Lois Bryan Adams

Lois Bryan Adams
Silimin gɔli October 14, 1817
O ya Tiŋgbaŋ	America
Kpibu shee	Silimin gɔli June 28, 1870
Constantine Township Cemetery (en)
Tuma
Tuma	sasabira, lahabali sabira, columnist (en) ni newspaper editor (en)
Yupapaa	L

Lois Bryan Adams Bryan; L.; October 14, 1817 – June 28, 1870) daa nyɛla America sasabira ka lahi n-nyɛ lahabali chuɣu sabisabira mini proprietor. Adams yuun'pishi ni, o daa nyɛla ŋun tɔhiri sabiri n-ti lahabali chuɣu din nyɛ literature of Michigan, ka daa tooi n chirigiri n sabiri n-tiri New York periodicals of wide circulation. O article nima daa nyɛla Graham's Magazine mini Ladies' Book ban nyɛ ban daa yi m mali li n wuhiri salo la ni daa n yu shɛli pam. O ni daa na m-be o nyavuli puuni buku yina ka o daa n yihi na ka di yuli boli, Sybelle ond Other Poems (1862) ka naain n yi che Letter From Washington, 1863-1865 (1999) shɛli din daa n yina o kum nyaaŋa la.

O piligu biɛhigu mini shikuru baŋsim

Bɛ daa n doɣila Lois Bryan Moscow, Livingston County, New York, silimin goli October biɛɣu pia ni anahi dali, yuuni 1817 puuni. O laamba n daa n-nyɛ John (d. 1864) mini Sarah (Babcock) Bryan (d. 1876). Bɛ daa n doɣila John Bryan West Stockbridge, Massachusetts, silimin goli February dahinyini dali, yuuni 1794 puuni. Sarah Babcock daa nyɛla bɛ ni daa n doɣi so Whitestown, New York, silimin goli June biɛɣu pishi ni ayi dali, yuuni 1794 puuni. Bɛ daa n lɔla taba amiliya silimin goli May dabaa ayopoin dali, yuuni 1815 puuni, Leicester, New York tingbani puuni. Bɛ daŋ maa daa nyɛla ban n chaŋ Michigan yuuni 1823 la puuni saha shɛli Lois ni daa na n-nyu yuma ayobu. Bɛ malila bihi anu, Lois ka bɛ daa n doɣi m pahi ayi ka Sarah mii nyɛ bɛ kaluɣi. Silimin goli February yuuni 1824 puuni, bɛ daa n doɣila bidib'so ŋun daa n-nyɛ bɛ tuuli gbanpiɛlli Washtenaw County, Michigan, ka daa m boli o Alpha Washtenaw Bryan.

John Bryan daa nyɛla carpenter so ŋun daa m mali kpaŋmaŋa pam, ŋuna n daa m me court-house shɛli din m be Ann Arbor, Michigan, ka daa n zaŋ o daŋ ka bɛ n labi nimaani n ti m-be ni summer saha ka daa n lahi n yi ni yuuni 1834 la puuni. Yuuni 1835 la tuuli dali ka bɛ daa m paai Constantine, Michigan, bɛ ni daa n-niŋ dabaa anu soli zuɣu ni bɛ yiŋa nɛma nti tabili bɛ bihi ka bɛ zaa daa laɣim m be wagon yini puuni ni a long reach la nyaaŋa.

