Test kit

Diyila Dagbani Wikipedia
Yiɣi chaŋ yaɣa shɛli Yiɣi chaŋ vihigu ni

E-Class

Binzahindigu (Test kit) nyεla bin’ shεli din mali zahindi baŋdi bin’ shεŋa bee binyεra yaɣa pam puuni, kamani;

Bin’ zahindigu din zahindi baŋdi doro biεhigu ni di nahingbana (Medical diagnosis). Bε tooi booni li la zahimbu bee vihibu. Zahimbu ŋɔ ni bɔri shεli nyεla di vihi baŋ ŋun bɔri alaafee maa yεlikura ni o ningbuna ni zahimbu. Saha pam puuni, zahimbu yim bee din gari yim soya m-beni, kamani “ medical test” ni “ posthumous diagnosis”. Alaafee zahimbu tooi nyɛla din yεla to, dama dɔr’shεŋa pam beni ka di biεhigu mini di nahingbana bi do palo ni.[1]

Bin’ zahindigu din vihiri baŋdi binyεr’ shεŋa ŋan be tiim puuni (Reagent testing). Di nyεla bin’ shεli bε ni mali zahindi baŋdi binyεr’ shεŋa ŋan be tiim ni, di tooi zooi ka di nyεla ti’ shεŋa zalisi ni bi saɣiti shεŋa la. Di ni niŋ ka tima yoli la zuɣu chεmi ka bε ni bɔli shεli “drug checking” (tima vihibu) bee “pill testing” (tiim zahimbu) gba beni.[2]

Binzahindigu din zahindi poora din mali lɔɣu/barina (Hazardous powders testing kit). Lala binzahindigu ŋɔ, 2020Gene system, Inc nima n-nyε ban maali li. Lala binzahindigu ŋɔ n-nyε binzahindi kpeeni ka US nima, hazmatinima mali zahindi poora din mali barina bee lɔɣu.

Bin’zahindigu din zahindi doo yi ti bili paɣa. (Rape kit). Sexual assault forensic evidence (SAFE) binzahindigu. Sexual assault evidence collection binzahindigu (SAECK), sexual offense evidence collection (SOEC) bin’ zahindigu (PERK) ŋanima zaa nyεla alaafee bo n-ti yilinima ni mali shεli baŋda so yi ti mirisi paɣa doni. Lala bε ni vihi nya shεli  ŋɔ ni tooi che ka bε puhi ni bε bo bε ni zilisi so ŋɔ ka di zaligu ti di o. Chicago tingbanni ka bε daa tuui maali lala bin’ zahingdigu ŋɔ yuuni 1970s ni di sɔŋda bɔri vihigu din ka daɣiri n-tiri ba di yi ti niŋ ka so mirisi paɣa doni.[3]

Paɣipuli binzahindigu (Pregnancy test). Di nyεla bin’ zahindigu din baŋdi paɣipuulana bee paɣa yi ti mali pua. Soya dibaayi m-be dini ka kpa talahi pam, dina n-nyε ; n-zahim baŋ ninsala pua ni nyε shεli (human chorionic gonadotrophin (HCCG) din be ʒim bee dulim puuni la. Din lahi pahi nyεla Ultrasonagraphy, di zahindila ʒim ni m-baŋdi paɣa puulana yina yoli zali puli. Paɣa puulana kam yεn mali la pua bε yi zaŋ lala binzahindigu maa zahim ba, paɣa mini o yidana yi laɣim bakoi nyaaŋga o yi bi nya o sɔrilim/ paɣitali.[4]

Bin’ zahindigu din zahindi baŋdi ŋun ŋme malifa/ bunbura din kpalim malifa ŋmεra nii bee o nεma ni. (Gunshot residue). Niriba lahi mi li la “cartridge discharge residue (CDR) bee “firearm discharge residue (FDR). Di nyεla bunbura din kpalim ŋun ŋme malifa nuu ni bee o nεma ni. Din tooi nyε kamani nyɔhi bee pa nyɔhi n-yina malifa noli maa ni, di yi ni nani malifa kuɣili maa  nyɔm. Ban yuuni ka vihiri tingbani zalisi zuɣu zahindi ŋun ŋme malifa nεma ni o ningbuna ni bε nya  bunbura din kpalim m-baŋ ŋun di beni bee m-miri malifa maa ŋmεbu saha. Malifa ŋmεbu bunbura ni tooi chaŋ gari 3-5 waɣilim. Di yi chaŋ pam, bunbura biεla ka bε ni tooi nya.

Bin’ zanhindigu din zahindi baŋdi tankpaɣu balibu/ tankpaɣu zahimbu (Soil test). Din tooi zaŋ ti tankpaɣ’ yini bee zaɣ’ bɔbigu ni vihi baŋ di ni nyε shεli daliriti pam zuɣu. Di yi ni nani ni di tooi baŋ tankpaɣu maa ni nyε shεli ka bε tooi baŋ binbir’ shεli din ni biri dini ka mali alaafee.   Ni di tooi lahi che ka bε baŋ ka wuhi kulim din viεla n-ti pukparilim.[5]

Kundivihira[mali niŋ | mali mi di yibu sheena n-niŋ]

  1. Overdiagnosis: How Our Compulsion for Diagnosis May Be Harming Children (English). American Academy of Pediatrics. Retrieved November 2014.
  2. Mandelin test results for DXM, ibuprofen, sugar and modafinil (English). Guy Jones. Retrieved 2016-02-14.
  3. What Is a Sexual Assault Forensic Exam? (English). Rainn.
  4. REVIEW: Pregnancy tests: a review (English). T. Chard. Retrieved 01 May 1992.
  5. Malcolm E. Sumner. "law+of+maximum"+wallace&pg=SL4-PA89&redir_esc=y Handbook of Soil Science (English). Retrieved 31 Aug 1999.