Tohigu

Asibiri biɛɣu yi ti neei kaman' di ni neei ŋɔ, n gani-gani kala zaŋ buɣisi. Di ŋmanila bim n kpaai sari baa. N naba bi yɛn che wahibu, naɣila n kuli paaila mɔɣuni. ŋɔ maa zaa, m paɣa Shetu suhupiɛlli zuɣu. To zuŋɔ ŋuna di yola karo. A ni tiɛhi ni Zagbaŋ Naa n nya wɔhu. Kpunchil' Montana daa tima la vua. Zuŋɔ ka n yɛn nya di tuma. Pa wuri-wuri shɛli n-nyɛli. N yi kuli paai mɔɣuni, n yɛn nyala tii mahim, n chaŋ ti ʒini, ka yɛli nyaɣima-nyaɣima ka dɔni n niŋ gɔm m-pa. N yi ti kuli yiɣisi, n yɛn gbaaila n kɔligu noli lo, ka lu yiŋ soli. Alaha biɛri. Shetu! A ko m mali yidana. Niŋ mi mopɔɣu n tima ka n nyu ka chaŋ n-gbani a kukɔɣu ni.