Adaeze Atuegwu

Diyila Dagbani Wikipedia
Adaeze Atuegwu
Silimin gɔli June 5, 1977 (run 46)
O ya TiŋgbaŋAmerica
Tuma
Tumanovelist (en) Translate ni writer (en) Translate

Adaeze Ifeoma Atuegwu nyɛla ninvuɣi so bɛ ni dɔɣi nashaara goli June daba anu, yuuni 1977. O nyɛla Nigeria mini America lahibali sasabira ŋun tuma puuni shɛŋa nyɛ yɛltɔɣinamdi waɣila, bihi diɛma yɛltɔɣa ni kpɛrigu. O pun sabila buku dibaanu sahashɛli o ni mali yuunpia ni ayopɔin ka di zuɣu che ka o pahi Nigeria sasabiriba ban kpaŋdi bɛ maŋa pam yɛltɔɣa sabbu polo.

O ni Yisina shɛm ni O Daŋ[mali niŋ | mali mi di yibu sheena n-niŋ]

By daa dɔɣi Atuegwu la Enugu, Nigeria. O ba n daa nyɛ Prince Chris Atuegwu, Nnofo nam Dundolini tiŋ yuli booni Nnewi, ka o tuma daa lee be ashibiti ni tima taribu yaɣili amaa ka o daa lan nyɛ ŋun nuu teeri pam. O ma mi n-daa nyɛ Lady Ifeoma Atuegwu ka o gba yina Nnewi, Anambra State. O gba daa tumdila ashibiti ni kamani o yidan' maa ni tumdi shɛli maa. Lady Ifeoma n-daa kpa Bina Foundation ka daa lan nyɛ ŋun di yuuni 2017 Margarette Golding Award International Inner Wheel ni daa zali la. Atuegwu daa na guhirila o WASSCE results shehiragbaŋ ka zaŋ lala wakati maa sabi o tuuli salinli bukusheli o ni daa boli Fate la o ni daa mali yuumpia ni ayopɔin.

O Shikuru Chɛndi[mali niŋ | mali mi di yibu sheena n-niŋ]

Atuegwu naala o primary mini o secondary shikuru la o ya tingbani ni, Enugu. Ni ka o daa deei kpaŋmaŋ pina pam dingbaai karimbu kpaŋmaŋ pina ni shikuru maa puuni biɛhigu kpaŋmaŋ pina (din pa karimbu dini). O ni daa be secondary school, o daa nyɛla sasabira ni maliniŋ wuhi salo zaŋti bɛ shikuru maa sabbu laɣingu shɛli bɛ ni daa booni "Honour" la. O daa karim la ashibiti tima yɛltɔɣa Nigeria shikuru shɛli bɛni daa booni Nsukka la shikuru chɛndi pubu pubu puuni zaɣiyini ko. Ŋɔ maa nyaanga, ka o daa bo soli chaŋ United States n-ti kpe Rutgers University n-ti lan tuɣi o karim maa. Ni ka o daa deei o Bachelor shɛhiragbaŋ n'lan doli nyaanga deei PhD di puuni, yuuni 2002. O ni daa be university shikuru ŋɔ ni, o daa nyɛla ŋun tɔhiri pam sabbu maa puuni ka daa lan nyɛ ŋun labiri yuuna ka maana n-niŋda bɛ yuuni maa kundu shɛli bɛni sabi n-ti bɛ maŋa. Yuuni 2003, o daa deei o masters degree sabbu maa puuni la Johns Hopkins University. Yuuni 2014 ka o daa lan deei o masters degree ashibiti tima yaɣila polo University of Florida puuni. P daa lan mali shɛhira gbaŋ American Medical Writers Association (AMWA).

O Sabbu Piibu[mali niŋ | mali mi di yibu sheena n-niŋ]

1994 yuuni ka doo yuli booni Arthur Nkwankwo ŋun daa kpa nashaaranima ni boli shɛli Fourth Dimension Publishing Company daa zaŋ Atuegwu kundu shɛli o ni daa tuui sabi ka boli li Fate la n-wuhi salo. Di daa bi yuui ka B-Teks gba laɣingu la gba daa zaŋ o kundu dimpahiri ayi la, Tears, n-wuhi salo. Chira anii sunsuuni, bɛ daa zaŋ kundu pia ni anu dimpahi maa n-wuhi salo. Ŋa puuni shɛŋa n-daa nyɛ The Magic Leaf, My Husband's Mistress, Adventures of Nnanna, Chalet 9, Bina and The Birthday Cake, Bina and The Sailboat, Bina at The Beach, Bina at The Supermarket, Bina at The Airport, Lizzy's First Year at School, Lizzy's Second Year at School and Lizzy's Third Year at School (1995 yuuni ka bɛ daa zaŋ bukunim' ŋɔ zaa wuhi salo). July 28, 1995, ʒia dimbara daa ʒiniya n-zaŋ ti Atuegwu. Ʒia ŋɔ puuni ka paɣ' tibsili zaŋ ti Enugu State ŋun nam daa na yoli kpaai, Mrs Olusola Torey, ŋun yidan daa nyɛ Colonel Mike Torey la daa buɣisi Atuegwu m-boli o "child prodigy". May 31, 1996, Atuegwu bukunim maa zaa daa nyɛla bɛ ni zaŋ shɛli n-kpɛhi daa ka di taachi nyɛ "17 books at 17". Laɣingu ŋɔ puuni, minister kuro zaŋti tabibi tabibi yaɣili, Jilimalan' Sam Momah, gba daa ti paɣisarili ŋɔ yuli ni "Literary Genius and a Gift to Nigeria". Atuegwu bukunim maa daa kpɛla shikuriti ka bɛ mali li kuri bɛ bukaata kam.

