Belva Davis
| Belva Davis | |
|---|---|
| Manroe, Silimin gɔli October 13, 1932 (run 91) | |
| O ya Tiŋgbaŋ | America |
| Education | |
| Shikuru shɛli o ni chaŋ | Berkeley High School (en)  |
| Tuma | |
| Tuma | autobiographer (en) , lahabali sabira ni television journalist (en) |
| Pin' shɛŋa o ni dee | |
| Nira zaŋti | Alpha Kappa Alpha (en) Black Women Organized for Political Action (en) |
| belvadavis.com | |
Belva Davis (Belvagene Melton; bɛ ni dɔɣi so October 13, 1932) nyɛla America taliviisa mini rɛɛdio lahabali sabira. Ŋuni n-nyɛ tuuli Africa paɣa ŋun nye America nira ka leegi taliviisa lahabli sabira zaŋti U.S West Coast yaɣili. O di la Emmy Awards pina bunii zuɣu ka o kpaŋmaŋ nyɛ American Women in Radio and Television mini National Association of Black Journalists ni dihi shɛli tabili.
O zooi la Oakland, California yaɣili ka daa pili salo lahabaya sabi niŋ magazinnima puuni yuuni 1957. Yuma biɛla sunsuuni o daa pili la lahabaya sabbu zaŋti rɛɛdio ni talivisa nima ni. O ni daa nyɛ lahabali sabira, o daa tooi gbahiri lahabaya zaŋjandi niŋsim suma din niŋ dabisili puuni din gbaai zuliyanima, paɣiba ni dabba, n ti pahi siyaaya lahabaya. O daa leegi lahabali tira ka daa tooi ʒiini niribi pɔhim zuɣu ka bɛ diri fiila pɔi ka daa naa chɛ tuma yuuni 2012.
Piligu biɛhigu[mali niŋ | mali mi di yibu sheena n-niŋ]
Belvagene Melton daa nyɛla bɛ ni dɔɣi so October 13, 1932 zaŋti bihi bapiri John ni o paɣa Florence Melton, Monroe, tiŋ din be Louisiana. Ŋuni n daa nyɛ bi kurili bɛ bihi anahi maa puuni. [1][2]. O ma yuma daa nyɛla pia ni anahi saha shɛli o ni daa dɔɣi o. Belva bilim ni o daa zooi ka o bɛla o ma laamba sani bi daŋ maa puuni kamani o pirinima ni o ŋahinima. Bɛ daa bela du’gbera ayi a paatimenti ni din daa be West Oakland yaɣili, California puuni. Ninvuɣ’ pia ni yini n daa be lala yili ŋɔ puuni.[3] Davis daa ti yɛli o bilim ni yɛltɔɣa “N daa bohim la anzansi niŋbu biɛhigu ni. Ni daa chani gindi luɣaluɣa maa n daa bohim shɛli polo biɛhigu milisibu. Ni daa niŋ zaɣikurili na n daa baŋya ka dama ni tooi leei ni bori shɛli kam,”.[1]
Yuuni 1940 bahigu ha, o laamba daa tooi nya yiko m-mɛ yili Berkeley, California puuni. Davis daa karim siɣisi shikuru din yuli booni Berkeley High School yuuni 1951, ŋuni n daa nyɛ tuuli o daŋ puuni ŋun karim du n paai lala shikuru polo.[1] O daa sabi tirisibu gbaŋ ka bɛ daa deegi o kpɛhi shikuru karili din yuli booni San Francisco State University la amaa ka daa bi tooi nya yiko ni o chaŋ kolɛɛgi.[4] O daa leegi typist zaŋti Oakland Naval Supply Depot, ka o yori daa yiɣisi $2,000 yuuni.[1]
Lahabali sabiritali tuma[mali niŋ | mali mi di yibu sheena n-niŋ]
Davis daa saɣi dee zongili lahabali sabiritali tuma yuuni 1957 zaŋti tuma duu yuli booni Jet, magazine din lahabaya kpa Africa mini America yɛla yɛla, ka daa leei lahabali tira zaŋti di wuligibu polo. Bɛ daa tiri o la $5 lahabali yini kam zuɣu. Yuma biɛla nyaaŋa, o daa pili sabbu zaŋti Africa mini America lahabali churi shɛŋa, kamani Sun Reporter mini Bay Area Independent. Davis daa leei lahabali sabira zaŋti Sun Reporter tuma duu bini din gbaai yuuni 1961 hali ni 1968. [5]
