Salima-bia

Bia

Bia zoorigu kpem duŋ Bia zoorigu kpem wahala Bia zoorigu karitila nyevuli Bia zoorigu nahi zorila gubli Bia zoorigu zoorila o dindaamba tooni Di ni n-nye o tiŋ ni O larila musimusi ka dimnim koŋ zia To ma bia ŋun nua vela? Ŋun ni n-samdi kpem dori Ma bia ŋun ziini ninkura tooni Ŋun n-deeri zaani bieɣuni Bia zoorigu ŋmani la Pie bil lieɣu yirigi moɣu sunsuuni N-nye, kunduna, nye gbuɣima Bi di ti yeri wabiri Ka doo danda n-ti yooi yiŋ na Ma yiŋ baa ŋma ziri tuhili Bia zoorigu chenimi Ka nyohi tuhiri tooni Ka buɣum moori nyanga To a yi bi bang bizoorigu Nyin cheli ka ŋmaligi yuli wahu Ma o ka nana amaa Ka lee paari nantohi Kpaakpaa nyomani To ayi bori ni a bang bizoorigu To nyin di tam gumachuɣu yela Ma o norila nyam nyam Ka naa n-yi paai o paabu sheei! To cheli gba ka ŋmaligi yuli daboli Ni tampuli ka lab teei ni Ŋuni n-nye nyohu din yelima ni deei bieri . Ŋuni ka bi labiri awulenima Ka o mimdi ka zora! Ŋuni ka bi kumsiri yuŋ Ka o bahiri lari asiba tuhiriba soli! Ka diyi pa kpeng lana Ka ŋuni n-su nama? Ka ŋuni zaandi zaligu Din ka yiɣisibu?