Tamale College of Education(TACE)

TAMALE COLLEGE OF EDUCATION

Tamale College of Education-TACE ( Bɛ ni daa mi shɛli Tamale Training College bee TATCO la) nyɛla karimzɔŋ karili din be Tamale ( Sagnarigu Municipality, Northern Region, Ghana) n-wumisiri karimbanima. Karimzɔŋ ŋɔ nyɛla din be Northern zone la puuni ka di ba daansi ni Tamale Senior High School (TAMASCO) , Tamale Institute of Languages n-ti pahi Teachers Credit Union. Di nyɛla Ghana tiŋgbani ŋɔ ni karimbanima karimzɔndi din kalinli yiɣisi kamani pihinahi ni ayɔbu (46) la puuni yini. Yuuni 1958 la ni ka bɛ daa kpa lala karimzɔŋ ŋɔ. Lahabali ni vihigu wuhiya ni ti Ghana zuɣulana tuula n-daa nyɛ ŋun kpa li. Karimzɔŋ ŋɔ daa pilimi ni karimbihi pihiyɔbu (60) ban daa nyɛ bipuɣinsi ka di zuɣu daa che ka di kpalim bipuɣinsi karimzɔŋ halli ni yuuni 1977 la.

Tamale College of Education nyɛla karimzɔŋ shɛli din mali kpaŋmaŋa di yi kana ti karimbanima wumsibu polo Ghana tiŋgbani ŋɔ puuni. Lala ŋɔ n-che ka di yi wumsi karimba, ka o mali nimmɔhi zaŋ kana o tuma polo ni o karimbihi wumsibu polo. Tamale College of Education nyɛla shikuru din daa be University of Cape Coast nima fukumsi puuni amaa di yi pa bela Kwame Nkrumah University of Science and Technology nima fukumsi puuni yuuni 2019 piligu la hali na ni zuŋɔ.