Kuli- Mba Chaŋ ya

M-BA Zuŋɔ yuma awoi m-bala, Kpiɛŋlan' Naa ni daa ŋmeli ti nuhi N-labsi ti nyaaŋa ka kuhi yaagi a ka che ti. Ti daa niŋ alali kam Ni ti kuli pahi saha biɛla a duniya biɛhigu puuni Ka Nakarigu Naa yɛli ti ni ka ti ko m bɔri a. Naawuni zaligu ku taɣi zaa Dinzuɣu ti daa labimi ti ʒini n-tabili dukpini Ka zuɣu vilibo ni "Hmmm" lee ti yɛltɔɣa. Vum din daa dɔni ti suhiri ni a ŋmaligibu maa nyaaŋa na kuli domi hali ni zuŋɔ n-kɔŋ ŋun ŋariti li. Ni yu'suŋ gari salma. Yɛlmaŋli a sɔŋ vulo, ka ti niŋ nintiɣili ni dina. Hali ni zuŋɔ, pam zaŋ a yurilim n-yu ti. N-zaŋ a paɣibu paɣi ti. Ka zaŋ a pina n-ti ti. Luɣilikam ka ti yi chana, ti zuɣu zami tib, ka ti kpunkpama wuɣi, dama a wulɛɣu din tabi ti la zuɣu. Pumpɔŋɔ, di lee daaŋkali ni ti gu ka taɣi mɔri a vulo maa zuɣu, ka a yaansi gba ti doli ka ku mɔmsi. A yuli daa naʒin boli saɣingu shee. Maligu shee ŋuna, bu tuhi tuha. A daa faarimi m-bahira, a daa bi saɣinda. Ni kpɛm' do n-jɛliya sola kpɛm gballi. A ŋmaligibu nyaaŋa baŋsi ti di fasara. Ni vɔɣu yi moora, dini ti tɔhigi. A yili dinbɔŋɔ n-niŋ ti tiba ni. Bilim bi so. Ka tinim' kuli tiɛhi ni sahashɛlikam ka ti bɔri a, ti ni bɔbili n-tuugi a. A biɛhisuŋ, ni a jɛma ni Naawuni tiriti suhudoo ka dama, a be Naawuni nambɔɣu puuni. Nyini ka niriba pam daa mali m-baŋdi jiŋli wakati. Dama a daa yi ʒila jiŋli puuni poi ni laandani. Shɛhiranim' ŋɔ ka ti yɛn zaŋ lee dariga n-du n-ti fabili ti Natitamlana Naawuni. Luɣulikam a ni be, ti suhiri naani ni che m-paŋ n-tiri a. Naawuni che ka di nyɛla a vuhiya. A ni daa sarigi n-tum taali kam a duniya ʒii puuni, Naawuni chɛli m-paŋ a. A mabiligu zaa, n-ti pahi nir' kam ŋun daŋ a tooni, ni ban kana paagi a ni musulinsi, Naawuni zaŋmi ya m-mim O Rahama puuni. Nolɔri goli ŋɔ dahalibarika, Naawuni timi ya Alizanda, ka gunya ka che Jahannama. Kum ka liliga. Daŋ tooni maa zuɣu, ŋuni n di pun yɛn kpalim duniya? Dinzuɣu ti doli na. Naawuni che ka ti ti yɛn pali, ka pali ni Musulinsi sochibga zuɣu.