Buɣili noo

Buɣili noo,

Maani kpiimba maani tiŋgbana.

Buɣili noo zuɣu

Ŋmaai wari ka jɛni.

Ka kpumkpama lɛbi kafuna,

N-vubiri kpiimba buɣa tiŋa pabpab.

Ka ʒim lɛbi sawalli,

N-ŋmaai miri kpiimba buɣa tiŋa.

Buɣili noo,

Mali tiligi sala n-tiligi tiŋgbana.

Gbahi nɔhi duri guŋlana,

Tindaampiɛligu paɣa bia.

Gbahi nɔhi n-du guŋ.

Ni alɔbo n-lu,

Sanzali n-zani,

Ka kɔkpaɣu kpaɣi mii kirikiri.

Biŋkɔbri kpiri kɔnyuri.

Bilɛri kumdi kɔnyuri,

Tihi ni mɔri kumdi kɔnyuri

Ka tindana du guŋ,

N-zaŋ buɣili noo,

Maali tiligi sala n-tiligi tiŋgbana.

N-tabili tihi ni mɔri.

Pukpariba gbaani siɣili.

Nabiyɔŋ bɔri nam.

Bidɔɣira bɔri bia.

Ka gbahi nɔhi duri guŋlana.

Zaŋ buɣili noo,

Ka zuɣu ŋmaani wari ka jɛni.

Ka kpumkpama lɛbi kafuna,

N-vubiri kpiimba buɣa tiŋa pabpab.

Ka ʒim lɛbi sawalli.

Ŋmaai miri kpiimba buɣa tiŋa.

Buɣili noo,

Maali tiligi sala n-tabili tiŋgbana,

Ka kuni o ko.

Buɣili noo,

Zaŋ maŋa pa talima,

N-tiligi sala ka taɣi tiŋgbana,

Ka kuni o ko.

Buɣili noo,

Maali tira ka kuni o ko.