Yuuni 1961, Davis daa leegi ŋun niŋdi pɔhim zuɣu vihisi zaŋti KSAN tuma duu din be San Francisco AM radio station la ka daa wuligiri yili shɛŋa bɛ ni booni rhythm mini blues la ka o wundiba daa nyɛ gbansabilanima ban be Bay yaɣili. O daa tuu niŋ o tuuli taliviisa zuɣu kpɛrigu yuuni 1963 zaŋti KTVU, taliviisa tuma duu din daa be Oakland la ka daa deeri lahabaya din jandi Africa ni America pag’vɛlitali kpagri bo. O daa lan leegi DJ zaŋti KDIA dolodolo yila radio station din gba be Oakland din daa niŋ ka 1964 Republican National Convention tuma duu din be Cow Palace ka miri Daly City, California daa kpansi o ka o lee lahabali tira. Davis yɛliya ni o daa ti yaairi laɣingu shɛli lahabali o mini Louis Freeman. Bɛ daa kari ba labi lala Cow Palace luɣili maa k labi ba binyɛra ka kuhi bahi bɛ zuɣu ni zuliya gbarima, nima ŋɔ ka di nyɛla bɛ gaŋba mi bɛ gbansabilitali maa zuɣu. Ka lala gaŋbu ŋɔ n daa nya kpalinkpaa o lahabali sabbo tuma ni, yuuni 1967, o daa ti yaairi Civil Rights Movement maachibu din daa niŋ Forsyth tiŋgbani, Georgia ka daa yɛn bohi silimiinpaɣa bohisi ka o tuhi nintɔri niŋ o ninni.[3]
Davis daa tumya nti KNEW, AM radio tuma duu din be Oakland la, o daa nyɛla moli-moona yuuni 1966, [5] O daa leegi tuuli Africa paɣa ŋun nyɛ America nira ka leegi taliviisa lahabli sabira zaŋti U.S West Coast yaɣili sahashɛli KPIX-TV din daa be San Francisco yuuni 1966.[3] Yuunshɛŋa din daa dolina zaa o daa kuli tumidimi tiri KPIX hali ka daa ti leegi tɛliviisa zuɣu lahabali karimda yuuni 1970,[5] yuma biɛla nyaaŋa o daa yi ni n chaŋ NBC din daa nyɛ KRON-TV yaɣili la. O lahabali gbahira shɛŋa n daa nyɛ Berkeley riots of the Free Speech Movement, Black Panthers, ninvuɣ’kuli din daa niŋ Jonestown, Moscone–Milk assassinations, AIDS ni crack epidemics, n-ti pahi yuuni 1998 United States embassy bombing din daa niŋ Tanzania tiŋgbanni la.[1][6]
Davis daa nyɛla ŋun nya nintiɣili niribi sani pam ka di nyɛla o ni daa gbahi lahabaya pam din jandi siyaasa, zuliya gaŋbu ni paɣiba ni dabba la zuɣu, [6] n-ti pahi o ni daa kuli mali suhumahili. Rita Williams ŋun gba daa nyɛ KTVU lahabali tira la daa yɛliya ni Belva ku mila o ni yan niŋ shɛm n-ti sokam zaɣa. Di mini yɛlmuɣisira maa daa ku mali o maa zaa yoli, o daa nyɛla gaŋdu o tabi ni.[1]
O maŋmaŋ taarihi (autobiography) buku shɛli bɛ ni boli Never in My Wildest Dreams: A Black Woman's Life in Journalism, din daa nyɛ din yina yuuni 2010. Di piligu lahabali ni, Bill Cosby sabiya wuhi ka dama bihi piribi ŋɔ daa nyɛla ŋun mali dariza din yi di ko ka nyɛ wuhi maŋa zaŋti bɛ gbansabila ban be America yiŋa ka daa dolili taliviisa zuɣu. O daa nyɛla ŋun sɔŋ ka bɛ nya biɛhigu din nyɛ yaya ka mali nintiɣili. O daa lahi pahi zilinli ka dama bɛ yuuni ni bɛ nya bihi piribi ŋɔ ni yɛn chihi bɛ noli shɛm zaŋ chaŋ gaŋbu-gaŋbu ni yiriŋ-yiriŋ din daa niŋdi maa.[3]
Davis daa ʒini taliviisa zuɣu ʒi’ shɛli bɛ ni boli “This Week in Northern California” PBS tuma duu yaɣishɛli bɛ ni boli KQED ka di daa pili yuuni 1990 puuni. O daa chɛ tuma November puuni yuuni 2012.[6] O bahigu ʒii taliviisa zuɣu shɛŋa daa nyɛla o vihigu bohisi ni Maya Angelou, ŋun daa nyɛ o sima ka di taachi daa nyɛ ka dama o mini o zosimli yɛltɔɣa.[3]
Maŋmaŋ biɛhigu[mali niŋ | mali mi di yibu sheena n-niŋ]