O Maŋa Ku n-ti Niriba ni o sɔŋsim zaŋ ti ba[mali niŋ | mali mi di yibu sheena n-niŋ]

Atuegwu nyɛla yee n-zaŋ ti nandaamba dingbaai kamani zoomba, bee bandii bi nyara, ka di nyɛla o ni pahi Bina Foundatio, laɣiŋgu din ka nyɔri Enugu la zuɣu. O buku shɛŋa nintarimba ni mali bukaata ni shɛli ka ni tooi karim ŋa daa nyɛla bɛni piri shɛŋa n-ti nintarimba shikuriti ni bɛ ti zaŋ niŋ anfaani. O biɛhigu ni Bina Foundation ŋɔ daa lan ti o soli ka o nyɛ soŋda n-zaŋ ti bambi za bɛ nabaayi zuɣu ka ku tooi kpɛ diɛma ni yiɣijɛm puuni, kamani zoombi bolli ni. Yuuni 2002, o daa lan bela ninvuɣ'shɛba ban zani jinamu n-ti Nigeria nintarimba bolli laɣiŋgu la (Nigeria's Star Eagles) ni bɛ chaŋ Morocco ti kpaɣiri International Blind Sports Federation (IBSA), Blind Football African Championships shɛli bɛ ni daa zali Morocco tiŋ yuli booni Bouznika la, September 14 to 26, 2022.

O biɛhigu[mali niŋ | mali mi di yibu sheena n-niŋ]

Atuegwu zoola Enugu, Nigeria ka daa lee labi New Jersey yuuni 1996. Sahaŋɔ, o mini o daŋ bela Washington D.C.

Soŋsim ni o taba

Atuegwu yɛlpiɛra puuni, o daa pie buku dibaanu shɛŋa din yɛri bidibiga ŋun nyɛ barina tumda yɛla ka daa boli zaŋ o tuzodoo yuli boli lala salinli maa, dina.n-nyɛ Obinna. Lala buku ŋɔ daa bo ninyambo pam n niŋ Nigeria bihi biɛhigu ni. Buku sheli gba daa sɔŋ bubili bɛ biɛhiguni. Dina mi n-nyɛ Bina Haircut.

Sasabiriba[mali niŋ | mali mi di yibu sheena n-niŋ]

2019 yuuni, sabsabiri so ŋun mini Atuegwu gbɛri na ʒin kpa taba, Ever Obi, daa nyɛla ŋun niŋ tintiɣili mini ninyambo zaŋ chaŋ Atuegwu ni daa mali yuunsheli ka sabi o tuuli buku maa. Dinzuɣu, o daa yihila buku na din jɛndi Atuegwu n-yɛra, "Adaeze Atuegwu ni bala maa.....ŋun tuma mini o sabbu ni n ni nya m bilimni toosim ni ninyambo."

Pina[mali niŋ | mali mi di yibu sheena n-niŋ]

1993: World Health Day, Sabi nyaŋ taba (Nigeria)

1994: Rotary International Award, o yɛltɔɣinamda zuɣu

1995: Rotary International Award, o kpaŋmaŋa zanchaŋ bihi lɛbigibu(zoobu) polo.

1996: Rotary International Award, o chirichi sabbu puuni.

1996: Rotary International Award, o tɛhizilima ni yɛltɔɣa nambu zuɣu.

Selected Biographies[mali niŋ | mali mi di yibu sheena n-niŋ]

* Fate, Enugu: Fourth Dimensions Publishers, 1994, ISBN 9781563982; Cika Publishers, 1994,  ISBN 9782966843

* Tears, Enugu: B-Teks Publishers, 1994, ISBN 978290404X; Cika Publishers, 1994,  ISBN 9782966606

* Adventures of Nnanna, Enugu: Cika Publishers, 1995, ISBN 9783352911

* Chalet 9, Enugu: Cika Publishers, 1995, ISBN 9783352903

* My Husband's Mistress, Enugu: Cika Publishers, 1995, ISBN 9783352938

* The Magic Leaf, Enugu: Cika Publishers, 1995, ISBN 978335292X

* Bina and the Birthday Cake: Enugu: Cika Publishers, 1995, ISBN 9783352946; ISBN 9782904058

* Bina and the Sailboat, Enugu: Cika Publishers, 1995, ISBN 9783352989; ISBN 9782904066

* Bina at the Beach, Enugu: Cika Publishers, 1995, ISBN 9789952962; ISBN 9782904074

* Bina at the Supermarket, Enugu: Cika Publishers, 1995, ISBN 9783352970; ISBN 9782904082

* Bina at the Airport, Enugu: Cika Publishers, 1995, ISBN 9783352954; ISBN 9782904090

* Lizzy's First Year at School, Enugu: Cika Publishers, 1995, ISBN 9783352997

* Lizzy's Second Year at School, Enugu: Cika Publishers, 1995, ISBN 9782966126

* Lizzy's Third Year at School, Enugu, Cika Publishers, 1995, ISBN 9782996363




Kundivihira[mali niŋ | mali mi di yibu sheena n-niŋ]