Hoi! Bɔ pini m- bɔŋɔ?

Hoi!  Bɔ pini m- bɔŋɔ? nyɛla yeltɔɣtaɣimalisi shɛli Kukuo Naa Emmanuel Issifu ni sabbi.

Hoi!  Bɔ pini m- bɔŋɔ?

Hoi!  Bɔ pini m- bɔŋɔ?

Shɛba booni a la pini.

Shɛba ni tandum

Shɛba ban dii yɛli ni daboli.

Hoi! Bɔ pini m-bɔŋɔ?

Hoi! Bɔ pini m-bɔŋɔ?

Pini la ku kɔ puu ni.

Bɛ kɔrila pini yiŋa

Pini mi ku biri nyuli

Pini mi ku nam bɔɣu

Hoi! Bɔ pini m-bɔŋɔ?

Hoi! Bɔ pini m-bɔŋɔ?

Pini kɔbu dali,

Bɛ ku puhi so kpariba

Ban kɔri li mi gari kɔbiga

Hoi! Bɔ pini m-bɔŋɔ?

Hoi! Bɔ pini m-bɔŋɔ?

Pini kɔbu dali,

Bɛ kɔrimi ka kumda

N-kɔri ka ku di

Hoi! Bɔ pini m-bɔŋɔ?

Ka bɔ pini m-bɔŋɔ?

Pini biritila bia,

Ka ku bili bia.

Di biritila paɣa

Ka ku bili paɣa.

A yi biri o doo,

O ku bili doo

Hoi! Ka bɔ pini m-bɔŋɔ?