Mercy Tagoe

Mercy Tagoe ( Ŋun yuli taɣi m pa nye Tagoe-Quarcoo o ni daa kuli dooyili naai, Ka o dɔɣim dabsili lu silimiin gɔli February dabaa Anu, yuuni 1974) nyɛla bɔli'ŋmɛra biingi kuro ŋun pa nye Ŋun wubisiri bɔli ŋmɛriba Gaana tiŋgbani puuni. O daa nyɛla bɔli'ŋmɛra so ŋun tahiri bɔla pɔi ka paai Ŋun guri laŋ, silimiinsi ni bɔli so Defender la, n ti Gaana paɣaba bɔli'ŋmɛriba beni ka bɛ booni ba Ghana women's national football team. O daa pahila Gaana paɣaba bɔli'ŋmɛriba ban chaŋ silimiin tiŋ booni United States n ti pahi ka bɛ ŋme bɔlli nti Gaana yuuni <i>1999 FIFA Women's World Cup</i> puuni, din nye bɔlli n ŋme n nyaŋ taba anduniya yaangi zuɣu zaŋ jɛndi paɣaba. O lahi nyɛla ŋun ŋme n-ti paɣaba bɔli'ŋmɛriba gba beni ka bɔli bɛ maŋa Bluna Ladies Gaana tiŋgbani puuni.

Yuuni 2018 pulini, silimiin gɔli February puuni, Mercy Tagoe daa nyɛla ŋun zaŋ Black Queens, ban gba nye Gaana paɣaba bɔli'ŋmɛraba, n chaŋ ka bɛ ti kpuhi zaashei tuuli bɔlli ŋme n nyaŋ taba gbaŋsabila tiŋgbana ni bɛ ni bɔli shɛli West Africa Football Union (WAFU), din daa niŋ Tiŋ' yuli booni Abidjan, Côte d'Ivoire tiŋgabni puuni, sahi shɛli o ni daa nye na zani n yuuni Gana paɣaba bɔli'ŋmɛriba maa. Ka o leei tuuli Paɣa ŋun yuli ka pahi n wubisi paɣaba bɔli'ŋmɛriba ŋɔ Gaana tiŋgbani puuni.

Pɔi ka o pili Gana paɣaba bɔli'ŋmɛriba maa yulibu ni wubisibu, O daa nyɛla Gusu' Piɛbira n-ti bɔlli n ŋme n nyaŋ taba Gaana Diɛma ni yiɣi jɛm puuni, bɛ ni bɔli shɛli Ghana Premier League.la.

Gusu' Piɛbira Tuma

O daa pilila Gusu' Piɛbibu tuma yuuni 1995 pulini. O daa nyɛla ŋun niŋ saha n leei tuuli Gaana Paɣa Ŋun piɛbi gusu nti bɔlli n ŋme n nyaŋ taba anduniya yaangi zuɣu zaŋ jɛndi paɣaba, bɛ ni bɔli shɛli FIFA Women's World Cup, din daa niŋ yuuni 2007 China tiŋgbani ni. Yuuni 2012 pulini, o daa nyɛla ŋun che Gusu' Piɛbira Tuma maa ka o daliri nye zaba zaba din bie di puuni la zuɣu.