Woodruff's Grove, Michigan din nyɛ shikuru shɛli o piriba, Eliza Bryan ni daa m me n-niŋ o ba yiŋa la puuni ka o daa m pili o shikuru duu bohimbu. Din nyaaŋa Lois daa yimi n chaŋ nti n kpe shikuru shɛli yɛla sokam ni daa m mi ka di daa m be Ypsilanti, Michigan ka daa lahi n-nyɛ shikuru shɛli puuni Mrs. Mark Norris ni daa n wuhiri la. Nimaani ka Lois daa n chaŋ ka o suhu zaa daa n chaŋ nti n ga litiricha, din nyɛ o ni m mali niriba milinsi ni shɛli la bee din nyɛ o ni daa m baŋ shɛli viɛyelinga pirimila o biɛhigu ni literary culture karimba kamani Mrs. Norris, ŋun daa n nya di allamanima Lois nii ni o tɛha ni m be binyɛr'shɛŋa puuni di bahi m bahindi litiricha. Lois ni daa na m be Ann Arbor, Michigan yuuni 1834 puuni saha shɛli maa, o daa n dila anfaani ni shikushɛli o ni daa m pii. O yi daa n yi m be o yiŋ'shɛli din m be Constantine, Michigan, o daa yi n chanila district shikuru. O tuzopaɣa so ŋun gba daa n wuhiri shikuru shɛli din m be o ba yiŋa maa daa lahi nyɛla ŋun n dolisiri o. O litiricha zaɣa ni daa m be binyɛr'shɛŋa ni lala saha maa shɛŋa n daa n-nyɛ Shakespeare, Scott, nti m pahi English classic sasabiriba. O ba library maa ni daa bi n galisi maa daa chemi ka o buku bi paari o ni daa yi m bori li shɛm. O lala biɛhigu maa daa nyɛla din n gahim. O daa dee n je niriba ni biɛhigu dinzuɣu o daa m malila zonima bela o yiŋ'nima, o bukunima, o sabbunima, nti m pahi o muses nyaaŋa. O daa yi yori ka o chaŋ nti n ʒi St. Joseph River nangbanbeei pam biɛɣukulo kam puuni n sabiri n-niŋdi bukunima shɛŋa puuni o ni daa pun n sabi sabi o taɣimalisi kura n niŋla la puuni. Yuuni 1839 la winter puuni, Lois daa na n nyɛla branch university shɛli din m be White Pigeon, Michigan la puuni shikurubia ka daa n deegi o tuuli composition sabbu pin'gahindili . Kpenŋɔ ka o daa lahi n kpaŋ o maŋa pam o bohimbu puuni.

O tuma

Silimin goli April biɛɣu pia ni ayobu dali, yuuni 1841 puuni farmhome, Constantine, Michigan kurili puuni ka o mini James Randall Adams, ŋun daa n-nyɛ newspaper editor mini publisher la daa n lɔ taba amiliya. Mr. Adams n daa n-nyɛ ŋun daa m maali White Pigeon Republican, shɛli bɛ ni daa n zaŋ n wuhi salo nimaani la n niŋ. Mr. mini Mrs. Adams ni daa n yi White Pigeon, bɛ daa n chaŋla Centreville, Michigan nti n niŋ yuma ayi bee yuma ata din ni ka o daa n zaŋ the Centerville Democrat n wuhi salo. Yuuni 1845 la puuni ka bɛ daa n yi n chaŋ Kalamazoo, Michigan ka ŋun James Randall daa ti n zaŋ yuuni bee din daa n gari lala n editi Kalamazoo Gazette. Bɛ ni daa n yi Kalamazoo, o daa n lɛbila proprietor of a sawmill on Spring Brook, din daa m miri Gov. Enos T. Throop's, farm, north of Kalamazoo la. Throop n daa n lɛbi binshɛli Mrs. Adams suhu ni daa n yu nti pahi o ʒiliɛli puuni mini literary abilities nima zuɣu . Lala yili shɛli din daa nyɛ din n yi ka che north of Kalamazoo mile bihi la puuni ka Mr. Adams daa n kani, yuuni 1848 puuni.

Adams daa n lɛbi pakoli so ŋun yidana daa n kani ka bi che laɣ'shɛli n zali, lala ŋɔ zuɣu o daa n chaŋmi nti n wuhiri shikuru. O daa n nyɛla karimma m be Kentucky yuma ata ka daa nti nya haŋkali zaŋ n kpa dabili biɛhigu polo ka daa m pili n sabiri lahabali n jɛndiri li o kum saha maa ni.

