Salima:Sayibu suhi yiɣisibu bi to

JUUNA: Sayibu....Biɛla-biɛla, yi dabsili maa biɛɣu neeimi maa. Biɛɣu biɛɣu bi che goli.

SAYIBU: Lala n-nyɛli. Ti yi kuli nyu kom n-naai, Asibiri din be tuuli maa kani, din ti kanina n-bala.

JUUNA: Din sani ka a yɛri ŋɔ?

SAYIBU: Ka ti Dɔɣirikpiɛm' maa kpariyɛli maa ka a yɛri maa? Ma bɛ ni niŋ nakpaɣindi zuɣu, ŋ-ŋɔ ti di tam di yɛla. Kpini goli maa ni zaasa kaman' daa doli ba yɛ bɛ che ka di yi ti nuuni, ka bɛ naɣisili hali ka di ti paairi konyuri chuɣu puuni maa. Ma ŋ-ŋɔ ti di tam di yɛla ka di pa zuŋɔ.

JUUNA: Aayi!...Pa a Dɔɣirikpiɛm kpariyɛli maa yɛltɔɣa kaman' yɛri a.

SAYIBU: Ka dini?

JUUNA: Tikuli dali maa, biɛla-biɛla, ma di biɛɣu kuli neeimi maa.

(Ʒii fɔhiya...So bi lahi yɛri shɛli)

BABA: Ka wula ka ʒii maa ti lahi fɔhi chichi ka timalan' n-kani ka bɛ garigiti maa?

SAYIBU: Di lee ku fɔhi lala, ma Juuna saɣim la ʒii maa. Daadama kuli mali fiila maŋa, ka a ti kuli tɔɣisi pɛti n-bahina ka gbinnyaɣu n-nye bindi maa.

BABA: Ma ŋɔ ŋuna, teeibu n-nyɛli ka o teeigi a.

JUUNA: Baba... To nin'mira yɛlmaŋli ka a ti maa. Yi zaasa, n baŋ ya. Yi zaŋ la tiŋ'ŋmarilim n-be ʒii ŋɔ maa puuni. Man' baŋ yi zaa ka silimiinga na ʒi Gambaga.

JUUNA: A ni yaa kpuɣi yɛltɔɣa maa shɛm maa, a zaŋ li n-yaɣi dini bi paaigi luɣushɛli.

SAYIBU: Di yaɣi lala. Dahindini ka n yɛli a ni Tikuli biɛɣu yi ti neeira, nyin teeimi ma? Vu'shɛŋa yini bɔrima ka n shini maa, n jemi ni n niŋ ka di ŋmanila ti laɣimmi n-ʒiya ka zabira. Yi mi yi kuli bɔra, yin ŋmaaimiya ma jiya, "ti bi lahi bɔri a ʒii ŋɔ ni", ka n taɣi ʒishee.

BABA: Di saɣiya! Ti timdi sandaani. O bi mi ni o yi teeigi a, di ku pa a kpɔɣu. Gaafara! SAYIBU: Man' kuliya. N suhi maa ni yiɣisi shɛm maa, n yi yɛn ʒiya, n ni tum gala. Baba...A yi yɛn kuli, nyin doli yiŋ polo na ka n gbuligi a tibili. Tiŋ ni mahigi maa, di tu ni ti gbaai ti koli maa yɛltɔɣa. JUUNA: N yi nya Shetu, ni yɛli o ka o baligi naanzuu ni a bindirigu (o laya) SAYIBU: N yi garigi a, nyin bɔhimi ma. Niri yi doli a yɛltɔɣa, bɛ ni paɣi o chɛrisheeni.