David Abdulai
Dr. David Fuseini Abdulai (Dr. Choggu)
Dr. David Fuseini Abdulai (c. 1951 – 2 October 2016), ka pam mi or “Dr. Choggu” bee “Dr. Gurugu,” Ghana bilichini ŋun nyɛ dɔɣitɛ ni wumdab farigu, ŋun daa zali Shekhinah Clinic Tamale. Ashibiti shɛli din tibiri yinyahi ka bi deeri kɔbo, o lahi mɛ biɛhigu shee n tiba, kalahi tiriba bindirigu yoli yoli
Odaa nyɛla bini dɔɣi so n niŋ fara ni, o Ba n daa nyɛ Abdul Kaleem Yidantogma ka o daa tibiri Dagbanlini, ka o Ma nyɛ Amishetu Yahaya, O daa nyɛla tarim, be bia Doctar Choggu daa yigsina n ti nyɛla Doctar so ŋun zaŋ tarimba sɔŋsim lebi o tuma
O kpaŋmaŋa ŋɔ zuɣu 2012, US Embassy Ghana daa tiola kpaŋmaŋa pini din nyɛ“Martin Luther King Jr. Award for Peace and Social justice
O daa nyɛla ŋun faasigi silimiinsi yuuni 2 Oktoba 2016, o niŋla yunn pihiyob ni a nahi (64) dunia yaagi zuɣu.
O kalinsi nyanga Tamali kpamba daa nyɛla ban mi-o zali Choggu roundabout, ni di mali teeri o kpaŋmaŋa ni o sɔŋsim zaŋ chaŋ Ghana mini Dagbaŋ puuni.
Piligu
[mali niŋ | mali mi di yibu sheena n-niŋ]1951 yuuni ka bɛ daa dɔɣi Dɔɣite Chɔɣu. O ba yuli n-daa booni Abdul Kaleem Yidantogma ka o ma mi yuli daa booni Amishetu Yahaya. O laamba daa nyɛla nandaamba; o ba daa nyɛla kɔŋa ka o ma mi nyɛ barimaanda. O laamba ŋɔ bihi piniyini (11) puuni, Dɔɣite Chɔɣu ko n-daa nyɛ ŋun gali, dama o mabihi maa zaa daa nyɛla ban kɔŋ bɛ nyɛvuya pirimla fakari zuɣu. Boolanim' zuɣu ka Dɔɣite Ablai daa kuli gindi pihiri n-dira hali n-ti saɣi daadam.[1][2]
Baŋsim Bobu
[mali niŋ | mali mi di yibu sheena n-niŋ]David Abdulai n-daa niŋ alali hali n-ti kpehi ka yuli o maŋ shikuru hali ni univesiti. Tamale Senior High School ka o daa chaŋ o shikuru, n-yi ni chaŋ University of Ghana n-ti bohim dɔɣite tuma.[2]
Tuma
[mali niŋ | mali mi di yibu sheena n-niŋ]1989 yuuni ka Dɔɣite Ablai daa kpa Shekina Clinic ashibiti, n-lee di zuɣulana hali ni o nyevili tariga 2016 yuuni. Ashibitinima ayi ka o daa yuuna; Gurugu dini mini Wamale dini. O daashibiti ŋɔ daa tibira ka dihira barinima mini yinyahi.[1][3][4][2]
Kpaŋmaŋ Pina
[mali niŋ | mali mi di yibu sheena n-niŋ]David Abdulai daa di kpaŋmaŋ pina pam o nyɛvili ni. Yuuni 2012 puuni o dee pin' gahindili din yuli booni "Martin Luther King Jr. Award for Peace and Social Justice" ka di yi U.S Embassy nim sani na pirimla kpaŋmaŋ mini sɔŋsim shɛli o ni daa zaŋ ti nandaamba biɛhigu ni.
Dɔɣite Abdulai n-daa lahi nye ninvuɣu so ŋun pahiri anu n-daa dee Martin Luther King Jnr II. Award for Peace and Social Justice Award pin gahindili maa 2008 yuuni.[3]
Kundivihira
[mali niŋ | mali mi di yibu sheena n-niŋ]- 1 2 All you need to know about ailing Dr David Abdulai (English). GhanaWeb. Retrieved 10 August 2016.
- 1 2 3 Remembering The ‘Mad’ Doctor Of Tamale (English). Modern Ghana. Retrieved 04.10.2018.
- 1 2 Medical Doctor wins 2012 Martin Luther King Award for Peace and Social Justice (English). usembassy.gov. Retrieved 20 Feb 2012 - 2 Jan 2017.
- ↑ Medical philanthropist laid to rest (English). pulse,com.gh. Retrieved October 4, 2016 9:30 PM.