Veronica Bucket

C-Class

Alichidiri din paɣiri nuu.

Veronica Bucket nyɛla bɔkati palli ŋan paɣiri nua, ka bɔkati maa mali pɔmpi zuɣu di gbunni, ka nyɛ bɛ ni zaŋ shɛli tam ka di wuɣi zuɣusaa bela ka che tiŋa, ka ŋmani be di gbunni taɣiri kopaɣirim maa. Veronica Bekoe n-daa tuui mali Veronica Bucket. Veronica Bucket nyɛla nyupaɣiri bɔkati shɛli din yala bi tɔ ka nyɛ din kpaŋsiri ka ti paɣiri ti nuhi viɛnyɛla ni ko shɛli din zori ni. Bɛ daa bɔhi Bekoe, ka o yɛli ni o daa malila lala bɔkati ŋɔ ni di sɔŋ o mini o taba ka bɛ tooi paɣira bɛ nuhi viɛnyɛla ni ko shɛli din zɔri ni, bɛ yi ti naai bɛ tuma "laboratory". O yɛliya, "di zooya ka ti tooi laɣimda m-paɣiri ti nuhi niŋdi ŋman yinga ni, lala niŋsim ŋɔ nyɛla din ni tum ti barina pam."  Lala tumtumda tab' ŋɔ daa lee nyɛla ban larimdi bɛ nuhi ni dɔribimbira ka tiɛhi ni bɛ paɣirimi yihiri ŋa. Baayan anfaani shɛli din be nuhi paɣibu ni zaŋ jɛndi COVID 19 doro la polo, Veronica Bucket lahi nyɛla din mali bukaata pam luɣi shɛŋa pɔmpi kom ni dii bi yɔli.

Di Tuma

Lala bɔkati ŋɔ lahi nyɛla bɛ ni mali shɛli kur' bukaata pam gbansabila tiŋ shɛŋa dabam. Di ni tooi be luɣi shɛŋa pam n-nyɛ shikuriti, ashibitinima, asɔrinima ni n-ti pahi luɣi shɛŋa pɔmpi nim ni kani. Di nyɛla din nyɛ yuli pam dibahibahindi COVID-19 doro la ni daa yina gbahiri niriba ka di ka zaŋ buɣisi la, ka di zuɣu che ka niriba paɣiri bɛ nuhi saha kam din yɛn baligi doro ŋɔ yaligibu. Ekiti State din be Nigeria puuni la Fukumsi kpambala kpɛma (governor), ŋun yuli booni Kayode Fayemi la daa ŋmɛ kuŋ n-ti o tingbani maa nima n-wuhi ni di tu ni luɣi shɛŋa zaa salo ni laɣimda tu ni di mali pɔmpi kɔm din zɔra bee Veronica bucket nima "din yɛn kpaŋsi nuhi paɣibu saha kam". Dimbɔŋɔ nyɛla din yɛn sɔŋsi gu ka taɣi COVID-19 doro ŋɔ yaligibu.

Pɔi ni COVID-19 doro yibu na, lala namsim ŋɔ daa nyɛla bɛ ni mali shɛli kuri bukaata shikuru shɛŋa mini ashibti shɛŋa ni. To amaa, di nyɛla din pa mali daa pam pirimla bukaata shɛli di ni mala zaŋ jɛndi doro maa tuhibu polo. Pumpɔŋɔ, di pa nyɛla nir' ni ni tooi nya binshɛɣu luɣa pam kamani dahi ni, ashibti nim ni, ni ʒɛ-n-gama mini gɔmnanti tuma duri ni. Ghana nira, ŋun yuli booni Veronica Bekoe n-daa tuui yihi li na. O yuli ka bɛ zaŋ boli lala namsim ŋɔ. Bekoe nyɛla tabibi yaɣ' shɛli bɛ ni booni "biomedical science" la baŋda kuɣinli ŋun tum Ghana Alaafee Tuma Zuɣu (Ghana Health Service) yaɣ' shɛli bɛ ni booni "Public Health and Reference Laboratory la, yuuni 1972 ti kpa yuuni 2008.

Di malibu

Nuuni tuumbaŋdiba ban baŋsim dii bi ti tooni n-daa daa nya ban tuui maandi namsim palli ŋɔ. Duduhigu ni ŋmana ŋan nyɛ dalima ka bɛ mali ŋa kɔhiri Hausa koko ka bɛ tooi booni li "Akorlaa gyae su" la, ka bɛ daa yi kpɛhi pɔmpi zuɣu; dina n-daa nyɛ ŋmahinli. Tɔ amaa, pumpɔŋɔ lɔba gbambihi ka bɛ mali maani li, n-kpɛhi li pɔmpi zuɣu ka di mali boduwanim mini chibo pabu shee. Zuŋɔ di balibu nyɛla din zooi pam m-mali ko' gbaliŋ.