Ibrahim Mahama (businessman)

Ibrahim Mahama (dɔɣim dabisili 29 January 1971) nyɛla Ghana bilichina ŋun tumdi daabiligu tuma ka lahi nyɛ ŋun daa kpa Engineers and Planners shɛli din nyɛ West Africa tiŋgbani yaɣili nima nuu ni suŋ bɔhimbu shee. O mali la kompini nima pam din be Ghana, Dzata Cement Limited n-nyɛ din be di puuni. Ŋuni n-nyɛ John Dramani Mahama ŋun daa nyɛ Ghana tiŋgbani zuɣulana saha shɛli din gbaai ti 2012 zaŋ chaŋ 2017 tizo bia.

Mahama nyɛla bɛ ni dɔɣi so Piase, tudu yaɣili, Ghana, n-ti Emmanuel Adama Mahama, ŋun daa nyɛ Minista kpɛma n-ti tudu yaɣili Ghana tiŋgbani zuɣulana tuuli, Kwame Nkrumah saha. O ma, Joyce Tamakloe, nyɛla ŋun yina Keta, Volta Region, Ghana.

Mahama daa chaŋ ya ti be England tiŋgbani ni ka daa chaŋ shikuru College of North London.[1] O ni daa naai shikuru, o daa chaŋ ti ʒini London, ka daa tum ti kompini shɛli din kpaŋsiri bihi ni ʒi sheŋ.[1]

Mahama daa pili la o kompini, Engineers & Planners, yuuni 1997 o yi London na. O kompini maa zuŋɔ mali la niriba ban tumdi di puuni, Ghana bilichina kalinli yiɣisi 3,000.