Salima:Nolɔɣu mini Ŋɔɣu

Diyila Dagbani Wikipedia

Nolɔɣu n-daa zaya ka ŋɔɣu kana ni o ti gari, ka naan yi yɛli nolɔɣu, "N zo nolɔɣu, a ba kukɔli daa viɛli pam. Ka daɣila a gba kukɔli viɛlila lala?" Nolɔɣu ŋun yɛli o ni yɛlimaŋli n nyɛli, ni o kukɔli gba viɛla. Dinsaha ka ŋɔɣu yɛli o, "ka kuhimi biɛla ka n wum". Ka nolɔɣu pɔbi o nina. O ti yɛn kum la, ŋɔɣu ŋun vaana n-ti gbaagi o, n dii vaai guui. Ka tiŋ maa ni bahi doli ŋɔɣu ni bɛ gba gbaai ŋɔɣu. M ma bia, ka nolɔɣu ti yɛli ŋɔɣu, "N zo ŋɔɣu, yɛli mi bahi ban doli a ŋɔ, ni ka bɛ ya noo n nyɛ ma. A ni nya ka bɛ zani. Ka pa lala, bɛ ni gbaagi a." Ŋɔɣu ti yɛn yaai o noli ni o yɛli lala, nolɔɣu ŋun pibiri luna. N dii guui ti zani ha. Ka ŋɔɣu vuhi fuuu, ka yɛli, " Naawuni nari nangbani shɛli din di tu ni di fo, ka di zaɣisi ka yɛli yɛltɔɣa". Nolɔɣu ŋun gba zani ha ka yɛli, "Naawuni nari nimbihi shɛŋa din di tu ni di nee, ka di zaɣisi ka pɔbi". So fobu min mali alibarika n-gari o yɛltɔɣa. Biɛhigu shɛli min beni ka shinigu m maani li.

A yi yɛli yɛltɔɣa lala saha, biɛhigu ni saɣim. Yɛlli yi ti kani na ka di tu ni a neei a nina yuli nya yɛlimaŋli, ka a zaɣisi ka pɔbi a nina niŋli, yɛlli maa ti diri a mi.

Kundivihira[mali mi di yibu sheena n-niŋ]