Tolin-Naa kali Tuma ni nyɛ shɛli

E-Class

Naa yaba Tolin-Naa kali tuma chaŋmi nti lu n-zahim Zanduu-Naa kali tuma ni nyɛ shɛli, dama Zanduu-naa bia n-nyɛ Tolin-Naa. Dinzuɣu,Tolin-Naa gba kali tuma kuli nyɛla Wun' yuɣiri kpana wuhibu. Naa yaba Tɔluŋ-naa n-zaŋdi wun'yuɣiri kpana n-ti wuhi N dana Yaan na'palo so bɛ ni yoli gbaai maa ka o po pɔri niŋ li.

Vihigu wuhiya ni lala Wun’yuɣiri kpana maa diba ayi bela Naya (Yendi), ka diba ayi gba be Toluŋ ka Toluŋ-naa leei nyɛ Yɔɣu kpeen’so ŋun su di zaa yiko ni di tuma, nti tabili di maalibu zuɣu gba.

Naa yaba Toluŋ-naa yi kuli  zaŋ Wun’yuɣiri kpana maa zaŋ kpe  N dana Yaan Naa kuli, n yi biɛɣu n-zaŋ li ti ka bɛ zaŋ wuhi  Yaan’na palo maa ka o po pɔri niŋ li naai, ŋun gba kali tuma naami maa.

Lunsi tooi salindi Toluŋ-naa ni “ Wun’yuɣiri-naa, Naa Gbewaa tɔbu mia-lana, Naa Gbewaa kpana-lana”