Yɛltɔɣa:Genital itch (Tooni Zaɣisigu)

Tooni zaɣisigu nyɛla bin shɛli din niŋdi nira ka o tooni kuli zaɣisira ka di niŋ di o koribu saha kam. Saha pam di nyɛla din zan ti paɣa tooni, ka nyirivoɣu zaɣisibu gba mali di yuli dabam. Tooni zaɣisibu ŋɔ nyɛla din tu ni di niŋ zaɣa n niŋ shɛli ni , di yi niŋ ka zaɣisigu ŋɔ yuugi , bee ka di zaɣisiri pampam beei ko shɛŋa yi ti yiri paɣa tooni n pahi zaɣisibu maa zuɣu. Di nyɛla bin shɛli din ni tooi dalim paɣa biɛhagu beei n labisi ninsali biɛhigu nyaanga.

Binshɛŋa din zoogi n tahiri zaɣisigu ŋɔ na n nye; yeast, bacteria vaginosis, trichomononiasis (din zaa ha nyela binniɛma ni tahiri sheli na), binshɛŋa din galindi nira ni din pahi pahi. Bin shɛŋa din zoogi ka di galindi paɣa tooni puuni shɛŋa n nye; latex condoms( loba sheŋa bini mali pindi paɣa bee doo tooni, din yen gu ba che laɣimbu doriti bee puli), ti shɛŋa paɣaba ni firita ni di ku dabba manneei di yi niŋ ka bi laɣim (spermicides) , ni tulaale bee bin vuma paɣaba ni tooi zoogi ka bi mali niŋdi bi tooni.

Bi yi yɛn tibi zaɣisigu ŋɔ, bi lihirimi n bo binsheli bee daliri sheli din tahi zaɣisigu maa na, ka naa yi baŋ bi ni yen tuhili shem. Din lahi pahi nyemi, ka niri gu ka taɣi o maŋa ka che binsheŋa din ni tooi galimmi o tooni kamani , chibi shɛŋa, ni kpa shɛŋa, ka lahi tooi zoogi ka nira sori situra din dii bi mirisi. Niri ni tooi kuli lahi paɣiri o tooni, ni ko piɛliga, ni chibi shɛŋa din tima bi galim. Niri ni tooi lahi zaŋ kpa shɛŋa din tuhiri zaɣigu n ʒe o tooni . Di nyela bin shɛli din zoogi ka di niŋdi paɣisara.