Salima:Kpatiŋdarinŋga Kpariba

E-Class

Yi mi binshɛgu din tahili ka kpatidariŋa ti kuuikuui ka o ni kuui shɛm ŋɔ? To di daa  niŋla lala ka  niŋ lala ka paaŋa daa puhi o kpariba ka yɛli ni pashe ka o paɣa daa yɛn duɣi n-ti ba. Kpariba ŋɔ kɔbu biɛɣu  ni daa ti nee, ka paaŋa mini kpariba be puuni kɔra ka paaŋa paɣa ti kana nti yɛli o ni nyuuli maa biya o bɔrila kpam ni o ti nyɛligi.

Ka paaŋa daa yiɣisi doli o paɣa ka ti che ka o zaŋ duɣu n-tam buɣum ni. Duɣu maa ni daa ti bii saha shɛli ka ŋuni paaŋa daa dii yiɣi nti lu duɣutulli maa ni ka yɛra:

“N yi gari kpɛ kpam din chuu! ka n-gari kpɛ, kpam din chuu”.  Pumpuŋɔ, pumpuŋɔ ka kpam puu pali duɣu zaa ka labi o puuni ka bɛ ti guhiri o paɣa.  Di bi tooi bela ka paaŋa paɣa zaŋ pashe ni kom tahi puuni na ka kpariba ti ŋubi ka di niŋ ba nyaɣisim. Kpatidariŋa gba daa  bɛla puu maa ni n-nya paaŋa ni daa niŋ shɛm maa.

 Di daa bi niŋ dabaayi ka Kpatiŋdariŋa pun kpɛ mɔɣu ka o gba puhi kpariba ka yɛli ni o paɣa gba yen duɣila pashe din dali maa. Kpariba ŋɔ kɔbu biɛɣu ni nee, ka bɛ laɣim taba Kpatiŋdariŋga puuni nti gbani chimsimam, ka kushia n kuli gahira.  Lala hali ka wɔligu ti puhiba zaa ka Kpatiŋdariŋga  gba paɣa ti bala na nti  yɛli o ni nyuli maa biya.

Ka o da yiɣisi  doli o nti che ka o zaŋ duɣu n tam buɣum ni. Duɣu ŋɔ ni daa ti mooi saha sheli la ka o gba daa dii yiɣi nti lu duɣu maa ni ka  kuhi pam n-nyeli “Nkabira, nkabira” ka o paɣa daa too kom niŋ duɣu maa ni yom yom.  Din dali hali ka Kpatiŋdariŋga  daa gurim ka na kuli gurim ŋɔ.