O ni daa n labi Michigan, o daa chaŋmi nti n tohiri n-tiri Michigan Farmer. yuuni 1856 la puuni ka o daa n lɛbi editor of the household department of the Michigan Farmer, dini n-nyɛ bɛ daa n yihi n tahi Detroit. Yuuni 1858 la puuni, o daa n chaŋmi nti n da an interest lala Farmer ŋɔ puuni ka R. F. Johnstone, ŋun daa n-nyɛ editor-in-chief la daa n sɔŋ o ka o daa n nya saha n-ti o literary mini daabiligu yɛlbora n-ti lala gbaŋ maa.

Di ni daa n-niŋ ka civil war ŋɔ daa m mirisi Union nima ŋɔ ka bɛ n yiɣisi n zani n naai, saha shɛli bɛ ni daa na n guri Michigan Farmer tuma n zali la puuni ka Adams daa n chaŋ Washington, D.C. ka bɛ daa nti n zaŋ o n lɛbi clerk Department of Agriculture puuni. Dinyaaŋa, bɛ daa lahi n yihi o mi n tahi lala department maa puuni office of copyist ni. O daa lahi nyɛla ŋun m pahi commissioners shɛba bɛ ni daa m pii ni bɛ n lihiri soojanima shɛba ban daa n ka alaafee ka lahi n nya daŋsi la nima zuɣu Washington hospital during the war puuni.

Di mini Adams ni daa n-nyɛ sasabir'biinga maa zaa yoli, buku yini ko, ka di yuli daa m boli Sybelle ond Other Poems din pen name daa n-nyɛ, "L." ka o daa n zaŋ n wuhi salo. O ni daa m be Washington, o gbana din daa n jɛndi biɛhigu lala tiŋa maa puuni daa nyɛla bɛ ni daa n zaŋ shɛli n wuhi salo Detroit Advertiser and Tribune puuni. O ni daa n chaŋ o tuzopaɣa puhibu Illinois yuuni 1853 la puuni, o gban'shɛŋa o ni daa n sabi ka di nyaɣisim pam la lala tiŋa maa puuni daa nyɛla bɛ ni daa n zaŋ shɛŋa n wuhi salo New-York Tribune puuni. Bahigu ha saha shɛli o zaashee maa daabiligu ni daa n diri o saha pam la ni, o daa m bi sabi yɛltɔɣ'taɣimalisi pam. Tɔ amaa poi ni dimbɔŋɔ, o taɣimalisi daa yi nyɛla bɛ ni m mali shɛli n wuhiri salo Michigan lahabali churi din daa m be zuɣusaa puuni. O kum nyaaŋa bɛ ni daa n zaŋ shɛŋa n wuhi salo nima n daa n-nyɛ, Letter From Washington, 1863-1865, by Lois Bryan Adams (Wayne State University Press, 1999), din daa n-nyɛ Evelyn Leasher ŋun gba daa m bo piligu n-ti li la ni daa n editi shɛli.

O maŋmaŋa biɛhigu

Adams ni daa n yiɣisiri na o daa na nyɛla zealous Methodist. Nyaaŋa ka o daa n yi lala Methodist Episcopal Church ŋɔ puuni, di saha ka o daa na m be Washington n labi Emanuel Swedenborg puuni.

O daa bi n doɣi bihi.

Silimin goli May, yuuni 1870 puuni ka Adams daa n chaŋ nti n kaai yil'kurili shɛli din daa m be Michigan la ka daa n labi Washington mii silimin goli June puuni. O ni daa n zaŋ tuma yɛla n vuli o zuɣu la daa ti chemi ka cold daa n gbaagi o ka niŋ nimmɔhi pam. Poi ka o zonima daa ti m baŋ ni o ka alaafee la ni ka o daa n kani silimin goli June biɛɣu pishi ni anii dali, yuuni 1870 puuni, Washington, D.C. Bɛ daa n ʒi o mi n chaŋ o yil'shɛli din daa m be Michigan la ni nti n soɣi o m baɣili o ba Constantine Township Cemetery, din m be Constantine la puuni.

Selected works

Sybelle and other poems (1862)

O bukunima

• Sybelle ond Other Poems (yuuni 1862)
• Letter From Washington, Yuma 1863-1865 (1999)

Karimbu nim yaha

• Letter from Washington, 1863-1865, by L. B. Adams