Tubal ligation

Tubal ligation, dini lahi mi sheli doɣim soya lobu , nyɛla binshɛli bi ni niŋ di n ŋmaari paɣaba doɣim. Niri ni niŋ li, di kariya ka o lahi tooi kpiɣi puli, to amaa kobigi puuni vaabu 0.5% nyɛla ban ni tooi kpuɣi puli di niŋ bu nyaaŋa yuuni puuni. Di nyɛla paɣaba ni doli so shɛli n ŋmaari bi maŋ ka chɛri doɣim. Doɣim ŋmaabu ŋo nyaaŋa, di lahi n soŋdi guru ka taɣiri loɣu din gbaari paɣaba gali shɛŋa din soŋdi ba doɣim polo la.

Di bahi bahindi di nyɛla binshɛli din dii ka yeli gola maa zaa yoli, saha shɛŋa biɛni ka di kanna ni yɛli gola , ka di puuni shɛli nye: ʒi yiri biɛɣu, doro ni puli din bi zoori bi doɣiri surugu ni. Ka di nye binshɛli bi ni ni tooi niŋ di yi niŋ ka paɣa doɣi naagi ka doɣim maa soli nye apoleesa, beei bi ni lahi tooi kuli gbaagi saha dabam ka doɣitenima maa niŋ lala apoleesa ŋo , n lo bidoɣiri soya maa. Di nyɛla binshɛli din bi galindi paɣa sorilim bee din gu tooi gu paɣa ka che laɣimbu doriti. Di niŋ bu ni, di yɛn ŋarila doɣim soya maa, beei ka be ŋmaagi yihi di yaɣi shɛŋa din yen che ka paɣa gala mini doo maneei bi laɣim n nam zuliya.

Lala bini ŋɔ nyɛla bi ni daa tuugi niŋ shɛli yuuni 1880. Di daa ti yen paagi yuuni 2020, ka di leegi paɣaba ni zoogi ka bi doli so shɛli n ŋmaari bi doɣim. Di nyɛla din zoogi ka di be India , ka paɣaba ban bori ni bi ŋmaagi bi doɣim kobigi puuni vaabu pihiyobuyinika nye ban zoogi ka bi doli lala soli ŋo. Paɣaba ban gbaagi kpamli n zoogi ka bi doli lala doɣim ŋmaabu soli ŋɔ. United States tingbani ni, di niŋbu ni tooi di n paagi dollar tusaayobu. Baŋdiba ku lahi lihirila so sheli bi ni yɛn doli n niŋdi li ka di pala apoleesa soli zuɣu. Paɣa shɛba nyela ban yoli tim ni niŋ bu nyaaŋa, ka di niŋ kamaata ni niri kuli lahi lihi so shɛŋa di ni doli ŋmaari doɣim ka di pa ni ŋo maa, kamani tima valibu.