋsim bobu shee, amaa Di lahi nyɛla koba kpaŋsibu shee. Di tuya ka yi kpaŋsi yi daa alaafee ka Di kpaŋsi yi tiɛha. Bihi, kami Ya na ka ti zaa laɣim diɛm!".