Wiyaala

Diyila Dagbani Wikipedia
Wiyaala
Wa, Silimin gɔli December 22, 1986 (run 37)
O ya TiŋgbaŋGhana
Education
Shikuru shɛli o ni chaŋKanton Senior High School (en) Translate
Takoradi Technical University (en) Translate
Bala yɛlibu, sabbu bee buɣisibuSilmiinsili
Sissala (en) Translate
Wala (en) Translate
Tuma
Tumamusician (en) Translate, singer-songwriter (en) Translate, designer (en) Translate, kpɛrikpɛrita, model (en) Translate ni athlete (en) Translate
YupapaaLioness of Africa
Nuu tuunbaŋsim balibudance music (en) Translate
pop music (en) Translate
African popular music (en) Translate
Binkumdilivoice (en) Translate
guitar (en) Translate
wiyaala.com

E-Class


Noella Wiyaala nyɛla bɛ ni dɔɣi ninvuɣu so silimiin goli December biɛɣu pishi ni ayi dali, yuuni 1986. Wiyaala n nyɛ o yili yiini yuli, ka o nyɛ yili yiini biiŋa n-zaŋ jɛndi Afro-pop yila polo. O lahi nyɛla ŋun sabira ka yiina yila o nama zuliya ni (Sisaala mini Waala) n ti pahi silimiinsili ni. Di zooya pam ka Wiyaala tooi laɣinda zuliya dibata ŋɔ zaa o yilanima ni.

Wiyaala gbunni nyɛla "niŋda" Sissaala yɛltɔɣa ni.[1]

O nyɛla ŋun nyɛ yuduli pam pirimla o ni daa ŋmɛ yili shɛli din taachi daa nyɛ "Make me Dance" la, n-ti pahi o ni nya paɣa ka o ningbina lee kpiɛmkpiɛm ka doo la zuɣu. O ni daa bo yuli n-ti o maŋ' diɛma ni Ankara (Accra) naai, o daa nyɛla ŋun yina n-ti yiindi yila o ko yuuni 2013 ka daa ti yihi yili tulli na ka boli li "Rock My Body". Lala yilli ŋɔ daa chɛ ka o dila pin' gahinda ayi bɛ ni daa tuui ti "All Africa Music Awards" la; lala pina maa n-daa nyɛ "the Most Promising Artiste in Africa" n-ti pahi "Revelation of the African Continent" pina. Wiyaala lahi nyɛla ŋun gbuni kpalinzuya ni UNICEF n-ti pahi Ghana ŋɔ Ministry of Gender, Children and Social Protection ni o sɔŋ ka bɛ tuhi bibihi ghahi ti dabba, bihi gubu, alaafee bomma, ni sabita kpaŋsibu. Wiyaala n-daa kuli nyɛ ŋun yuli dura zaŋ kpa deen' shɛli din daa diɛm London ka bɛ daa boli li ni "15th London African Music Festival" la.

Biɛhigu piligu[mali niŋ | mali mi di yibu sheena n-niŋ]

Bɛ dɔɣila Noella Wiyaala la Wa din be Ghana Tudu Duli Wulinluhili la. O mini o mabihi zaa nyɛla bɛ bipuɣinsi anahi (4). O zooila Funsi mini Tumu. O ma sani ka o daa tuui dee o yila baŋsim. O ma maa daa nyɛla ŋun pahi n-yiini yila bɛ ya maa Asɔri duu ni. Ni ka o daa pili yila tun ka o daa nyɛ yuma anu (5). O ba yuli ka o zaŋ ti o maŋ' yila yilibu ni; ka di gbunni nyɛ "niŋda", o ya Sisaala zilinli zuɣu. O ni daa nyɛ bia, o daa tooi zooi ka o sali bidibisi pam. O daa tooi zooi ka o pahiri bidibisi zuɣu ka bɛ ŋmɛri bolli. Yuuni 2018 ni, Wiyaala daa yɛli Becky Joy Prime zuɣu ni o malila yidana, amaa ka lee bi saɣi wuhi o yidana maa ni nyɛ so.

Shikuru baŋsim bobu[mali niŋ | mali mi di yibu sheena n-niŋ]

Wiyaala daa chaŋla Kanton Secondary School n-ti lahi chaŋ Kanton Secondary High din be Tumu la. O daa lahi chaŋla Takoradi Polytechnic n-ti bohim "art and design" baŋsim.

Yila tuma[mali niŋ | mali mi di yibu sheena n-niŋ]

Wiyaala daa na kuli nyɛla bia ka tuui di liɣiri yila ni la Tamale baa ni. O ni daa naai Kanton Senior High School ka o yila daa kuli pili ni nimmɔhi Wa yiŋa; di yaa daa tooi dahila Echo Soundz Recording Studios.

Yuuni 2009 ka o daa ŋme o tuuli album Echo Soundz Studios din be Wa la, ka daa pii yuli boli li "Tuma". Di puuni yil' shɛŋa din yuli daa du pam n-nyɛ "Dannu" mini "Dirik".

Pirimla o ni daa bori ni o  yuli du Ghana zaa la zuɣu, o daa kpuiɣila  napɔŋ n-chaŋ  Ankara  n-ti kpe  kɔmpitiisa shɛli bɛ ni daa boli  “Stars of the Future” la.  Yuma ata pa taba ka  o  daa  kpaɣinti lala  kɔmpitiisa  ŋɔ ni, Din daa pahiri ata maa daa lula  yuuni 2011, din ni, o daa  kpaŋ o maŋa n-daa paai di kpalinkpaa n-ti di  pin’gahinda dibaayi.

Kundivihira[mali niŋ | mali mi di yibu sheena n-niŋ]

  1. Wiyaala Biography (English). profileability.com.