Belva daa kulila Frank Davis January 1, yuuni 1952. Bɛ daa dɔɣila bihi ayi ka nya yaaŋa zaɣiyini. Davis daa kuli doo n pahi ayi, Bill Moore, yuuni 1967 sahashɛli o ni daa tumdi tiri KPIX-TV.[1][7]Davis mini Moore daa bɛla San Francisco ʒineli ni, bɛ booni li Presidio Heights, amaa ka pa be Petaluma, California.[8] O daa bi mali o maŋmaŋ biɛhigu kpɛhiri o tuma biɛhigu ni. Yuuni 1975, Davis daa laɣim America paɣiba ban nyɛ gbansabila ni gbanpiɛlli ŋunn nyɛ lahabali sabira zaŋti TV ni Rɛɛdio ŋun yuli booni Kathleen H. Arnold (today anthropologist Kathleen Rand Reed), ka bɛ yaai kpɛrigu ka bolli Belva Davis – This is Your Life. Davis daa wumsi Reed yuumbɔŋ.[9]
Davis daa pahi Museum of the African Diaspora board kpambi zuɣu n-tum tuma, Institute on Aging, ni Fine Arts Museums of San Francisco.[1] Davis daa sɔŋ bo liɣiri paa dolla miliyɔŋ dibaanu ($5 million) n-ti Museum of the African Diaspora yuun yini puuni.[10]
Kpaŋmaŋ pina[mali niŋ | mali mi di yibu sheena n-niŋ]
Davis daa di kpaŋmaŋ pina paai dibaa anii din yi Emmy Awards pɔŋ ni na zaŋ ti Francisco/Northern California yaɣili.[6] O nyɛla ŋun daa pahi Alpha Kappa Alpha ninvuɣ’gahinda puuni.[11] O daa di biɛhigu kpalinkpaa paabu pina din yi American Women in Radio and Television ni National Association of Black Journalists tuma duri ni na.[1]
Kundinima din sabi jandi o[mali niŋ | mali mi di yibu sheena n-niŋ]
- Davis, Belva; Haddock, Vicki (2011). Never in My Wildest Dreams: A Black Woman's Life in Journalism. Polipoint Press. ISBN 978-1936227068.
Kundivihira[mali niŋ | mali mi di yibu sheena n-niŋ]
- ↑ 1.0 1.1 1.2 1.3 1.4 1.5 1.6 1.7 1.8 Jones, Carolyn. "Belva Davis, grande dame of Bay Area journalism" (en). SFGATE. http://www.sfgate.com/news/article/Belva-Davis-grande-dame-of-Bay-Area-journalism-3189237.php.
- ↑ Guthrie, Julian (January 20, 2011). "Newswoman Belva Davis reflects on her life". San Francisco Chronicle. http://www.sfgate.com/entertainment/article/Newswoman-Belva-Davis-reflects-on-her-life-2478107.php. İstifadə tarixi: January 7, 2013.
- ↑ 3.0 3.1 3.2 3.3 3.4 Jones, Carolyn (May 9, 2010). "Belva Davis, grande dame of Bay Area journalism". San Francisco Chronicle. http://www.sfgate.com/news/article/Belva-Davis-grande-dame-of-Bay-Area-journalism-3189237.php. İstifadə tarixi: November 14, 2012.
- ↑ Harris, Janelle (July 30, 2014). SO WHAT DO YOU, DO BELVA DAVIS, PIONEERING BROADCAST JOURNALIST, TV HOST AND AUTHOR?. Mediabistro. Retrieved October 15, 2014.
- ↑ 5.0 5.1 5.2 Baltimore Afro-American - Google News Archive Search.
- ↑ 6.0 6.1 6.2 6.3 http://www.sfgate.com/bayarea/article/Groundbreaking-journalist-Belva-Davis-to-retire-3354154.php
- ↑ adviser (2012-05-15). Bay Area Journalist gives inspiring lecture.
- ↑ Error on call to Şablon:cite web: Parameters url and title must be specified.
- ↑ Hayashi, Elmer K. (1976-01). "Factoring Integers Whose Digits Are All Ones". Mathematics Magazine 49 (1): 19–22. DOI:10.1080/0025570x.1976.11976527. ISSN 0025-570X.
- ↑ Error on call to Şablon:cite web: Parameters url and title must be specified.
- ↑ https://web.archive.org/web/20070928000231/http://aka1908.org/present/membership/#honorary