Nabalima

Nyaaŋa nam tooni namlana, a balima yee!!

Kpakpili gbaŋ ku n-kpa kpaa zuu yee,

Yimina suhi Naawuni mali a tiŋa,

Ka di ti mahi gbum ka shɛɣu,

M-me gbum ka yaɣiri la,

Nyami nira mini o ma puuni bia,

Pakolana Azim zuu

Yimina suhi Naawuni mali a tiŋa

Ka di ti mahi gbum ka shɛɣu,

M me gbum ka yaɣiri,

Yɛligu!!!

N di bi zaɣisi o zuu ŋmani kpakpili zuu

Ka bɛ yɛli ni kpiimba siɣilana nyɛ o

O siɣila o yaba Naa Ablaai Naɣibiɛɣu

Zantili pakpaŋ bia

Bɛ ʒɛmla Zantili pakpaŋ bia,

Nuzaa paɣa bia shaanu,

Naɣibiɛɣu siɣilana,

Yimina suhi Naawuni mali a tiŋa.

Ŋuni n-nyɛ n ku ŋuni?

Bɛ ʒɛmla Zantili pakpaŋ bia

Yɛligu!

Naɣibiɛɣu daa ʒini o ba gbaŋ kpalim nam ni

Ka m bɔri ni a tɔɣisi o ʒini gbaŋ kpalim nam ni,

Zoya pakpaŋ bia Aburubila,

Nyaŋkpani pakpaŋ bia n-nyɛ o

O bayili mali yaa,

O ma yili di mali yaa,

Nyaŋkpani pakpaŋ bia Aburubila.

A balima yee, a balima yee!!

Sunsɔŋ buɣuyɛligu paɣisara bia n-nyɛ a

Zoya paɣa bia Aburubila

Zaŋ kpam bie sɔndi n-zaŋ yalim buri saa paɣa bia

Niŋmitooni zuu Alaasambila,

Sɔŋmi ma ka m balim Naa Gbewaa zuu zuŋɔ.

Ti yi kuli bi nyɛ shɛli,

Ka ti tiligi mia,

n-lahi tiligi bandi.

Yɛligu!

Yɛndamli zuu Alaasambila

Yɛligu!

Balim balim Biuŋ soyili bia,

Dunialana zuu bia

Jaŋkuno siɣilana n-nyɛ a

Sɔŋmi ma ka m balim Naa Gbewaa

N yi kuli bi nyɛ shɛli

Ka ti lee tiligi mia yee,

N-lahi tiligi bandi.